Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	4767
	Dünən	5773
	Bu həftə	41483
	Bu ay	47271
	Bu günə qədər	8408902

Bizi Paylaşın

Video Xəbərlər

Təqvim

რასმუსენი ვილნიუსის სამიტის შედეგებს მიესალმება

პარასკევი, 29 ნოემბერი 2013 20:32 |

alt

ნატოს გენერალური მდივანი ანდერს ფოგ რასმუსენი ვილნიუსის სამიტით კმაყოფილია. „აღმოსავლეთ პარტნიორობის“ სამიტზე ევროპის მიმართულებით წინ გადადგმული ნაბიჯი აზერბაიჯანს, საქართველოსა და მოლდოვას ალიანსის გენერალურმა მდივანმა მიულოცა. „მივესალმები სამიტის შედეგებს. მინდა საქართველოს, აზერბაიჯანსა და მოლდოვას მივულოცო მნიშვნელოვანი და წარმატებული ნაბიჯის გადადგმა. მათ წინ ჯერ კიდევ დიდი სამუშაო ელით“, – განაცხადა ანდერს ფოგ რასმუსენმა. მისი თქმით, ნატო იზიარებს და მხარს უჭერს მათი პარტნიორი ქვეყნების ფოკუსირებას ევროკავშირის პოლიტიკური ასოცირებისა და ეკონომიკური ინტეგრაციის კუთხით. ამავე დროს გენერალურ მდივანს არ უხსენებია უკრაინა, რომელმაც სამიტზე ასოცირების შესახებ შეთანხმებაზე ევროკავშირთან ხელმოწერაზე უარი განაცხადა. მოლდოვასა და საქართველოში “აღმოსავლეთ პარტნიორობის” ვილნიუსის სამიტზე ასოცირების შესახებ შეთანხმების პარაფირება მოხდა. გარდა ამისა, ევროკავშირის სამიტზე ხელი მოეწერა აზერბაიჯანთან ხელშეკრულებას სავიზო რეჟიმის გამარტივების შესახებ.