Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	539
	Dünən	3813
	Bu həftə	14280
	Bu ay	80685
	Bu günə qədər	9742050

Bizi Paylaşın

Video Xəbərlər

Təqvim

Dalga TeleviziyasA�

SOCAR prezidenti: "DESFA-nın səhmlərinin 66%-nin özəlləşdirilməsində israrlıyıq"

14.09.15 16:09 |

"Yunanıstanda seçiləcək yeni hökumətlə bu istiqamətdə müzakirələrimizi davam etdirəcəyik"

SOCAR Yunanıstanın qazpaylayıcı şəbəkəsi olan DESFA şirkətinin səhmlərinin 66%-nin özəlləşdirilməsində israrlıdır.

"APA-Economics"in xəbərinə görə, bunu SOCAR prezidenti Rövnəq Abdullayev bildirib.

"Biz 66% səhm paketinin alınmasında israrlıyıq və bu məsələdə dəyişiklik gözləmirik", - deyə SOCAR prezidenti qeyd edib.

R. Abdullayev qeyd edib ki, bu istiqamətdə Yunanıstanda yeni seçiləcək hökumətlə danışıqlar davam etdiriləcək: "Bildiyimiz kimi, Yunanıstanda seçki gözlənilir. Orada seçiləcək yeni hökumətlə DESFA ilə bağlı danışıqlarımızı davam etdirəcəyik. Sentyabr ayına qədər biz bu danışıqları dondurmuşuq".

Qeyd edək ki, avqustun 26-da SOCAR-ın nümayəndə heyəti Yunanıstanın paytaxtı Afinada bu ölkənin Dövlət Əmlakının İdarə Edilməsi Fondunun (Hellenic Republic Asset Development Fund, HRADF) və "Hellenic Petroleum S.A." şirkətinin rəhbərləri ilə görüşüb.

Tərəflər SOCAR tərəfindən DESFA-nın özəlləşdirilməsi məsələsini müzakirə edib.

Bütün tərəflər DESFA-nın SOCAR tərəfindən özəlləşdirilməsində maraqlı olduqlarını bir daha təsdiqləyib.

Tərəflər arasında əldə olunan razılığa əsasən, DESFA-nın SOCAR tərəfindən özəlləşdirilməsi ilə bağlı əməliyyatın müddəti cari ilin dekabrın 21-dək uzadılıb.

Xatırladaq ki, DESFA-nın SOCAR tərəfindən özəlləşdirilməsi məsələsinə Avropa Komissiyasının Rəqabət üzrə Baş Direktorluğunda baxılır. 2013-cü il iyulun 31-də Yunanıstanın Dövlət Əmlakının İdarə Edilməsi Fondu (Hellenic Republic Asset Development Fund, HRADF) DESFA qazpaylayıcı şirkətinin 66%-lik səhm paketinin SOCAR tərəfindən 400 mln. avroya alınmasına dair sövdələşməni təqdir edib.

2013-cü ilin dekabr ayında SOCAR ilə Yunanıstanın Dövlət Özəlləşdirmə Fondu və “Petroleum” şirkəti arasında “Səhmlərin Alqı-Satqı Müqaviləsi” və “Səhmdarlar haqqında Müqavilə” imzalanıb. SOCAR DESFA-nın səhmlərinin 31%-ni Yunanıstan hökumətindən, 35%-ni “Hellenic Petroleum SA” şirkətindən alır. DESFA üzərində nəzarətin SOCAR şirkətinə verilməsinə qədər Yunanıstan şirkətinin səhmlər paketinə HRADF tərəfindən nəzarət edilir.

Kateqoriya: İqtisadiyyat / İqtisadiyyat

Dəmiryol keçidində qəza: xəsarət alanlar var

04.07.13 22:05 |

alt

Azərbaycanda drezinlə minik avtomobili toqquşub.

Yevlax rayonu, Kövər kəndində (rayon mərkəzindən 9 km aralı) “MPT-4” markalı drezin Bərdə-Yevlax istiqamətində hərəkət edərkən dəmiryol keçidində vətəndaşa məxsus “VAZ” markalı minik avtomobili ilə toqquşub.

Nəticədə, avtomobilin sürücüsü və sərnişini xəsarət alıblar. Xəsarət alanlar xəstəxanaya aparılıb. Drezinin yanacaq çənindən dəmiryol xəttinə dağılan yanacaq FHN-İN Dövlət Yanğından Mühafizə Xidmətinin müvafiq xilasetmə qüvvələri tərəfindən yuyulub. Əməliyyat saat 09:30-da başa çatıb. Hadisə ilə əlaqədar müvafiq qurumlar tərəfindən təhqiqat aparılır.

608 əcnəbi Azərbaycanda yaşama qaydalarını pozub

02.07.13 22:16 |

alt Dövlət Miqrasiya Xidməti (DMX) tərəfindən ötən həftə ərzində ölkə qanunvericiliyinin tələblərini pozmuş 608 əcnəbi aşkar edilib.

