Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	3739
	Dünən	3868
	Bu həftə	3739
	Bu ay	45183
	Bu günə qədər	9706548

Bizi Paylaşın

Video Xəbərlər

Təqvim

Dalga TeleviziyasA�

Batumidə Azərbaycan mədəniyyəti təbliğ olunacaq

08.11.16 15:37 |

alt

Azərbaycanın Batumi səhərindəki baş konsulu Rəşad İsmayılov noyabrın 8-də şəhərin meri Giorgi Yermakovla görüşüb.

Baş konsulluqdan “Report”un Gürcüstan bürosuna verilən məlumata görə, R.İsmayılov Azərbaycanla Gürcüstan arasında əlaqələr barədə merə ətraflı məlumat verib.

Diplomat Azərbaycanın Naxçıvan və Gürcüstanın Batumi şəhərləri arasında “Qardaşlıq və əməkdaşlığa dair Memorandum”dan sonra hər iki region arasında siyasi, iqtisadi, turizm və digər sahələrdə əlaqələrin inkişaf etdiyini vurğulayıb.

Görüşdə Batumi şəhəri ilə iqtisadi və mədəni sahədə əməkdaşlıq imkanlarının artırılması, bu şəhərdə Azərbaycan mədəniyyətinin təbliği məqsədilə müxtəlif tədbirlərin keçirilməsinin vacibliyi vurğulanıb. İkitərəfli əməkdaşlıq çərçivəsində həyata keçirilə biləcək layihələr ətrafında fikir mübadiləsi aparılıb.

Həyat yoldaşının əməliyyatı üçün pul tapa bilməyən gənc - İntihar etdi

09.01.16 23:23 |

Bu gün günorta saatlarında Bakının Müşfiqabad qəsəbəsində intihar hadisəsi baş verib.

AzNews.az-ın ans press-ə istinadən məlumatına görə, 30 yaşlı şəxs qəsəbə ərazisində yerləşən kanalizasiya sularından yığılmış gölməçədə intihar edib. Adının Anar olduğu bildirilən şəxs maşını ilə birgə gölməçəyə girib. Onun avtomobili tapılsa da, özünün axtarışları davam edir.

Hadisə günorta saat 3 radələrində baş verib. Dərhal polis və prokurorluq əməkdaşları hadisə yerinə cəlb edilib. Hadisə yerinə gələn Anarın qohumları onun bu addımı imkansızlıqdan atdığını bildirib. Deyilənlərə görə, Anarın həyat yoldaşı xəstə olub və onun müalicəsinə pul tapa bilməyən gənc intihara yol tutub.

İlkin ehtimal kimi Anarın müəyyən miqdarda borcu olduğu, buna görə belə bir addıma əl atdığı bildirilir. Faktla bağlı hadisənin dəqiq başvermə səbəbləri araşdırılır.

Azərbaycanlı alimlər Gürcüstanda keçirilən elmi konfransda çıxış edib

28.09.16 17:04 |

Azərbaycan Milli Elmlər Akademiyasının (AMEA) Kimya Elmləri Bölməsinin akademik-katibi, Kataliz və Qeyri-üzvi Kimya İnstitutunun direktoru, akademik Dilqəm Tağıyev və institutun nanoelektrokimya və elektrokataliz laboratoriyasının müdiri, kimya elmləri doktoru Akif Əliyev Gürcüstanının R.Aqladze adına Qeyri-Üzvi Kimya və Elektrokimya İnstitutunun (QÜKEİ) 60 illik yubileyinə həsr olunan “Müasir tədqiqatlar və onların kimya, kimya mühəndisliyi və digər sahələrdə istifadəsinin perspektivləri” mövzusunda keçirilən beynəlxalq elmi konfransda iştirak ediblər.

AMEA-dan AZƏRTAC-a bildiriblər ki, konfransda təbrik nitqi ilə çıxış edən akademik Dilqəm Tağıyev rəhbərlik etdiyi qurum ilə QÜKEİ arasındakı elmi əlaqələrdən danışıb.

Ondan çox ölkənin alimlərinin iştirak etdiyi tədbirdə müasir kimyanın aktual problemləri, eləcə də elektrokimya və kataliz sahəsində hazırda aparılan işlərin kimya sənayesinin müxtəlif sahələrində tətbiqi məsələləri müzakirə olunub.

Konfrans çərçivəsində D.Tağıyev Gürcüstanın Milli Elmlər Akademiyasının prezidenti Georgi Kvesitadze və QÜKEİ-nin direktoru Georgi Tatişvili ilə görüşərək, elmi əməkdaşlığın perspektivləri barədə fikir mübadiləsi aparıb.

Tbilisidəki Heydər Əliyev adına Azərbaycan Dram Teatrı üçün yeni bina tikiləcək

02.11.16 13:08 |

Gürcüstan hökumətinin dəstəyi ilə Heydər Əliyev adına Tbilisi Dövlət Peşəkar Azərbaycan Dram Teatrı üçün yeni bina tikiləcək.

“Report”un Gürcüstan bürosu xəbər verir ki, bunu jurnalistlərə açıqlamasında Gürcüstanın mədəniyyət və abidələrin mühafizəsi naziri Mixail Georqadze söyləyib.

Nazir deyib: “Teatrın binasının darısqal olması və aktyorların çətin şəraitdə fəaliyyət göstərmələri barədə məlumatımız var. Teatrın kollektivi bizə bununla əlaqədar müraciət edib. Biz də nazirlik olaraq, teatr üçün yeni binanın tikilməsi barədə müvafiq strukturlara müraciət etmişik. Artıq yer ayrılıb və mədəniyyət ocağının binasının layihəsi hazırlanır”.

Nazirin sözlərinə görə, layihələndirmə işləri tezliklə başa çatacaq.

“Düşünürəm ki, yaxın vaxtlarda tikinti işlərinə başlayacağıq” – deyə nazir Georqadze vurğulayıb.

Əkizlərdən biri köhnə, biri yeni ildə doğuldu

04.01.16 19:47 |

ABŞ-da bir qadın müxtəlif illərdə əkiz övladlarını dünyaya gətirib.

AzNews.az Modern.az-a istinadən xəbər verir ki, San-Dieqodakı doğum evində dünyaya gələn əkizlərin təkcə anadan olduqları gün deyil, il də üst-üstə düşmür.

Buna səbəb odur ki, Ceylin və Luisa Valensiyalar yeni il axşamında doğulublar. Ceylin 2015-ci ilin son dəqiqələrində dünyaya gəlməyə özünü çatdırıb, onun qardaşı isə iki dəqiqə sonra, artıq 2016-cı ildə doğulub.

Valideynləri doğuşu yanvarın axırlarına planlaşdırıblar, ancaq əkizlər ana bətnində fəsadlar yaradıblar. Həkimlər qərara gəliblər ki, doğuş nə qədər tez olsa, bir o qədər yaxşıdır. Xoşbəxtlikdən biri könhə, digəri yeni ildə yer üzünə qədəm qoyan uşaqlar sağlam doğulublar.

Başqa məqalələr...