BMT-nin Qaçqınlar üzrə Agentliyi bir müddət öncə maliyyə böhranı səbəbindən 1,7 milyondan artıq suriyalı qaçqına ərzaq yardımını dayandırmaq məcburiyyətində qaldığını elan etmiş Ümumdünya Ərzaq Proqramına təcili beynəlxalq dəstək verilməsinə çağırıb.

BMT-nin Bakı nümayəndəliyindən ANS PRESS-ə verilən məlumata görə, BMT-nin Qaçqınlar üzrə Ali Komissarı bildirib ki, çətin dövrdə onların yanında olmaq lazımdır.

"Qış artıq suriyalı qaçqınların həyatında son dərəcə çətin dövrdür, amma bu mühüm məqamda ərzaq yardımının dayandırılması vəziyyəti daha da pisləşdirəcək. Bu, ən əlverişsiz durumda olan və demək olar bütünlüklə beynəlxalq yardımdan asılı vəziyyətdə olan on minlərlə qaçqın ailəsinə təsir göstərəcək. Mən təcili olaraq beynəlxalq birliyə müraciət edirəm: indi Ümumdünya Ərzaq Proqramına dəstək verin, qaçqınları ac qalmağa qoymayın", deyə Ali Komissar bildirib.

Tehran İraq və Şam İslam Dövləti (İŞİD) silahlı qruplaşmasına qarşı birbaşa döyüşlərə əl ata bilər.

ANS PRESS-in məlumatına görə, İranın briqada generalı Mohammad Bakeri bildirib. Onun sözlərinə görə, əgər şiələrin müqəddəs yerləri yerləşən şəhərlərə təhlükə yaranarsa, İran açıq hərbi əməliyyatlara başlayacaq.

“Tehran indiyə kimi İraqda silahlı terrorçulara qarşı heç bir birbaşa hərbi əməliyyat keçirməyib. Amma Bağdad və şiə ziyarətgahların yerləşdiyi digər İraq şəhərləri hücuma məruz qalarsa, biz sərt və açıq əməliyyatlara başlayacağıq”,- deyə Bakeri bildirib.

Onun sözlərinə görə, İran qarşı bütün gücündən istifadə edərək terrorçuları və onların qərərgahlarını dağıdacaq.