Amerikanın “Price of Travel” analitik portalı istirahət üçün ən sərfəli şəhərlərin reytinqini açıqlayıb.

Avropa ölkələri üçün “Europe Backpacker Index 2014” reytinqini açıqlayan portalın hesablamalarına görə, reytinq şəhərdə bir gündə sərf edilən vəsaitin məbləğinə görə tərtib edilib.

Ən ucuz şəhərlər siyahısına Buxarest rəhbərlik edib. Burada bir günlük istirahət 24,69 dollardır. Bu məbləğə oteldə bir günlük gecələmə, ictimai nəqliyyatda iki dəfə gediş, 3 dafə baha olmayan yemək, 3 bakal şərab daxildir.

Qeyd edək ki, “Price of Travel” belə reytinq cədvəlini hər il tərtib edir. “Price of Travel”in təsisçisi Rocer Ueyd “Forbes”ə bildirib ki, İstanbul türk lirəsinin 20 fazi ucuzlaşması nəticəsində ucuz şəhərlər sırasına düşüb. Funt-sterlinq və avro bahalaşdığına görə London və Paris “ucuzlaşmayıb”.

Krakov, Polşa, Budapeşt kimi şəhərlərin də mövqeyində ciddi dəyişiklik olmayıb.

Rusiyanın Sankt-Peterburq şəhərində bir günlük istirahət 40,97 dollar, Moskvada 45,23 dollar təşkil edir.

Beləlikə 10 ən ucuz şəhərlər siyahısına Buxarest (24,69 dollar), Kiyev (25,61 dollar), Sofiya (26,32), Belqrad (28,27 dollar), Krakov (28,87 dollar), Sarayevo (29,26 dollar), Budapeşt (33,12 dollar), Riqa (33,21 dollar), İstanbul (35,89 dollar), Varşava (37,29 dollar) daxildir.

Avropa Şurası Parlament Assambleyasının (AŞPA) payız sessiyasının bugünkü plenar iclasında Azərbaycanın xarici işlər naziri Elmar Məmmədyarov çıxış edib.

Dalgatv apa-ya istinadən xəbər verir ki, Azərbaycanın Avropa Şurası Nazirlər Komitəsinə sədrliyi çərçivəsində AŞPA-də nitq söyləyən E. Məmmədyarov sədrlik etdiyi qurumun fəaliyyəti haqda assambleya üzvlərinə məlumat verib.

Nazir ilk olaraq Ukraynadakı böhran haqqında danışıb və AŞ NK-nin bu məsələ ilə bağlı xüsusi bəyanat verdiyini assambleya üzvlərinin diqqətinə çatdırıb. E. Məmmədyarov Azərbaycanın sədrliyi dövründə AŞ-nin Bakıda keçirilmiş tədbirləri, eləcə də gələn ay Bakıda keçiriləcək korrupsiyaya qarşı tədbirin hazırlıqları haqda məlumat verib. Azərbaycanda uğurla tətbiq olunan “ASAN xidmət”in fəaliyyətinə toxunan E. Məmmədyarov bu təcrübənin digər Avropa ölkələri üçün də faydalı ola biləcəyini bildirib.

Bu gün Azərbaycanda keçirilən Bakı Beynəlxalq Humanitar Forumu haqda da məlumat verən nazir bu tədbirin Azərbaycanın AŞ Nazirlər Komitəsinə sədrliyi çərçivəsində təşkil edilmədiyini, lakin bu məsələnin də Azərbaycan üçün prioritet təşkil etdiyini söyləyib. O, Azərbaycanın sədrliyinin gələn ayın 15-də bitəcəyini xatırladaraq Azərbaycandan sonra quruma sədrlik edəcək Belçika və Bosniyanın fəaliyyətini dəstəkləyəcəklərini vurğulayıb.