Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	3456
	Dünən	3813
	Bu həftə	17197
	Bu ay	83602
	Bu günə qədər	9744967

Bizi Paylaşın

Video Xəbərlər

Təqvim

Dalga TeleviziyasA�

Azərbaycan prezidenti sabah İrana rəsmi səfər edəcək

08.04.14 19:58 |

alt Azərbaycan prezidenti İlham Əliyev sabah İrana rəsmi səfər edəcək.

APA-nın İRNA-ya istinadən verdiyi məlumata görə, səfər İran prezidenti Həsən Ruhaninin dəvəti əsasında həyata keçiriləcək.

Azərbaycan prezidenti aprelin 9-da Səədabad tarixi-mədəni kompleksində iranlı həmkarı tərəfindən rəsmi şəkildə qarşılanacaq.

Bundan əlavə, İ. Əliyev və H. Ruhaninin səfər çərçivəsində ikitərəfli əlaqələrin inkişaf etdirilməsi, regional və qlobal məsələlərlə bağlı fikir mübadiləsi aparacağı bildirilir.

Eyni zamanda hər iki ölkənin prezidenti arasında bir sıra sənədin imzalanması gözlənilir.

İran Xarici İşlər Nazirliyinin sözçüsü Mərziyə Əfxəm bu gün yerli və xarici jurnalistlər üçün keçirdiyi brifinqdə bildirib ki, Azərbaycan prezidentinin İrana səfəri ikitərəfli münasibətlərin genişləndirilməsi və sürətlənməsi baxımından mühümdür.

Onun sözlərinə görə, iki ölkə arasında münasibətlər və müzakirələr qədim bağlar, tarixi, mədəni və dini ortaqlıqlara əsasən geniş olduğuna görə inkişaf üçün xeyli sahələr var: “Azərbaycan prezidentinin İrana səfəri zamanı imzalanması planlaşdırılan sənədlər artıq hazırdır. Hər iki ölkənin prezidenti regional məsələlər barədə də fikir mübadiləsi aparacaq. Bu görüşdə İranla Azərbaycanın dostluq və qardaşlıq sahəsində irəliyə doğru bir addım atacağına ümidvarıq. Azərbaycan prezidentinin İrana səfəri iki ölkə arasında münasibətlərin genişləndirilməsi və sürətləndirilməsi üçün başlanğıcdır. İnşallah, İlham Əliyevin səfərinin yaxın gələcəkdə iki ölkənin mənafeyinə müsbət təsirləri olacaq”.

İran XİN sözçüsü həmçinin Azərbaycanın müdafiə naziri, general-polkovnik Zakir Həsənovun da Tehrana səfər edəcəyini deyib: “Hər bir ölkənin diplomatik qaydasına əsasən səfərdə prezidentləri nazirləri müşayiət edirlər. Ona görə də Azərbaycan müdafiə nazirinin prezident İlham Əliyevin İran səfərindəki nümayəndə heyətinin tərkibində olması təbii və məqsədəuyğundur. İki ölkə münasibətlərini genişləndirməkdə qətiyyətlidir. Məsələ ondadır ki, münasibətləri möhkəmləndirmək istəyən ölkələrin bir sıra diplomatik mərhələləri və münasibətləri keçməsi lazımdır. Bununla həmin ölkələr daha yaxşı münasibətlər qurur. Xoşbəxtlikdən hər iki ölkə qədim əlaqələrə və ortaq cəhətlərə görə bu mərhələləri keçməklə bir addım öndədir”.

5 narkotik qaçaqmalçısı edam olundu

07.11.13 18:49 |

alt

Bu gün səhər İranın Kirman əyalətinin Ciruft şəhər həbsxanasında 5 nəfər edam olunub.

Məlumata əsasən, edam olunan şəxslər narkotik maddələrin daşınması, istifadəsi və satışında ittiham edilərək edama məhkum olunublar.
Xarici KİV-in məlumatına əsasən, son 10 ay ərzində İranda 599 nəfər edam olunub ki, onların əksəriyyəti narkotik maddələrin daşınması, istifadəsi və satışında ittiham edilənlərdir.

