სომხეთის გენერალურმა პროკურორმა აღვა ოვსეპიანმა თურქეთისგან მიწის დაბრუნების მოთხოვნით გამოვიდა. "სომხური გენოციდის" 100 წლისთავთან დაკავშირებით ერევანში ორგანიზებულ კონფერენციაზე გამოსულმა აღვა ოვსეპიანმა განაცხადა, რომ თურქეთმა სომხეთის კუთვნილი ეკლესიები და "ოკუპირებული ტერიტორიები" მალე უნდა დაუბრუნოს.
აღვა ოვსეპიანმა განაცხადა, რომ დღეს სომხეთს თურქეთთან და აზერბაიჯანთან (ნახჩივანის რეგიონი) ტერიტორიული პრობლემა აქვს: "ვფიქრობ, რომ ამის მოსაგვარებლად იურიდიულ მტკიცებულებებზე დაყრდნობით, ახალი განცხადება უნდა დამზადდეს. შემდეგ ეს ფორმა გაერთიანებული ერების ორგანიზაციასა (გაერო) და საერთაშორისო სასამართლოებში უნდა წარადგინდეს".

მოსკოვის ოლქის ხელისუფლების ყოფილი ფინანსთა მინისტრი ალექსეი კუზნეცოვი რუსეთის სამართალდამცავი ორგანოების თხოვნით საფრანგეთში დააკავეს.
რუსეთის შინაგან საქმეთა სამინისტროს საიტზე გავრცელებული ინფორმაციის თანახმად, კუზნეცოვს მოსკოვის ოლქის ბიუჯეტს 3.5 მილიარდი რუბლის ზიანის მიყენება ედება ბრალად. წინა წლის ნოემბრიდან საერთაშორისო ძებნაში მყოფი ყოფილი ფინანსთა მინისტრის წინააღმდეგ "თაღლითობის" და "ფულის გათეთრებისა" და "გაფლანგვის" მუხლებით სისხლის სამართლის საქმე აღიძრა.