Dalga Televiziyasi
Get Adobe Flash player
GEO

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün3242
DünənDünən3713
Bu həftəBu həftə17966
Bu ayBu ay3242
Bu günə qədərBu günə qədər9770490

Bizi Paylaşın

Video Xəbərlər

 

Təqvim


Dalga TeleviziyasA

Türkiyədə terror hadisəsi baş verib, 15 əsgər şəhid olub

07.09.15 09:14 | PDF faylını al | Çap | E-poçt
Yola basdırılmış minanın partlaması nəticəsində Türkiyə Ordusunun iki maşını tamamilə parçalanıb

 Ötən gecə Türkiyədə baş vermiş terror hadisəsi nəticəsində çoxlu sayda şəhid və yaralının olduğu bildirilir.

"DalğaTV"-nin Türkiyənin Anadolu Agentliyinə istinadən verdiyi xəbərə görə,  Hakkarinin Dağlıca bölgəsində PKK terror təşkilatının üzvlərinin yola basdırdıqları mina əsgərləri daşıyan iki zirehli maşın keçərkən partlayıb.

Nəticədə şəhid və yaralıların olduğu bildirilir.

Hadisə ilə bağlı Türkiyə Baş Qərargahının yaydığı açıqlamada şəhid və yaralı sayı göstərilməyib.

Açıqlamada qeyd olunub ki, hadisədən dərhal sonra bölgədə həyata keçirilən hava əməliyyatında terror təşkilatına məxsus 13 hədəf vurulub.

“Reuters” xəbər agentliyi isə terror nəticəsində  15 əsgərin şəhid olduğunu yazıb.

Məlumata görə, yola basdırılmış minanın partlaması nəticəsində Türkiyə Ordusunun iki maşını tamamilə parçalanıb.

Agentlik hadisədə yaralanan əsgərlərdən 6-nın Yüksəkova Dövlət Xəstəxanasına yerləşdirildiyini də qeyd edib. 

Kateqoriya: Dünya / Dünya

Daha bir mühacir gəmisi batdı: 50 ölü

05.09.15 09:52 | PDF faylını al | Çap | E-poçt

Liviya sahillərində göyərtəsində Avropaya getmək istəyən mühacirlərin olduğu gəmi batıb.

"DalğaTV" xarici KİV-ə istinadla xəbər verir ki, gəmi qəzasında azı 50 nəfər həlak olub.

Beynəlxalq Miqrasiya Təşkilatı isə ilin əvvələrindən dəniz yolu ilə Avropa Birliyi ərazisinə çatmaq istəyən 2701 nəfərin həlak olduğunu bildirib.

364 mindən artıq insan isə bu müddətə İtaliya, İspaniya və Yunanıstan sahillərinə çata bilib.

Kateqoriya: Dünya / Dünya

Dünyanın ən balaca adamı ölüb - FOTO

05.09.15 09:38 | PDF faylını al | Çap | E-poçt

Ötən gün Amerika Samoasında yaşayan dünyanın ən kiçik boylu insanı Çandra Bahadur Danqi dünyasını dəyişib.

APA-nın məlumatına görə, Nepal əsilli Çandra Bahadur Danqinin adı dünyanın ən balaca boylu adamı kimi Ginnesin Rekordlar Kitabına düşüb. Onun boyu 54,6 sm olub.

Ç.B.Danqi 76 yaşında ölüb. Bir həftə öncə o, pnevmoniya diaqnozu ilə xəstəxanaya yerləşdirilib.

Qeyd edək ki, Ç.B.Danqi həmçinin indiyə kimi qeydə alınmış ən balacaboy insan kimi də Ginnes Rekordları tituluna sahibdir. O, bu titulları 2012-ci il 26 fevral tarixindəki yoxlamalardan sonra əldə edib.

Kateqoriya: Dünya / Dünya

Türkiyədə 20:00-dan sonra küçəyə çıxmaq qadağan olundu

05.09.15 09:40 | PDF faylını al | Çap | E-poçt

"DalğaTV" xəbər verir ki, Türkiyənin Şırnak valiliyinin Cizre mahalında küçəyə çıxmaq qadağan olunub. 

Türkiyə KİV-inin məlumatına görə, separatçı terror təşkilatı mənsublarının tutulması, xalqın can və mal təhlükəsizliyinin təmin edilməsi üçün 5442 saylı İl İdarə Qanununun 11 / C maddəsinə uyğun olaraq mahalda küçəyə çıxmaq qadağan edilib. 

Qadağa gecə 20:00-dan sonrakı müddətə şamil edilib. 

Kateqoriya: Dünya / Dünya

ABŞ vətəndaşlarına çağırış etdi: “Türkiyəni tərk edin”

04.09.15 19:28 | PDF faylını al | Çap

ABŞ hökuməti Türkiyədə yaşayan amerikalı hərbçilərin və diplomatların ailələrini ölkə ərazisini tərk etməyə çağırıb.

Dalga TV-nin apa-ya istinadən xəbərinə görə, bu barədə “France Presse” ABŞ Müdafiə Nazirliyinin mətbuat xidmətinin rəhbəri Piter Kuka istinadən məlumat yayıb. ABŞ onlara xərcləri ilə bağlı kompensasiya ödəyəcəyini də bildirib.

Pentaqon Adana şəhəri yaxınlığındakı “İncirlik” hərbi bazasında və ABŞ-ın Adanadakı Baş Konsulluğunda 900 nəfər Amerika vətəndaşının yaşadığını bildirib. Onlara İŞİD-lə mübarizənin güclənməsi fonunda könüllü şəkildə Türkiyəni tərk etmələri təklif olunur. Piter Kuk təklifin hər hansı yeni insidentlə bağlı olmadığını söyləyib: “Adanadakı konsulluq adi rejimdə fəaliyyət göstərməkdə davam edəcək. Bu addım əlavə təhlükəsizlik tədbirləri üçün təklif edilir. Aydındır ki, bizim əməliyyatlardan sonra “İncirlik” bazasında çox şey dəyişib”.
Başqa məqalələr...

Saytda Axtarış

Son xəbərlər

© DalgaTV 2013. All Rights Reserved.

Designed by Esmira Mamedova.