Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1399
	Dünən	3813
	Bu həftə	15140
	Bu ay	81545
	Bu günə qədər	9742910

Bizi Paylaşın

Video Xəbərlər

Təqvim

Dalga TeleviziyasA�

ABŞ senatı Azərbaycanla bağlı qətnamə qəbul edib

14.02.14 14:26 |

alt ABŞ-ın Nyu Meksiko ştatının Senatında fevralın 13-də Azərbaycana dair geniş qətnamə qəbul olunub.

Dalgatv-nin Trend-ə istinadən verdiyi xəbərə görə, qətnamədə Azərbaycanın ərazi bütövlüyünün ABŞ tərəfindən dəstəkləndiyi və beynəlxalq birliyin Dağlıq Qarabağı müstəqil dövlət kimi tanımadığı bildirilir. Qeyd olunur ki, Ermənistan-Azərbaycan münaqişəsinin həlli ilə məşğul olan ATƏT-in Minsk Qrupuna münaqişəni beynəlxalq hüququn norma və prinsipləri, BMT Təhlükəsizlik Şurasının müvafiq qətnamələri, eləcə də ATƏT-in qəbul etdiyi qərar və sənədlər əsasında həlli həvalə edilmişdir. Bu səpkidə vurğulanır ki, BMT Təhlükəsizlik Şurası tərəfindən qəbul edilmiş 822, 853, 874 və 884 saylı qətnamələr Azərbaycanın ərazi bütövlüyünü dəstəkləyir və bütün erməni qoşunlarının işğal olunmuş Azərbaycan ərazilərindən dərhal, tamamilə və qeyd-şərtsiz çıxarılmasını tələb edir.

Bundan başqa sənəddə vurğulanır ki, NATO, İslam Əməkdaşlıq Təşkilatı və Qoşulmama Hərəkatı kimi beynəlxalq təşkilatlar da daxil olmaqla bütün dünya birliyi Azərbaycanın ərazi bütövlüyünü və suverenliyini tanıyır və münaqişənin Azərbaycanın ərazi bütövlüyü və sərhədləri çərçivəsində həllini dəstəkləyir.

Bütün bunları nəzərə alaraq, qanunvericilər ABŞ-ın münaqişənin tezliklə və ədalətli şəkildə həlli istiqamətində səylərini gücləndirməsinin vacibliyini vurğulayırlar.

Xatırladaq ki, bu, 2014-cü ildə ABŞ-da Ermənistan-Azərbaycan münaqişəsinə dair qəbul edilmiş ikinci qətnamədir. Bundan öncə, yanvarın 30-da Arizona parlamenti oxşar qətnamə qəbul edərək, Azərbaycanın ərazi bütövlüyünə dəstək verdiyini bildirmişdi. Ötən il isə Nyu Meksiko parlamenti Xocalı qətliamını tanıyan qətnamə qəbul edib.

Günün fotosu: Dünyanın ən hündür lifti

12.10.13 20:29 |

alt 10 oktyabr günün fotosu Çində çəkilib. Meşənin ortasında yerləşən bu lift dünyanın ən hündür lifti olaraq tarixə düşüb. Qeyd edək ki, liftin uzunluğu 300 metrdir.