DMX-nin mətbuat xidmətindən verilən məlumata görə, 24.06.2013-28.06.2013-cü il tarixlərdə Bakı şəhərində, həmçinin respublikanın digər şəhər və rayonlarında keçirilən tədbirlər və aparılan araşdırmalar nəticəsində 608 əcnəbi və vətəndaşlığı olmayan şəxs tərəfindən Azərbaycan Respublikasında olma, habelə müvəqqəti və daimi yaşama qaydalarına əməl etmədən inzibati qanunvericiliyin tələblərinin pozulması halları müəyyən edilib, onlardan 84 nəfərə cərimə tətbiq edilməklə ölkə ərazisində yaşamaları leqallaşdırılıb.

Bundan başqa, 494 əcnəbi barəsində Azərbaycan Respublikası ərazisini 48 saat ərzində tərk etmə, 29 əcnəbinin isə inzibati qaydada ölkə hüdudlarından kənara çıxarılmaları barədə qərarlar qəbul edilib. Həmçinin, 1 nəfər əcnəbinin Azərbaycan Respublikası ərazisində müvəqqəti və ya daimi yaşamaq üçün əsas verən, onlara aid olan itirilmiş sənədləri yenisi ilə əvəz olunub.

Bu ilin sonunda “Azərbaycan-Gürcüstan-Türkiyə-Almaniya enerji konfransı” keçiriləcək

14.09.15 09:57 |

Alman İqtisadiyyatının Şərq Komitəsi, İqtisadiyyat və Mədəniyyət üzrə Alman-Gürcü Cəmiyyətinin təşkilatçılığı ilə bu ilin sonunda “Azərbaycan-Gürcüstan-Türkiyə-Almaniya Enerji Konfransı” keçiriləcək.

Energetika Nazirliyinin mətbuat xidmətindən AZƏRTAC-a verilən məlumata görə, konfransın məqsədi Avropaya enerji təchizatı üzrə Azərbaycan, Gürcüstan və Türkiyənin siyasi mövqelərinin möhkəmləndirilməsi, həmçinin həyata keçiriləcək enerji və infrastruktur üzrə yeni layihələrdə Almaniyanın işgüzar dairələrinin iştirakı üçün potensial sahələrin müəyyən edilməsinə töhfə verilməsindən ibarətdir.

Azərbaycanın Energetika Nazirliyi ölkəmizin Avropanın, o cümlədən Almaniyanın enerji təhlükəsizliyinin təminatına yönəlmiş əməkdaşlığının inkişafı baxımından bu konfransın keçirilməsini yüksək qiymətləndirir. Nazirlik konfransın keçirilməsinə dəstəyini ifadə etməklə yanaşı hesab edir ki, enerji əməkdaşlığının dərinləşməsinə xidmət edən belə tədbirlər regional inkişaf və regional əməkdaşlığın inkişafı üçün də şərait yaradır.

Tədbirdə Almaniya, Türkiyə və Gürcüstanın yüksək səviyyəli dövlət nümayəndələrinin iştirakı planlaşdırılır.

Kateqoriya: İqtisadiyyat / İqtisadiyyat

Azərbaycanda yeni internet TV

01.07.13 21:29 |

alt

İyulun 1-də “Visiontv.az” internet televiziyası fəaliyyətə başlayıb.

Televiziyanın təsisçisi və prezidenti Elvin Abbasov “Media forum” saytına deyib ki, “Visiontv.az”da 5 departament fəaliyyət göstərəcək: “Televiziyada 30-a yaxın işçi çalışır.

İcraçı direktor və baş redaktor Şöhrət Eldəniz, baş məsləhətçi Cəfər Dal, baş rejissor Natiq Axundov, xəbərlər departamentinin direktoru Zöhrab İbrahimov, müəllif verilişləri departamentinin direktoru Babək Göyüşov, əyləncəli verilişlər departamentinin direktoru Nicat Əlibəyli, reklam departamentinin direktoru Raci Quliyev, baş operator Mirtofiq Mirəlioğludur”.

Elvin Abbasov qeyd edib ki, “Visiontv.az” internet televiziyası reklamlardan əldə olunan gəlirlə, verişlərin sponsorları vasitəsilə maliyyələşir: “Biz heç kimə bağlı olmayan, obyektiv televiziya olmaq niyyətindəyik. “Visiontv.az” açılış etmədən xeyli izləyici toplayıb. Hazırda saytımıza gündəlik 1000-dən çox giriş var”.

Elvin Abbasov 10-a yaxın verilişin efirə çıxdığını vurğulayıb: “Geopolitika”, “Mövqe”, “Neft axar”, “Ellər”, “Şou” və başqa həftəlik verişlər efirə çıxır. “Xəbərlər” proqramı hər gün saat 17-də və 22-də efirə çıxacaq.

Hazırda Rusiya, Türkiyə, Şimali Kipr, Almaniyada rəsmi nümayəndəliyimiz yaradılır. Həmin ölkələrdə bizim üçün ofis və işçilər ayrılır. Ola bilsin, digər ölkələrin televiziyaları ilə də əməkdaşlığımız qurulsun. Rayonlarda çalışan jurnalistlərlə də əməkdaşlığımız var. Bölgələrdə baş verən hadisələr haqda materiallar hazırlayıb bizə göndərirlər”.

Başqa məqalələr...