Rusiyalı kompüter mühəndisi, 30 yaşlı Valeri Spiridonov başının sağlam bir bədənə köçürülməsini istəyib. Qeyd edək ki,mühəndis hoffman xəstəliyindən əziyyət çəkir. Onun bədən əzələlərinin 90 faizi işləmir.

Modern.az saytının xarici KİV-ə istinadən verdiyi xəbərə görə, riskli əməliyyatı həyata keçirməyi planlaşdıran italiyalı cərrah Sergiyo Kanaverodur. Çinli cərrah Ren Xiaopinq isə bu əməliyyat zamanı Sergiyonun köməkçisi olmağı qəbul edib.

36 saat davam edəcəyi gözlənilən əməliyyat 7 milyon sterlinqə başa gələcək.

Çində təşkil edilən “Frontier Science” adlı konfransda çıxış edən cərrahlar iki il ərzində Spiridonova tam bədən nəqli etmək üçün işlərə başladıqlarını açıqlayıb. Əməliyyatın 2017-ci ilin dekabrında reallaşdırılması planlaşdırılır. Çinli cərrah Ren 2013-cü ildən bəri təxminən min siçana bədən nəqli etdiyini deyib.

Məkkənin “Əl Haram” məscidində zəvvarların üzərinə aşan qaldırıcı kran ben Laden ailəsinin “Saudi BinLaden Group” tikinti holdinqi tərəfindən idarə olunan alman şirkətinə məxsus olub.

APA-nın “Gazeta.ru”ya istinadən verdiyi xəbərə görə, bu barədə “Daily Mail” nəşri yazır.

“Saudi BinLaden Group” tikinti konserni hazırda məscidin ətrafındakı meydanın genişləndirilməsini nəzərdə tutan 14 mlrd dollar dəyərində layihəni həyata keçirir. Layihəyə əsasən, təmir işlərindən sonra məscid eyni vaxtda 2,2 mln-dək zəvvar qəbul edə biləcək.

“Saudi BinLaden Group” şirkəti 1931-ci ildə Üsamə ben Ladenin atası Məhəmməd ben Laden tərəfindən təsis edilib. Şirkət Səudiyyə Ərəbistanında bir çox layihələr reallaşdırıb.

Qeyd edək ki, ötən gün qaldırıcı kranın zəvvarların üzərinə aşması nəticəsində 107 nəfər ölüb, 238 nəfər yaralanıb. Kranın aşmasına səbəb güclü külək olub.