Gürcüstan Prezidenti Milli Məclisdə olmuşdur

12.02.14 19:02 |

alt Fevralın 12-də Gürcüstan Prezidenti Georgi Marqvelaşvili Azərbaycana rəsmi səfəri çərçivəsində Milli Məclisdə olmuşdur.
Ali qonağı parlamentin binası önündə Milli Məclisin sədri Oqtay Əsədov qarşıladı.
Gürcüstan Prezidenti Milli Məclisin inzibati binası, iclas zalı və Heydər Əliyev Xatirə zalı ilə tanış olmuşdur. Xatirə zalında ulu öndər Heydər Əliyevin zəngin həyat yolunu, siyasi və dövlətçilik fəaliyyətini əks etdirən çoxsaylı fotoşəkillər, eksponatlar Gürcüstan Prezidentində dərin təəssürat yaratmışdır. Gürcüstan dövlətinin başçısı Xatirə kitabına ürək sözlərini yazmışdır.
Sonra Milli Məclisin sədri Oqtay Əsədov və Gürcüstan Prezidenti Georgi Marqvelaşvili arasında görüş keçirilmişdir.
Ali qonağı ölkəmizdə salamlayan Oqtay Əsədov Azərbaycan və Gürcüstan xalqları arasında tarixi dostluq əlaqələrinin olduğunu bildirmişdir.
Qeyd olunmuşdur ki, bu cür yüksək səviyyəli səfərlər qardaşlıq və mehriban qonşuluq əlaqələrinə əsaslanan münasibətləri daha da inkişaf etdirəcəkdir.
Gürcüstan ilə Azərbaycan arasındakı əlaqələrin konkret layihələrlə inkişaf etdirildiyini deyən Milli Məclisin sədri Bakı-Tbilisi-Ceyhan neft və Bakı-Tbilisi-Ərzurum qaz kəmərlərinin regionun və Avropanın enerji təhlükəsizliyində önəmli rol oynadığını xüsusi qeyd etmişdir.
Oqtay Əsədov hər iki ölkənin qanunverici orqanlarında fəaliyyət göstərən dostluq qruplarının münasibətlərin inkişafında mühüm rolu olduğunu diqqətə çatdırmışdır.
Prezident Georgi Marqvelaşvili bildirmişdir ki, mehriban qonşu dövlətlər olan Azərbaycan və Gürcüstan regionda birlikdə iri layihələr həyata keçirir. Biz bu layihələri həyata keçirməklə regionun gələcək inkişafını və sabitliyini təmin etməliyik.
Qeyd olunmuşdur ki, yalnız enerji sahəsində deyil, mədəniyyət, elm, təhsil, səhiyyə və digər sahələrdə də əməkdaşlıq üçün böyük potensial vardır.

Əsirlikdə olan Gürcüstan vətəndaşı azad edildi

17.10.13 20:46 |

alt

Avqustun 17-də erməni sərhədçiləri tərəfindən saxlanılan Gürcüstan vətəndaşı Allahverdi Pələngov bu gün azad edilib.

Bu barədə Allahverdi Pələngovun əmisi oğlu Ayaz Pələngov məlumat verib. Onun sözlərinə görə, Allahverdi Pələngov gözlənilmədən, heç bir xəbərdarlıq olunmadan həbsdən azad edilib.

Allahverdi Pələngovun hazırda Ermənistanla Gürcüstan arasında sərhəd keçid məntəqəsində olduğu, ölkəsinə keçmək üçün müvafiq prosedurlardan keçirildiyi bildirilir.

Qeyd edək ki, Ermənistan Təhlükəsizlik Xidmətinin təcridxanasında saxlanılan və A. Pələngov sərhədi qanunsuz keçməkdə ittiham edilib.

Nari tayfunu Filippini viran qoydu - VİDEO

12.10.13 19:54 |

alt

Filippinin şimal bölgələri də yeni tayfunla üz-üzədir. Nari tayfunu saatda 150 kilometrədək çatan küləklə ölkənin Avrora əyalətinə yaxınlaşıb. Sahil bölgələrində yaşayan 2500-dən çox adam vaxtında evakuasiya olunduğundan heç bir insan itkisinin olmadığı bildirilir. Fəlakət bölgələrində elektrik enerjisi kəsilib. Əyalətdə bir çox yollar, körpülər zərər çəkib, çox sayda ağac yıxılıb. Meteoroloqların məlumatına görə, nari sahilə yaxınlaşdıqca sürətini azaldıb, məhz bu səbəbdən dəyən zərərin həcmi az olub.

Başqa məqalələr...