Devid Bekhemin böyük oğlu “Arsenal” klubu ilə saziş bağlayıb. ANS PRESS-in məlumatına görə, İngiltərə yığmasının keçmiş oyunçusu Devid Bekhemin böyük oğlu Bruklin Bekhem London “Arsenal”ında kariyerasına başlayıb.

15 yaşlı oyunçu ilə razılıq bu mövsümün sonuna kimi imzalanıb. Əgər Bruklin özünü müsbət tərəfdən göstərə bilsə, onunla çoxillik müqavilə imzalanacaq.

O da bildirilir ki, “Çelsi” və “Mançester Yunayted” klublarının ona marağına baxmayaraq “Arsenal” futbolçu ilə razılığa gələ bilib. Oyunçunun atası 14 il ərzində “qırmızı şeytanlar” üçün oynayıb və ehtimal olunurdu ki, Bruklin futbolla orada məşğul olmağa başlayacaq.

Bekhem ailəsinin böyük oğlu özünü daha əvvəl fotomodel kimi sınayıb. O, xüsusilə “Man About Town” (Elit təbəqə) jurnalı üçün çəkilib.

Bruklindən başqa London klubunun tərkibində Devid Bekhemin 12 yaşlı ortancıl oğlu Romeo da çıxış edir. O, 13 yaşdan yuxarı olmayan oyunçuların komandasını təmsil edir.

Türkiyə ilə Braziliya arasında hazırlıq oyunu baş tutacaq.

ANS PRESS-in məlumatına görə, Türkiyənin ev sahibliyi edəcəyi matç Şükrü Saracoğlu Stadında baş tutacaq. Azərbaycan futbol həvəskarlarının yaxından təqib etdiyi matç 12 noyabr tarixində keçiriləcək və oyun Türkiyənin "Show TV" kanalından canlı yayımlanacaq.

Qarşılaşmaya dünya şöhrətli ulduzlar damğasını vuracaq. Belə ki, Braziliya yığmasının heyətində David Luiz, Oskar, Neymar kimi tanınmış futbolçular çıxış edəcək.

Bu oyunla Qazaxıstan matçına hazırlaşan Türkiyə millisi isə hər iki oyunda qələbə qazanmaq niyyətindədir.

Hər iki oyun üçün Türkiyə millisinin heyəti də açıqlanıb:

Qapıçılar: Volkan Dəmirəl, Volkan Babacan, Harun Tekin.

Müdafiə: Tarık Çamdalı, Gökhan Gönül, Kaan Ayhan, Sərdar Əziz, Bəkir İrtəgün, Semih Kaya, Caner Erkin, İsmayıl Köybaşı.

Yarımmüdafiəçilər: Hamit Altıntop, Mehmet Ekici, Səlcuq İnan, Bilal Qısa, Oğuzhan Özyakup, Alper Potuk, Mehmet Topal, Ozan Tufan.

Hücum: Adəm Böyük, Volkan Şən, Gökhan Törə, Olcay Şahan, Arda Turan, Umut Bulut, Mevlüt Erdinç, Mustafa Pektemək, Burak Yılmaz.