Bakının "İnter" klubunun baş məşqçisi Kaxaber Sxadadze futbol üzrə Gürcüstan yığmasının baş məşqçisi təyin edilib.

ANS PRESS Trend-ə istinadən xəbər verir ki, K.Sxadadze ilə müqaviləni bu gün Gürcüstan Futbol Federasiyasının prezidenti Zviad Siçinava imzalayıb.

Müqavilə hələlik millinin iki oyunu - Malta ilə yoldaşlıq oyunu və Avro-2016 çərçivəsində Almaniya ilə oyun üçün nəzərdə tutulub.

2015-ci il iyunun 1-dən K.Sxadadze ilə iki il müddətinə yeni müqavilə rəsmiləşdiriləcək.

Həmin tarixdən gürcü məşqçi "İnter"i tərk edəcək.

Qeyd edək ki, "İnter" rəhbərliyi K.Sxadadzenin iki oyunluq müqavilə imzalamasına rəsmi razılığını verib.

Ana 6 aylıq qızının ölümünə səbəb olub. Hadisə Rusiyanın Altay vilayətində, Çoysk rayonunda qeydə alınıb. Belə ki, qadın körpəsinin daima xəstə olması və narahat yatmasından bezib. O, uşağı sakitləşdirmək üçün yollar axtarmağa başlayıb.

Nəticədə qadın uşağa "kömək məqsədi" ilə spirtli içki verib. O, 4,3 faiz spirt olan pivəni onun südünə qataraq içirib.

Bundan sonra körpə qızın vəziyyəti daha da pisləşib. Uşaq etil spirtindən zəhərlənmə nəticəsində dünyasını dəyişib. Həkimlər körpənin qanında 0,2 promil alkoqol aşkar ediblər

Hadisədən sonra körpəsini içki ilə sakitləşdirmək istəyən qadın məhkəmə qarşısına çıxarılıb. Lakin məhkəmə rus qadının səmini peşmanlığını, onun hadisəni istəməyərək törətdiyini və sentyabrda yenidən ana olduğunu nəzərə alaraq həbs cəzası verməyib.