Həkimlər uşağı morqa göndərməyə hazırlaşandada balaca Yasmin Qomes nəfəs almağa başlayıb.

Braziliyanın cənubundakı Londrina şəhərindəki "Lincoln Graca hospital"da uşağı tibb bacısı xilas edib.

Həmin qadın uşağı morqa yollamağa cəsarət etməyib və nəfəs almayan körpəni xəstəxana ərazisindəki balaca kilsəyə aparıb.

Üç saat sonra uşağın nənəsi Elza Silva hospitala gəlib və körpəni morqa aparmaq istəyib. O, kilsəyə girəndə qızı sağ görüb.

Balaca qız əl-ayaqlarını tərpədirdi.

"Bunun baş verdiyinə əvvəlcə inana bilmirdim. Sonra əmin olduq ki, uşaq nəfəs alır. Ətrafdakı insanlarla qucaqlaşdıq, "O sağdır, sağdır!" qışqırmağa başladıq", - Elza Silva deyib.

Balaca Yasmin Qomes normal doğulsa da, dünyaya gələndən az sonra onun tənəffüsü dayanıb. Həkimlərin bütün səylərinə rəğmən, tənəffüs bərpa olmayıb. Belədə uşağın valideynlərinə balacanın ölümü ilə bağlı arayış verilib.

22 yaşlı ana Cennifer da Silva Qomes deyir: "Həmin an dünya başıma fırlandı. Bütün arzularım puç olmuşdu".
Tibb bacısı Ana Klaudia Oliveyra isə and-aman edir ki, balaca Yasmin ölmüşdü.

"Göz bəbəkləri işığa reaksiya vermirdi. Bütün göstəricilər uşağın öldüyünü göstərirdi. Bədəni gömgöydü, nəfəs almırdı. And olsun Tanrıya ki, ölü idi. Hər şeyə rəğmən o, balaca mələyə oxşayırdı və buna görə də qızı morqdan əvvəl kilsəyə apardım", - Oliveyra deyib.

Halbuki kampaniyanın yeni şüarı belə idi: «Sizin gizliliyiniz bizim üçün vacibdir»

Microsoft öz istifadəçilərinin izlənməsinə və Milli Təhlükəsizlik Agentliyinə (MTA) öz şifrə kodlarından keçməyə imkan yaratmaqla Amerika xüsusi xidmət orqanları ilə sıx əməkdaşlıq edir. FaktXəbər-in verdiyi məlumata görə, MKİ-nin sabiq əməkdaşı Edvard Snouden bununla əlaqədar olaraq sübut kimi sənədlər də göstərib.

Bu materiallarda Silikon vadi ilə xüsusi xidmət orqanlarının əməkdaşlarının son üç illik əməkdaşlıqları geniş təsvir olunub. Sənəddə çox məxfi PRİSM proqramının işinə də müəyyən aydınlıq gətirilib. Qeyd edək ki, bu proqram iri saytlarda elektron kommunikasiyaları izləməyə imkan verir.

Sənədlərə əsasən, Microsoft Outlook.com portalının çatına və məktublarına giriş üçün MTA-ya öz kriptoqrafik müdafiəsindən keçməyə imkan yaradıb. Bundan əlavə, bütün dünyada 250 milyon istifadəçiyə sahib olan SkyDrive servisinin gizli fayl anbarına birbaşa giriş üçün xüsusi xidmət orqanlarına izn verib.

The Guardian ABŞ Baş prokurorluğunun Microsoft kompaniyasına əməkdaşlıq barədə direktiv təqdim etdiyini bildirib.

May ayında Snoudenin PRİSM proqramı barədə məlumatları dərc edərkən Microsoftun da adı hallanmışdı. O zaman kampaniya ancaq müəyyən müştərilər barədə və hökumətin sorğusu əsasında məlumatlar verdiyini, xüsusi xidmət orqanların onların servisinə birbaşa girişi olmadığını demişdi.

Qeyd edək ki, istifadəçilərin dinlənilməsi və izlənilməsi qalmaqalı ən çox Microsoft-a təsir edib. Çünki kompaniyanın aprel ayında başlayan yeni kampaniyasının şüarı belə idi: «Sizin gizliliyiniz bizim üçün vacibdir».