Avropa Liqasının qrup turnirinin püşkatma mərasimi baş tutub.

"DalğaTV" xəbər verir ki, “Qarabağ” və “Qəbələ”nin rəqibləri məlum olub.

“Qəbələ” dortmundlu “Borussiya”, yunan PAOK və Rusiyanın “Krasnodar”ı ilə “C” qrupuna düşüb.

“Qarabağ” ingilis “Tottenhem”, belçikalı “Anderleht” və fransız “Monako”su ilə oynayacaq.

Püşkatmanın yekunu:

“A” qrupu: “Ayaks”, “Seltik”, “Fenerbahçe”, “Molde”.

“В” qrupu: “Rubin”, “Liverpul”, “Bordo”, “Syon”.

“С” qrupu: “Borussiya”, PАОK, “Krasnodar”, “Qəbələ”.

“D” qrupu: “Napoli”, “Byüqqe”, “Legiya”, “Midtyuland”.

“Е” qrupu: “Vilyarreal”, “Viktoriya”, “Rapid”, “Dinamo” (Minsk).

“F” qrupu: “Olimpik”, “Braqa”, “Slovan”, “Qroningen”.

“G” qrupu: “Dnepr”, “Latsio”, “Sent-Eyten”, “Rusenborq”.

“H” qrupu: “Sportinq”, “Beşiktaş”, “Lokomotiv”, “Skenderbeu”.

“I” qrupu: “Bazel”, “Fiorentina”, “Lex”, “Belenenseş”.

“J” qrupu: “Tottenhem”, “Аnderleht”, “Monako”, “Qarabağ”.

“K” qrupu: “Şalke04”, АPOEl, “Sparta”, “Asteras”.

“L” qrupu: “Atletik”, “Az Alkmaar”, “Auqsburq”, “Partizan”.

“Yandex” internet istifadəçilərinin 2014-cü ildə internetdə ən çox axtardıqları sorğuları yayımlayıb.

ANS PRESS-in məlumatına görə, bu il insanları ən çox rusiyalı müğənni Janna Friske və “Eurovision 2014” mahnı müsabiqəsinin qalibi Konçita Vurst maraqlandırıb.

Qeyd edək ki, internetdə ən çox axtarılan qadınlardan birincisi olan müğənni Janna Friskeyə 2014-cü ilin yanvarında beyin xərçəngi diaqnozu qoyulmuşdu. Almaniyada müalicə alan müğənninin səhhətinin getdikcə yaxşılaşdığı deyilir.

2014-cü ildə insanları ən çox maraqlandıran kişi isə avstriyalı müğənni Konçita Vurstun əsl adı Tomas Noyvirtdir. O, insanların yaddaşında daha çox “saqqallı qız” kimi qalıb.

Ən çox axtarılanlar siyahısına həmçinin internetdə səs-səda doğuran hadisələr, filmlər, musiqi kompozisiyaları və başqa hadisələr də düşüb.

Məsələn, sona çatmaqda olan ilin ən məşhur təqdimatı isə iPhone 6 telefonunun sentyabrın 9-da keçirilən təqdimatı olub. Telefon ətrafında ajiotaj o qədər yüksək olub ki, insanlar telefonu birinci almaq üçün smartfonun satışına bir neçə gün qalmış şirkətin dükanının önündə çadırlar qurub gözləyiblər.

“İlin hadisəsi” isə Soçidə keçirilən Qış Olimpiya Oyunları olub. İnternetdə ən çox oynanılan oyun isə “Tankların dünyası” (“World of Tanks”) adlı kütləvi onlayn oyun olub. Oyunun istehsalçı şirkəti olan Wargamin-in məlumatına görə, yanvarın 19-da oyunun rus serverində eyni anda 1 milyondan çox adam olub. Ümumilikdə isə oyunun qeydiyyatından 75 milyondan çox adam keçib.