Britaniyalı Pol Meyson sevgisinə görə əsl qəhrəmanlıq nümayiş etdirib. ANS PRESS-in məlumatına görə, iki il öncə 445 kq olan 51 yaşlı kişi 300 kq arıqlayıb.

Artıq çəkisinə görə yerindən belə tərpənə bilməyən şəxs Facebook-da 41 yaşlı Rebekka Mauntin ilə tanış olub. Boston sakini olan qadın üçün Pol arıqlamağa qərar verib.

Məsələ ondadır ki, qadın ən böyük britaniyalı haqqında filmə baxdıqdan sonra özü kişiyə yazıb və ondan ev işlərində köməkçiyə ehtiyacı olub-olmadığını soruşub.

Kömək məqsədilə başlayan danışıqlar saatlarla davam edib. Virtual tanışlıq sonradan sevgiyə çevrilib.

"Tanışlığa kimi mən ancaq çarpayıda yatır və bütün günü yemək haqqında düşünürdüm. Yemək yeyəndə mən öz möcüzəli dünyamda özümü çox rahat hiss edirdim. Lakin sonra hər şey dəyişdi".

Sərt pəhrizə başlayan Meyson həkim köməyi olmadan iki ilə 300 kq çəki ata bilib.
Onun bədənində bu dəfə də 21 kq artıq dəri qalıb. Bundan azad olmaqda isə ona həkimlər kömək ediblər. Əməliyyatla arıqlamadan sonra meydana gələn dəri kəsilib.

İndi bir neçə həftə xəstəxanada qalmalı olan kişinin çəkisi 150 kq-a kimi düşüb.