Məşhur "Kosmopolitan" (Cosmopolitan) jurnalı müxtəlif ölkələrin birinci xanımları barədə məqalə dərc edib.

Azərbaycanın birinci xanımı Mehriban Əliyevanın adı planetin ən gözəl və ən şık prezident xanımı kimi hallanıb.

"DalğaTV" xəbər verir ki, ANS PRESS-in məlumatına görə, məşhur "Kosmopolitan" (Cosmopolitan) jurnalı müxtəlif ölkələrin birinci xanımları barədə məqalə dərc edib. Məqalədə Azərbaycanın birinci xanımı Mehriban Əliyevanın da adı var.

Оnlar müğənni və ya aktrisa deyillər, lakin bu xanımların da öz pərəstişkarları var. Qadınlar onların stilini kopyalayırlar, kişilər isə onların həyat yoldaşlarının yerinə olmağı arzulayırlar. Bu qəhrəmanlar — onlar bütün planet üzrə ən parlaq və şık birinci ledilərdir.

Mişel Obama
Amerika Birləşmiş Ştatlarının prezidenti Barak Obamanın həyat yoldaşı Mişel Obama - onu sadəcə Amerika liderinin xanımı kimi tanımırlar. Missis Obama artıq fəal sosial həyat tərzi ilə artıq çoxdan öz ərini kölgədə qoyub: o, yumor şoularında iştirak edir, əla rəqs edir, rep oxuyur.

Valeri Triyerveyler
Fransa prezidenti Fransua Olandın keçmiş həyat yoldaşı. 2012-ci ildə madam Triyerveylerin üzərinə ağır missiya düşür — birinci xanım postunu ölkənin keçmiş birinci ledisi, model və müğənni Karla Brunidən qəbul etmək. Valeri model deyil, jurnalist və teleaparıcıdır, lakin ölkə vətəndaşlarının qəlbini dəb zövqü ilə və özünün şəxsi dramı ilə əla almağı bacarıb. İlyarım bundan əvvəl Valeri ərinin xəyanıtindən xəbər tutduqda xəstəxanaya düşür. Prezident Fransua Oland aktrisa Jüli Qayla eşq yaşayırdı... Nəticədə bu ilin yanvar ayının sonunda prezidentin vətəndaş nikahı pozulur.

Mehriban Əliyeva
Azərbaycan prezidenti İlham Əliyevin həyat yoldaşı - ağıllı və gözəl Mehriban. Birinci xanım ölkənin ən hörmətli, sayılıb-seçilən — yazıçı Mir Cəlal Paşayevin nəvəsi və Milli Aviasiya Akademiyasının rektoru Arif Paşayevin qızıdır. Mehriban xanım öz nəslini ləyaqətlə davam etdirir: Seçenov adına Moskva Tibb Universitetini qırmızı diplomla bitirib. Hələ tələbə ikən gələcək prezidentlə ailə həyatı qurur. Cütlüyün üç uşağı var.
Mehriban Əliyeva peşəsi üzrə Moskvada göz xəstəlikləri elmi-araşdırma institutunda işləyib, sonra isə xeyriyyəçiliklə məşğul olub. Bu fəaliyyətinin nəticəsi olaraq Heydər Əliyev Fondunu yaradır və hazırda Fondun prezidentidir. Azərbaycanın birinci xanımı hazırda BMT-nin və YUNESKO-nun xoşməramlı səfiridir. Və əlbəttə ki, ölkənin ən tərzli xanımıdır.

Əsma Əsəd
Suriya prezidenti Bəşər Əsədin xanımı Əsma Əsəd — etnik suriyalıdır, amma gələcək birinci xanım Londonda doğulub və böyüyüb. Əsmanın anası diplomatdır. Əsma sevgisi naminə Britaniya paytaxtını və beynəlxalq investisiya banklarındakı uğurlu karyerasını buraxıb Suriyaya gəlməyə razılaşır. 2000-ci ildə vətəninə qayıdaraq ölkəsinin birinci xanımı olur. Suriyanın birinci xanımının xarici görünüşü qərblilərdən seçilmir: dəbli kostyumlar geyinir və saçını qısa kəsdirir.

Anxelika Rivera
Aktrisa, meksikan seriallarının ulduzu olan bu xanımın real həyatı da ekranlarda olduğu kimi dəyişir. Anxelika Rivera 2010-cu ildə Mexiko şəhərinin qubernatoru Enrike Penyu Netoya ərə gedir və həyat yoldaşı iki il sonra ölkə prezidenti postunu tutur. Cütlük birlikdə hər birinin keçmiş nikahdan üçü olmaqla altı uşaq tərbiyə edirlər.

Bu gün Gürcüstan Daxili İşlər Nazirliyinin (DİN) Fövqəladə Hallar Departamentində "Təhlükəsiz Qafqaz-2014" adlı beynəlxalq təlimlə əlaqədar hazırlıq görüşü keçirilib.

APA - nın Gürcüstan bürosunun məlumatına görə, Gürcüstan Daxili İşlər Nazirliyinin mətbuat xidmətindən bildiriblər ki, sözügedən təlim sentyabrın 5-də Yağlıca poliqonunda Gürcüstan və Azərbaycanın iştirakı ilə keçiriləcək.

Təlimdə əsas məqsəd əməkdaşlığın təkmilləşdirilməsi və iki ölkə arasında imzalanan Anlaşma Memorandumu çərçivəsində Azərbaycanla Gürcüstan arasında genişmiqyaslı fövqəladə hallar zamanı xilasedicilərin işinin koordinasiyası, habelə Gürcüstan hökuməti ilə "British Petrolium" (BP) arasında imzalanan müqaviləyə əsasən suda və quruda neftin dağılmalarına qarşı fəaliyyətin tənzimlənməsi, eləcə də əlaqələndirmə işlərinin təkmilləşdirilməsidir.

Bu gün keçirilən hazırlıq görüşündə planlaşdırılan təlim ssenarisinin detalları, müvafiq texniki və təşkilatçılıq məsələlər müzakirə edilib. Qonaqlar həmçinin poliqonda təlim nöqtələrinə baxış keçiriblər.

Təlimdə Gürcüstanın daxili işlər, əmək, səhiyyə və sosial müdafiə nazirliklərinin, Azərbaycanın Fövqəladə Hallar Nazirliyinin, habelə "British Petrolium", BP "BRIGGS" ASC və "Energy Invest" şirkətlərinin nümayəndələri iştirak edəcəklər.