Rusiyada prodüserliklə məşğul olan erməni mənşəli Valeri Saaryan “erməni soyqırımı”ndan bəhs edəcək film çəkiləcəyini bildirib. Filmin əsas qəhrəmanı isə ömrünün son illərini Parisdəki ruhi xəstəxanada keçirən erməni bəstəkarı Komitas olacaq. Modern.az Ermənistan mətbuatına istinadən xəbər verir ki, 36 yaşlı prodüser filmdə “Oskar” mükafatı alan aktyorlar Edrian Broudi, Dastin Hoffman və Alen Delonun çəkiləcəyini vurğulayıb:

“Edrian Broudi filmdə erməni bəstəkar Komitası canlandıracaq. O, ssenarini oxuyub və çəkilişlərə razılığını verib.

Əgər hər hansı çətinlik yaranmasa, Broudi Komitas rolunu ifa edəcək”.

Bundan başqa, Saaryan ssenaridə yer alan komissar Verjye obrazını ya Jerar Depardyenin, yaxud Jan Renonun canlandıracağını bildirib. Komitasın əsəb xəstəxanadakı müalicə həkimini isə Fransa kinosunun canlı əfsanəsi, 79 yaşlı Alen Delon oynayacaq.

Komitasla xəstəxanada dostluq edəcək digər obraz, yəhudi şahmatçısı Şpilmahr sürətini isə 2 dəfə “Oskar”a layiq görülən Dastin Hoffman canlandırcaq.

Valeri Saaryan 2016-cı ilin yazında premyerası keçiriləcək filmin rejissorunun isə Romçan Polnaski ilə Miloş Formandan biri olacağını vurğulayıb. “Erməni soyqırımı”nın təbliğinə hesablanan filmin büdcəsi 17 milyon dollardır.

Gürcüstan Rusiya və qondarma Abxaziya arasında birgə müdafiə barədə razılığına aqressiv cavab verəcək.

ANS PRESS-in məlumatına görə, bu barədə Gürcüstan xarici işlər naziri Maya Pancikidze bildirib.

“Aqressiv siyasət qabaqlayıcı siyasət deməkdir. Qərar Gürcüstan qarşısında duran çağırışlardan irəli gəlir” - deyərək, Maya Pancikidze əlavə edib.

Qeyd edək ki, 28 oktyabr tarixinə Gürcüstan prezidenti milli təhlükəsizlik şurasının iclasını çağırıb. Bundan əlavə Gürcüstan Rusiya ilə əməkdaşlıq olanı hazırlayacaq. Ölkənin xarici siyasət kursu əvvəlki kimi qalacaq. Burada Rusiya ilə əlaqələri yaxşılaşdırmaqla bərabər NATO və AB-yə inteqrasiyanın mümkünlüyü də nəzərdən keçiriləcək.