Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	624
	Dünən	3829
	Bu həftə	4453
	Bu ay	95612
	Bu günə qədər	9756977

Bizi Paylaşın

Video Xəbərlər

Təqvim

Dalga TeleviziyasA�

Sərkisyanın İlham Əliyevin şərtini qəbul etməsi Ermənistan hakimiyyətini susdurub

19.10.14 19:15 |

alt Ermənistan hakimiyyəti Azərbaycanın hansı şərtlərini qəbul edərək Avrasiya İqtisadi İttifaqına girməsini şərh etmir. Belə ki, Qazaxıstan prezidenti Nursultan Nazarbayevin Avrasiya İqtisadi İttifaqının Minsk sammitində Ermənistanın Azərbaycanın şərtlərini qəbul etməsinə işarə vuran çıxışını rəsmi Yerevan cavablandırmaqdan imtina edir.
Modern.az saytının erməni KİV-nə istinadən verdiyi məlumata görə Ermənistan Prezident Administrasiyasının rəhbəri Viden Sərkisyan məsələ ilə bağlı ona ünvanlanan sualı susqunluqla qarşılayıb.

Ermənistan prezidenti Serj Sərkisyanın mətbuat katibi Armen Saqatelyan isə ölkənin xarici işlər nazirinin müavini Savarş Köçəryanın açıqlamasında istinad edib. Lakin o Qazaxıstan rəhbərinin açıqlamasına münasibət bildirməkdən belə bəhanə ilə imtina edib: “Başqa ölkə prezidentlərinin bəyanatlarının şərh edilməsi Ermənistan prezidentinin mətbuat katibinin hüquqi səlahiyyətlərinə daxil deyil”.

Xatırladaq ki, Ermənistan XİN başçısının müavini Savarş Köçəryan açıqlamasında Yerevan hökumətinin Avrasiya İttifaqına girmək üçün Azərbaycana getdiyi kompromisdə Dağlıq Qarabağ danışıqları ilə bağlı məsələlərin yer almadığını bildirib.

Qeyd edək ki, bu ilin may ayının 29-da Rusiya, Qazaxıstan, Belarus dövlət başçılarının iştirakı ilə gerçəkləşən Avrasiya İqtisadi İttifaqının təsis konfransında Nursultan Nazarbayev Azərbaycan prezidenti İlham Əliyevin Ermənistanın quruma üzvlüyü üçün şərtlərini özündə ehtiva edən məktubunu oxumuşdu. Məktubda prezident İlham Əliyev Ermənistanın beynəlxalq təşkilatlar tərəfindən tanınan sərhədlər çərçivəsində Avrasiya İqtisadi İttifaqına üzv olması şərtini irəli sürmüşdü.

Həmin tədbirdə iştirak edən Ermənistan prezidenti Serj Sərkisyan və xarici işlər naziri Edvard Nalbandyan isə Azərbaycan prezidentinin bu xatırlatmasını biabırçı susqunluqla qarşılamışdılar.

Avrasiya Birliyinin oktyabrın 10-da Minskdə keçirilən sammitində isə Ermənistanın təşkilata qoşulması haqqında sənəd imzalandı. Sammitdə çıxış edən Qazaxıstan lideri Nursultan Nazarbayev çıxışında bəyan etdi ki, Ermənistanın hansı sərhədlər daxilində Avrasiya Birliyinə üzvlüyünə dair məsələlər ətrafında kompromis əldə olunub. Yəni, Nazarbayevin çıxışından belə anlaşıldı ki, Ermənistanın Dağlıq Qarabağdakı separatçı rejimi Avrasiya İttifaqına qoşmaq istiqamətindəki səyləri fiaskoya uğrayıb.

“Cenevrə-2” konfransı başlanandan Suriyada ölənlərin sayı

31.01.14 22:14 |

alt “Cenevrə-2” sülh konfransı başlayandan bu günədək Suriyada 1 900 nəfər ölüb. Ölənlərdən 430-u dinc sakinlərdir.

Dalgatv APA-ya istinadən xəbər verir ki, hazırda BMT və Ərəb ölkələri liqasının xüsusi nümayəndəsi Lahdar Brahimi Cenevrədə Suriya nümayəndə heyətləri ilə son görüşünü keçirir.

