ერთ-ერთი მათგანი ჰუსეინ ტუკანი ქალაქ აჰვაზში "სპარსული სალმანის" გზაჯვარედინზე, მოსახლეობის თვალწინ ამწეკრანზე დაკიდეს, მეორე პატიმარი (მხოლოდ მისი ინიციალები ეწერა) კი ქალაქ გეჯსარანში ციხეში დაკიდეს. პირველი ნარკოტიკული საშუალებების კონტრაბანდაში, მეორე კი მკვლელობაში იყო ბრალდებული. მეორე პატიმარმა 2006 წელს გეჯსარან-პაზნანის ქუჩაზე მოჰსენ ჰუსეინ ნიკი იარაღით მოკლა. მათ შესახებ ქვემო ინსტანციის სასამართლოს მიღებული გადაწყვეტილება ირანის უზენაესი სასამართლოს მიერ დამტკიცების შემდეგ 29 ივნისის დილის საათებში იყო შესრულებული.
აღსანიშნავია, რომ ირანი ჩინეთის შემდეგ სიკვდილით დასჯის რაოდენობით მსოფლიოში მეორე ადგილზეა.

სტამბულის პოლიციამ გასულ ღამეს თაქსიმის მოედანზე 10 ათასამდე მონაწილის ხელისუფლების წინააღმდეგ აქციის დაწყნარებისას 20-მდე მომიტინგე დააკავა.
აქციის მონაწილეებმა 28 ივნისს დიარბაქირზე, სადაც მოსახლეობის უმრავლესობა ქურთებია, ჟანდარმელებთან შეტაკებების დროს ერთი ადამიანის დაღუპვას და 10-ზე მეტი ადამიანის დაშავებას აპროტესტებდნენ.
თაქსიმის მოედანზე მუსტაფა ქამალ ათათურქის ძეგლის მიმდებარე ტერიტორიაზე პოლიციამ აქციის მონაწილეებს რამდენჯერმე დაშლისკენ მიუწოდა, შემდეგ კი მომიტინგეებს ტერიტორიიდან ფარების მეშვეობით მათი დევნა დაიწყეს. პოლიციას ამჯერად მომიტინგეების წინააღმდეგ ცრემლსადენი და წყალნაკადი არ გამოუყენებია.
ანკარაში კი პოლიციამ გიზილაის მოედანზე არასანქცირებული აქციის ასობით მონაწილის დასაშლელად წყლის ნაკადი გამოიყენა. ცნობილია, რომ იქაც არიან დაკავებულები.
გარდა ამისა, ერაყის საზღვართან მდებარე ქალაქ იუქსალოვში მომიტინგეებსა და პოლიციას შორის შეტაკებები მოხდა. ქურთული მშვიდობისა და დემოკრატიის პარტიის წევრების მონაწილეობით 1000-მდე აქტივისტი მუნიციპალიტეტის წინ შეიკრიბნენ და დიარბაქირში მომხდარ შემთხვევებთან დაკავშირებით პროტესტი გამოაცხადეს. ამის შემდეგ ექსტრემისტების ჯგუფმა მუნიციპალიტეტს ქვებისა და ფოიერვერკის სროლა დაიწყო. პოლიციამ გაზისა და წყლის ნაკადის გამოყენებით აქციის დაშლა მოახერხა.
იზმირში, ადანასა და ანტალიაში ჩატარებული აქციები ინციდენტის გარეშე ჩაიარა.