Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1906
	Dünən	3733
	Bu həftə	1906
	Bu ay	93065
	Bu günə qədər	9754430

Bizi Paylaşın

Video Xəbərlər

Təqvim

Dalga TeleviziyasA�

Batumidə iqtisadi görüş

შაბათი, 07 მარტი 2015 22:25 |

alt Batumidə keçirilən 4-cü Gürcüstan-Türkiyə-Azərbaycan biznes forumu çərçivəsində Azərbaycanın iqtisadiyyat və sənaye naziri Şahin Mustafayev Gürcüstanın Baş naziri İrakli Qaribaşvili, bu ölkənin iqtisadiyyat və davamlı inkişaf naziri Giorgi Kvirikaşvili və Türkiyənin iqtisadiyyat naziri Nihat Zeybekci ilə görüşüb.

İqtisadiyyat və Sənaye Nazirliyindən ANS PRESS-ə bildirilib ki, görüşdə ölkələrimiz arasındakı əlaqələrin uğurla inkişaf etdiyi, iqtisadi münasibətlərimizin genişləndiyi, strateji tərəfdaş olan Azərbaycan, Gürcüstan və Türkiyənin iştirakı ilə regionda irimiqyaslı layihələrin uğurla həyata keçirildiyi bildirilib. Bununla belə, iqtisadi əməkdaşlığın daha da gücləndirilməsi üçün böyük potensialın olduğu vurğulanıb. Batumidə reallaşdırılan tədbirlərin əlaqələrimizin genişləndirilmsində əhəmiyyətli olacağı qeyd olunub.

Şahin Mustafayev gürcüstanlı həmkarı Giorgi Kvirikaşvili ilə görüşündə ölkələrimiz arasında iqtisadi-ticarət əlaqələri, nəqliyyat, energetika, turizm, İKT, kənd təsərrüfatı, investisiya sahələrində əməkdaşlıq, Azərbaycanda yaradılan sənaye parklarında Gürcüstan şirkətlərinin iştirakı və digər məsələlərə dair müzakirələr aparılıb.

Türkiyənin iqtisadiyyat naziri Nihat Zeybekci arasında keçirilmiş görüşdə isə ölkələrimiz arasındakı iqtisadi əlaqələrin daha da genişləndirilməsi perspektivləri müzakirə edilib. Azərbaycan, Gürcüstan və Türkiyənin iştirakı ilə keçirilən üçtərəfli formatda biznes forumların və görüşlərin strateji əməkdaşlığın, mehriban qonşuluq və qardaşlığın göstəricisi olduğu vurğulanıb.

Görüşdə aqroparkların yaradılması sahəsində əməkdaşlıq, ixracın təşviqi mexanizmləri və sənaye məhəllələrinin yaradılması istiqamətində Türkiyə təcrübəsinin öyrənilməsi, Azərbaycanda yaradılmaqda olan sənaye parklarına türkiyəli investorların cəlb edilməsi, üçüncü ölkələrdə birgə müəssisələrin yaradılması imkanları, iki ölkə arasında və regional miqyasda ikitərəfli və tranzit yükdaşımalarının genişləndirilməsi, tekstil, turizm, maliyyə və digər sahələrdə əməkdaşlığın inkişafı məsələləri müzakirə edilib.

Sonra isə Gürcüstanın Baş nazirinin müavini, iqtisadiyyat və davamlı inkişaf naziri Giorgi Kvirikaşvili və Türkiyənin iqtisadiyyat naziri Nihat Zeybekci arasında görüş keçirilib. Görüşdə Gürcüstan-Türkiyə iqtisadi əlaqələri və əməkdaşlığın genişləndirilməsi perspektivləri diqqət mərkəzində saxlanılıb.

Boris Nemtsovun qatilləri tutuldu

შაბათი, 07 მარტი 2015 22:21 |

alt

Moskvanın mərkəzində qətlə yetirilən rusiyalı siyasətçi Boris Nemtsovun qatilləri tutulub. Modern.az saytı Rusiya mətbuatına istinadən xəbər verir ki, saxlanılanlar 2 nəfər Şimali Qafqaz əsilli şəxsdir.

Rusiya Federal Təhlükəsizlik Xidmətinin rəhbəri Aleksandr Bortnikov məlumat verib ki, bu gün həyat keçirilən əməliyyat tədbirləri nəticəsində qətli törətməkdə şübhəli bilinən 2 nəfər – Anzor Qubaşov və Zaur Dayaev həbs olunub.

Boris Nemtsov fevralın 27-də gecə saatlarında Kremlin yaxınlığında güllələnib.

Putin Tiflisə ultimatum verdi

შაბათი, 28 თებერვალი 2015 12:25 |

alt Bu həftə Rusiya və Gürcüstan arasında Praqada keçirilən görüşdə Abxaziya dəmir yolunun açılması müzakirə olunmalı idi.