Danışıqlara fevralın 10-dək fasilə verildiyi bildirilir.

Azərbaycanla Gürcüstan arasında razılaşma

17.10.14 19:01 |

alt Azərbaycan və Gürcüstan Müdafiə Nazirlikləri arasında 2015-ci il üçün ikitərəfli əməkdaşlıq planının layihəsi razılaşdırılıb.

ANS PRESS-in Müdafiə Nazirliyinə istinadla verdiyi məlumata görə, Bakı şəhərində Azərbaycan Respublikası Müdafiə Nazirliyi ilə Gürcüstan Müdafiə Nazirliyi arasında ikitərəfli hərbi məsləhətləşmələr keçirilib.

Danışıqlara Azərbaycan tərəfdən Müdafiə Nazirliyi Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov, Gürcüstan tərəfdən isə Müdafiə Nazirliyinin Beynəlxalq Əlaqələr və Avro-Atlantik İnteqrasiya Departamenti İkitərəfli Əməkdaşlıq İdarəsinin rəisi cənab İosif Cikia rəhbərlik ediblər.

Görüşdə iki ölkə arasında hərbi, hərbi-texniki və hərbi-təhsil sahələrində əməkdaşlığın cari vəziyyəti və perspektivləri müzakirə olunub, regional təhlükəsizlik məsələləri barədə fikir mübadiləsi aparılıb.

Müzakirələrin yekunu olaraq "Azərbaycan Respublikasının Müdafiə Nazirliyi və Gürcüstanın Müdafiə Nazirliyi arasında 2015-ci il üçün ikitərəfli əməkdaşlıq Planı"nın layihəsi razılaşdırılıb.

Gürcüstanda daşqınlara görə əhali təxliyyə olunur

24.09.14 20:41 |

alt

Gürcüstanın qərbində baş verən daşqınlar səbəbindən əhalinin təxliyyəsinə başlanılıb.

Dalgatv Trend-ə istinadən xəbər verir ki, hazırda Ozurqeti rayonunun Şekvetili kəndində onlarla ailə artıq təxliyyə olunub. Suyun səviyyəsinin artması səbəbindən çaylar məcrasından çıxaraq bölgədəki bir neçə kəndi basıb.

Məlumata əsasən, bu gün səhər saatlarında Acarıstan sahillərində beş ballıq qasırğa qeydə alınıb. Təbii fəlakət Batuminin sahilyanı ərazilərinin su altında qalması təhlükəsi yaradıb.

Təbii fəlakətlə mübarizə üçün sentyabrın 23-dən xüsusi xilasetmə xidməti səfərbər olunub. Güclənən fırtına vəziyyəti çətinləşdirir.

Batuminin bəzi rayonlarında elektrik enerjisinin verilişində fasilələr yaranıb.

Hazırda suyun və elektrik enerjisinin verilişinin bərpası üzrə işlər aparılır.

İranda fəhlələr etiraz aksiyası keçiriblər

29.01.14 13:36 |

alt İranın Kürdistan əyalətinin Qürvə şəhərində "Zaqros" poladəritmə zavodunun işçiləri etiraz aksiyası keçirib.

Dalgatv-nin Trend-ə istinadən verdiyi xəbərə görə etiraz aksiyasında zavodun 200 işçisi iştirak edib və onlar Qürvə şəhər İcra Hakimiyyəti qarşısına toplaşaraq 7 aylıq əməkhaqlarını almamalarına etiraz ediblər.

Zavod rəhbərliyi fəhlələrin beş aylıq sığorta haqlarını da ödəməyib. "Zaqros" zavodunun rəhbərliyi İcra Hakimiyyətinə çağırılıb və rəhbərlik fəhlələrin problemlərinin həlli üçün işlər görəcəyinə söz verib.

Qeyd edək ki, ötən həftə də İranda iki iri müəssisənin işçiləri (Kərəc şəhəri yaxınlığında yerləşən və təkər istehsalı ilə məşğul olan "İran Tire" zavodunun 400-dən çox işçisi və Xozestan əyalətində yerləşən "Fəcr" (Fajr) neft-kimya şirkətinin 150-dən çox işçisi) etiraz aksiyaları keçirmişdilər.

Başqa məqalələr...