Rusiyalı politoloqlar “Rusiyalılar 2015-ci ildən nə gözləməlidirlər?” mövzusunda geniş mətbuat konfransı keçirərək öz ölkələrinin gələcəyi ilə bağlı bədbin fikirlər səsləndirib. Modern.az Rusiya mətbuatına istinadən xəbər verir ki, konfans iştirakçısı, “Yabloko” Partiyasının sədri Sergey Mitroxinin fikrincə, ölkəsinin xaricdən idxalı daxili bazar hesabına əvəzləyə bilmək potensialına inanmaq sadəlövlükdür və son 20 ildə xammal ölkəsinə çevrilən Rusiyanın bu yoldan çəkilməsi inandırıcı deyil.

Rusiya Sahibkarlar və İcarədarlar İttifaqının prezidenti Andrey Buniç isə deyib ki, Qərb Rusiya rəhbərliyini qorxutmamaq üçün qəsdən sakitləşdirir: “Qərbdə qəsdən hər şeyin, o cümlədən enerji daşıyıcılarının qiymətlərinin yüksək olacağı ilə bağlı proqnozlar verilər ki, Rusiya rəhbərliyini təlaşa salmasınlar. Lakin onlar artıq çoxdan hesablayıblar ki, 2, ola bilsin 3 ildən sonra indiki neft qiymətləri hesabına Rusiya iqtisadiyyatını çökdüürsünlər”.

Buniçin sözlərinə görə, Rusiya iqtisadiyyatının indiki ağır durumu Qərb sanksiyalarının deyil, Rusiya siyasi rəhbərliyinin qeyri-effektiv idarəetməsi ilə bağlıdır: “Bizdə sabit iqtisadiyyat yoxdur və hər şey neft pulları hesabına örtülür. Kim hakimiyyətə loyaldırsa, ona büdcədən pul verilir. Hətta “Rosneft”də pul istəyir. Əvvəl-axır belə iqtisadiyyat dalana dirənəcək”.

Andrey Buniç fikrini davam etdirərək enerji daşıyıcılarının qiymətlərinin yaxın 10 ildə hazırkı səviyyədə qalacağını və Rusiyanın yaxın bir neçə il ərzində parçalanacağını proqnozlaşdırır: “Qərb politoloqları hələ 6 il əvvl Rusiyanın parçalanacağı ilə bağlı proqnoz verirdilər. Lakin bu parçalanma daha tez baş verəcək. 6 il yox, 2-3 il ərzində. Valyuta, büdcə və bank sistemindəki böhran ani məqamda hər şeyi iflasa apara bilər. 1991-ci ildə heç kim SSRİ-nin çökəcəyinə inanmırdı. Lakin bu baş verdi. İndi də eyni vəziyyətdir”.

Təhlilçi-professor İqor Nikolayev da ümumi bədbin əhval-ruhiyyəni bölüşür: “İndi pulları dollarla da saxlamaq heç nəyi sığorta etmir. Siz, sadəcə olaraq öz pulunuzu bankdan ala bilməyəcəksiniz. Yeni ildən Mərkəzi Bank da rublun məzənnəsini indiki səviyyədə saxlaya bilməyəcək”.

Onun fikrincə, bütün imkanlı şəxslər öz vəsaitlərini Rusiya banklarından çıxarıblar. Bundan zərərçəkən isə sadə rus vətəndaşları olacaq. Rusiyalı ekspert belə fikirləşir.

Almaniya Gürcüstanı səyahət üçün riskli ölkələr siyahısına daxil edib.

APA-nın Gürcüstanın “Rezonansi” qəzetinə istinadən verdiyi məlumata görə, əsas səbəb kimi Almaniya vətəndaşlarının bu ölkəyə səfər edərkən terrorçular və kriminal ünsürlər tərəfindən təhlükə ilə üzləşə biləcəyi göstərilir.

“Terror və oğurluq təhlükəsi əvvəlki kimi böyükdür. Dövlət müəssisələri və inzibati binalar, nəqliyyat, iqtisadi və turizm obyektləri, mehmanxanalar, dini ibadət yerləri və səfirliklər hücum üçün prioritet istiqamətlərdir”, – deyə Almaniya Xarici İşlər Nazirliyinin bəyanatında qeyd olunub.

Almaniya vətəndaşlarına Cənubi Osetiya və Abxaziyaya da səfər etmək məsləhət görülmür. Bu ərazilər kriminogen durum baxımından təhlükəli kimi göstərilir. Almaniya XİN-i öz vətəndaşlarını xüsusi olaraq Cənubi Ocetiya və Abxaziyaya Rusiyadan daxil olmamağa çağırır.

Gürcüstanla yanaşı Almaniya XİN-in “qara siyahısı”nda Cənubi Sudan, Liviya, Kamerun, Mali, Burkina-Faso, Nigeriya və Yəmən kimi ölkələr yer alıb.

Məsələyə münasibət bildirən Gürcüstan xarici işlər nazirinin müavini David Zalkaliani Almaniya XİN-in müraciətində narahatlıq doğuran məqamların olmadığını deyib. Onun sözlərinə görə, bu qiymətləndirmə münaqişə zonalarındakı kriminogen duruma əsaslanıb.