ANS PRESS-in məlumatına görə, bunu Rusiya tərəfi bildirmişdi, amma Gürcüstan təmsilçisi Zurab Abaşidzenin dediyinə görə, görüşdə bu məsələ müzakirə olunmayıb. Tiflisdən verilən məlumata görə, Rusiya Gürcüstandan Abxaziya yolunu açmağı tələb edir. Tiflisdə bunu Putinin yeni ultimatumu adlandırırlar.

Əslində, Abxaziya dəmir yolunun açılması öhdəliyi Rusiyanın adamı sayılan Bizdna İvanişvilinin də qarşısına məqsəd kimi qoyulmuşdu. O, hətta baş nazir təyin olunandan sonra dərhal İrəvana getmişdi və orada dəmir yolunun açılmasını vacibliyini vurğulamışdı.

İrəvan da dərhal bu ideyanı dəstəkləmişdi. Təbii ki, Gürcüstanın özündə əsas qüvələr ideyanı dəstəkləməmişdilər, çünki bu, Abxaziya və Cənubi Osetiyanın müstəqilliyinin tanınması demək idi.

O vaxt Rusiya məsələnin üstünə çox getməmişdi, çünki Bidzina İvanişvilinin müvəqqəti olduğu göz qabağında idi. Amma indi Rusiya tələbini yeniləyib. Ermənistan parlamentində də bir canlanma var. Əslən Axalkalakidən olan deputatlar dəmir yolunun açılmasını vacib sayırlar.

Amma bu, bir sıra erməni şərhçiləri qorxudur. “Əgər Rusiya Gürcüstanı təslimə məcbur edə bilərsə, onda Gürcüstan və Ermənistan müstəqilliyini itirəcək və Rusiya imperiyasının bir hissəsinə çevriləcək”, - deyə erməni şərhçi Naira Hayrumyan vurğulayır.

Düşmən ordu ağır itki verdi

კვირა, 01 მარტი 2015 13:18 |

alt Ermənistan ordusu cəbhə xəttində ağır itki verib.

ANS PRESS-in məlumatına görə, bu barədə Ermənistan Müdafiə Nazirliyi açıqlama verib.

Bildirilir ki, bu gün saat 14:25 radələrində Qarabağın şimal-şərq hissəsində 2 erməni əsgəri öldürülüb.

Belə ki, 1979-cü il təvəllüdlü hərbçi Artak Aqekyan və 1995-ci il təvəllüdlü Hayk Baroyan öldürülüb.

Qeyd edək ki, son aylar erməni hərbi birləşmələr Azərbaycan Ordsunun mövqelərinə kəşfiyyat-təxribat hücumları həyata keçirirlər. Əsgərlərimizin sayıqlığı nəticəsində düşmən itki verərək geri çəkilir. 2014-cü ildən bu yana Ermənistan silahlı qüvələri 100-dən çox itki verib.

“Günəşli” yatağında son vəziyyət

კვირა, 06 დეკემბერი 2015 21:05 |

Təəssüf ki, hələ indiyə qədər “Günəşli” yatağında baş vermiş yanğın səbəbindən itkin düşmüş neftçilərin heç biri tapılmayıb.

AzNews.az-ın Trend-ə istinadən məlumatına görə, bu barədə SOCAR-ın vitse-prezidenti Xaliq Məmmədov hadsə ilə bağlı son vəziyyəti açıqlayarkən deyib.

O bildirib ki, yanğın hələ söndürülməyib və bu istiqamətdə işlər davam etdirilir. X.Məmmədov qeyd edib ki, Dövlət Sərhəd Xidmətinin 7 gəmisi və 4 helikopteri, Fövqəladə Hallar Nazirliyinin 4 helikopteri, o cümlədən Xəzər Dəniz Gəmiçiliyinin yedək gəmiləri xilasetmə işlərinə cəlb olunub.

X.Məmmədov bildirilib ki, hazırda SOCAR-ın prezidenti Rövnəq Abdullayev və digər qurumların rəhbər şəxsləri hadisə yerində yaradılmış qərərgahdadırlar.

X.Məmmədov vurğulayıb ki, yanğın nəticəsində xəsarət alanlardan 8 nəfər xəstəxanadadır, 22 nəfər evə buraxılıb, ancaq bir nəfər yenidən xəstəxanaya müraciət edid. Onun sözlərinə görə, həkimlər xəstələrin ümumi vəziyyətini stabil qiymətləndirirlər.

X.Məmmədov bildirib ki, dənizdə xilasetmə gödəkçələri tapılıb, təəssüflər olsun ki, insan tapılmayıb. Onun sözlərinə görə, hadisə zamanı dağılan xilasetmə qayığının bir hissəsi də tapılıb.

Vitse-prezident bildirib ki, hava artıq qaranlıq olduğu üçün helikopterlər xilasetmə işlərini apara bilməyəcəklər, ancaq gəmilər axtarışları davam etdirəcək

უფრო მეტი სტატია...