Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2227
	Dünən	3492
	Bu həftə	24166
	Bu ay	65610
	Bu günə qədər	9726975

Bizi Paylaşın

Video Xəbərlər

Təqvim

Dalga TeleviziyasA�

İlham Əliyev Gürcüstan prezidentini təbrik etdi

29.10.13 20:27 |

alt

Prezident İlham Əliyev Gürcüstanda baş tutan seçkilərdə qalib gəlməsi münasibəti ilə Georgi Marqvelaşviliyə təbrik məktubu yollayıb.

Təbrikdə deyilir: “Hörmətli cənab Marqvelaşvili, Gürcüstan Prezidenti vəzifəsinə seçilməyiniz münasibətilə Sizi ürəkdən təbrik edirəm. Azərbaycan ilə Gürcüstan arasında tarixən təşəkkül tapmış mehriban qonşuluq və dostluq münasibətlərinin genişlənməsi və əməkdaşlığımızın hərtərəfli inkişafı məmnunluq doğurur. Əminəm ki, ölkələrimiz arasındakı bu ənənəvi dostluq və mehriban qonşuluq münasibətləri, strateji tərəfdaşlığımız və çoxşaxəli əməkdaşlığımız xalqlarımızın və ölkələrimizin rifahı, regionda sülh, sabitlik və tərəqqi naminə bundan sonra da hərtərəfli inkişaf edəcək və möhkəmlənəcəkdir. Sizə möhkəm cansağlığı, xoşbəxtlik və dövləti fəaliyyətinizdə uğurlar arzulayıram.
Hörmətlə, İlham Əliyev”

Prezident Avropa Olimpiya Komitəsinin prezidentini qəbul etdi

28.10.13 20:23 |

alt

Azərbaycan Respublikasının Prezidenti İlham Əliyev oktyabrın 28-də Avropa Olimpiya Komitəsinin prezidenti Patrik Hikkini və Avropa Olimpiya Komitəsinin icraedici komitəsinin üzvü Spiros Kapralosu qəbul edib.

Avropa Olimpiya Komitəsinin prezidenti Patrik Hikki yenidən Prezident seçilməsi münasibətilə dövlətimizin başçısını təbrik etdi. O, ölkəmizdə sürətli iqtisadi inkişaf proseslərinin, idman infrastrukturunun daha da genişləndirilməsi istiqamətində böyük işlərin görüldüyünün şahidi olduğunu məmnunluqla qeyd etdi.

Görüşdə Azərbaycanda idmanın müxtəlif sahələrinin inkişaf etdirilməsi ilə bağlı görülən işlərin önəmi vurğulandı, 2015-ci ildə Bakıda keçiriləcək birinci Avropa Oyunlarına hazırlıq işləri ilə bağlı məsələlər ətrafında fikir mübadiləsi aparıldı.

Georgi Marqvelaşvili: “Gürcüstanda siyasi təqiblər olmayacaq”

28.10.13 20:05 |

alt Gürcüstanda siyasi təqiblər olmayacaq.

APA-nın Gürcüstan bürosunun məlumatına görə, bu barədə Gürcüstanın yeni prezidenti Georgi Marqvelaşvili bu gün baş naziri Bidzina İvanişvil ilə birgə keçirdiyi mətbuat konfransında bildirib.

Ukraynalı jurnalistin sabiq prezident Mixail Saakaşvilinin təqib edilib-edilməyəcəyi barədə sualını cavablandıran G.Marqvelaşvili deyib ki, prezident prokuror səlahiyyətlərinə malik deyil: “Siyasi və mənəvi təqibin olmayacağının qarantı mənəm. Lakin cinayətə görə təqib mənim səlahiyyətlərim xaricində olan mövzudur. ABŞ, Avropa dövlətləri hüquqi əsaslarla qurulub və bizim dövlətin təməli də belədir”.

Yeni prezidentin inaqurasiya mərasimi noyabrda keçiriləcək

28.10.13 20:11 |

alt

Gürcüstanın yeni seçilən prezidenti Giorgi Marqvelaşvilinin inaqurasiya mərasimi noyabrın 17-ində keçiriləcək. Gürcüstan Konsitutsiyasına əsasən yeni Prezidentin inaqurasiya mərasimi seçkilərdən üç həftə sonra keçirilməlidir.

Azərbaycan prezidenti İlham Əliyev Abdullah Gül və Rəcəb Tayyib Ərdoğana təbrik məktubu göndərib

28.10.13 20:02 |

Azərbaycan prezidenti İlham Əliyev Türkiyə prezidenti Abdullah Gül və baş naziri Rəcəb Tayyib Ərdoğana təbrik məktubu göndərib.

APA-nın məlumatına görə, dövlət başçısı Türkiyənin milli bayramı – Respublika gününün 90-cı ildönümü münasibətilə Türkiyə rəhbərliyini və xalqını Azərbaycan xalqı və öz adından təbrik edib.

“Biz bu tarixi günün qürurunu Türkiyə xalqı ilə bölüşür, sevincinizə qoşuluruq. Xalqlarımızı birləşdirən möhkəm dostluq və qardaşlıq hissləri ortaq mənəvi dəyərlərimizdən və tarixi köklərimizdən güc alır. Sarsılmaz birliyimiz və həmrəyliyimiz bu gün dövlətlərarası münasibətlərimizin təməl daşıdır.

İnanıram ki, Azərbaycan ilə Türkiyə arasındakı dostluq və tərəfdaşlıq münasibətləri qardaş xalqlarımızın rifahına, ölkələrimizin çiçəklənməsinə daim böyük töhfələr verəcək”, - deyə təbrikdə vurğulanır.

Başqa məqalələr...