Baş nazir Ərdoğan Azərbaycana səfəri zamanı nurçularla mübarizə məsələsini müzakirə etdiyini açıqlayıb

08.04.14 19:52 |

alt

Türkiyənin baş naziri Rəcəb Tayyib Ərdoğan Azərbaycana səfəri zamanı “paralel yapı” adlandırdığı Fətullah Gülən icması (nurçular) ilə mübarizə məsələsinin müzakirə olunduğunu açıqlayıb.

APA-nın xəbərinə görə, baş nazir bunu rəhbərlik etdiyi Ədalət və İnkişaf Partiyasının (AKP) parlament fraksiyasının toplantısında çıxışında bildirib. O, “qardaş ölkə Azərbaycana səfərimiz zamanı paralel yapı məsələsini müzakirə etdik. Beynəlxalq platformalarda bu məsələ gündəmimizdə olacaq”, - deyib.

R. T. Ərdoğan Fətullah Gülənin din adamı deyil, qanunsuz örgüt (təşkilat) lideri və holdinq rəhbəri kimi fəaliyyət göstərdiyini vurğulayıb, bu icmanı xəyanət şəbəkəsi adlandırıb. O, sıravi nurçuları bu şəbəkədən uzaqlaşmağa çağırıb.

Xatırladaq ki, APA R. T. Ərdoğanın Azərbaycana səfəri zamanı Azərbaycanda nurçularla əlaqəsi olan şəxslərin siyahısını təqdim etdiyi barədə məlumat yaymışdı.

Şəkidə fləşmob keçirilib - VİDEO

12.11.13 22:28 |

alt

Konstitusiya günü münasibəti ilə Şəkidə fləşmob keçirilib. “KanalS”-ə istinadən xəbər verilir ki, fləşmob Şəki Gənclər və İdman İdarəsinin təşkilatçılığı ilə Bəxtiyar Vahabzadə adına Mədəniyyət və İstirahət Parkında Tələbə Gənclər Təşkilatı və Debat klubunun bir qrup üzvü tərəfindən reallaşıb. Fləşmobda iştirak edən 30-a yaxın gənc kitab oxuyub. Məqsəd gənc nəslin kitaba olan marağının yüksəldilməsi olub. İştirakçılar belə tədbirlərin gənclərin maarifləndirilməsi baxımından əhəmiyyətli olduğunu bildiriblər.

Pentaqonda rüşvət qalmaqalı: Komandirlər məhkəmə qarşısında

06.11.13 21:15 |

alt

Pentaqonun adı rüşvət qalmaqalında hallanır. Sakit okeanda xidmət göstərən Amerikaya məxsus donanmanın komandirləri ilə əlaqəsi olan "Fat Leonard" ləqəbli malayziyalı iş adamı Leonard Francis onları ələ alaraq gizli məlumatları öyrənib.

Bunun müqabilində isə o, komandirləri gözəl qadınlarla tanış edib, dünya ulduzlarının konsertlərinə bilet alıb.

Hadisə ilə bağlı Amerika ordusunda vəziyyət gərginləşib. San Diaqo Federal Məhkəməsi hadisə ilə bağlı ciddi pozuntular və sui-istifadə halları ortaya çıxarıb. Bu səbəbdən yüksək rütbəlilər də daxil olmaqla bir çox adamın məhkəməyə cəlb olunacağı bildirilir. 8 noyabrda keçirilməsi nəzərdə tutulan məhkəmədən əvvəl yüksək səviyyədə müzakirələrin aparılması da vəziyyətin ciddiliyindən xəbər verir.

Məhkəməyə təqdim edilən sənədlər əsasında başlanan araşdırmaların Pentaqona qədər uzandığı bildirilir. Məhkəmə Leonard Francisin mərkəzi ofisi Sinqapurda olan şirkəti, “Glenn Müdafiə Dəniz Asiya” LTD və DMI rotası haqqında bir çox gizli məlumatlar ələ keçirib. Məhkəmə sənədlərində adı açıqlanmayan donanma personalının Francisdən qiymətli hədiyyələr aldığı da qeyd edilir.

Başqa məqalələr...