Çində Yeni il şənlikləri onlarla insanın ölümünə, 50-yə yaxın adamın isə yaralanmasına səbəb olub.

ANS PRESS-in məlumatına görə, hadisə yeni ilin başlamasına yarım saat qalmış Şanxayın Çen Yi Meydanında baş verib. 2015-ci ili qarşılamaq üçün meydana toplanan minlərlə adam arasında izdiham yaşanıb.

Sosial mediada yayılan məlumatlarda deyilir ki, çaxnaşma gecə klubunun eyvanından atılan saxta pullara görə baş verib. Qeyri-rəsmi mənbələr izdihama səbəb kimi meydan yaxınlığındakı bir binadan dollara oxşayan kuponlar atıldığını, izdihamı da kuponları əldə etmək istəyənlərin yaratdığını bildiriblər.Adamlar pulları götürmək üçün yolda dayanarkən basabas baş verib.

Şanxay Meri izdihamın səbəbi barədə hələlik məlumatsız olduqlarını bildirib.

Bundan başqa şəhərin mərkəzində insan sıxlığından və qəzalar nəticəsində ölənlərin sayının artdığı bildirilir.

Qeyd edək ki, Çinin bir çox əyalətində məktəblərdə Milad bayramı qadağan olunub. Qadağanın səbəbi bu bayramın qərb mənşəli olması ilə əlaqələndirlir. Vıncou şəhərində və digər bölgələrdə məktəb və liseylərdə yeni il bayramlarının keçirilməsi rəsmi şəkildə yasaqlanıb. Hətta qadağalara necə əməl olunmasını yoxlamaq üçün hökumət komissiya da yaradıb.
O da bildirlir ki, çinli gənclər arasında Milad təbriklərinin dəb halına gəldiyi, bu bayramda dostlarla axşam yeməyində birlikdə olmağın və əylənmələrin artması hökuməti narahat edib. Onlar Yeni il bayramının qeyd edilməsini həm də Çin mədəniyyətinin korlanması kimi dəyərləndirirlər.