Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	612
	Dünən	3829
	Bu həftə	4441
	Bu ay	95600
	Bu günə qədər	9756965

Bizi Paylaşın

Video Xəbərlər

Təqvim

Dalga TeleviziyasA�

Yaralı əsgərlərimiz vətənə qayıdır

02.09.14 20:31 |

alt

Türkiyə prezidentinin Azərbaycan səfəri ərəfəsində Türkiyədə müalicə alan və hökumətin yaxından nəzarətdə saxladığı Azərbaycan əsgərlərindən məlumat var. Göründüyü kimi qardaş ölkədə əgsərlərimizə çox yaxşı baxıblar.

ANS TV-nin məlumatına görə, ötən ilin oktyabrında Lənkərandan hərbi xidmətə çağrılan Sərxan Tahirzadə avqustun 2-də erməni silahlı qüvvələrinin atəşkəsi pozması nəticəsində Ağdam istiqamətində gedən döyüşlərdə yaralanıb. Sərxan avqustun 9-da müalicə üçün Türkiyəyə aparılan 3 əsgərdən biridir.

Ağır bir durumda Türkiyəyə aparılan Sərxan hər iki ayağını itirsə belə həkimlərinə güvənərək həyata optimist yanaşır. Sərxanla birgə yola salınan digər yaralı əsgər Elvin Əsgərov da Atatürk Eyitim və Araşdırma xəstəxanasında VİP palatalarda müalicəsini davam etdirir.

“Bura gələndə vəziyyətim çox pis idi. İndi şükürlər olsun ki, yaxşılığa doğru gedir”, - deyə yaralı əsgər Elvin Əsgərov qeyd edib.

Doğrudur, Azərbaycan hökuməti istər şəhidlər, istərsə də yaralı əsgərlərimizlə bağlı ən yüksək səviyyədə müvafiq addımlar atıb. Lakin Türkiyənin əsgərlərin sağalmasında yaxından rol almaq istəyi, iki qardaş xalqın və dövlətin hər zaman bir-birlərinin yanında olduğunu bir daha dünyaya nümayiş etdirdi. Yaralıları xəstəxanada Türkiyə hakimiyyətinin aparıcı simaları, parlamentin sədri Cəmil Çiçək və indiki baş nazir Əhməd Davudoğlu, eləcə də ölkə siyasətinin digər tanınmış şəxslərinin ziyarət etməsi də bunun göstəricisi idi.

Bunun ardınca Naxçıvanda Azərbaycan, Türkiyə və Gürcüstan Müdafiə Nazirlərinin görüşü də qardaş ölkənin çətin məqamlarda Azərbaycanın yanında olduğunu bir daha təsdiqləyir. Əldə olunmuş razılığa əsasən yaxın vaxtlarda baş tutacaq quru qoşunların, hərbi dəniz və hərbi hava qüvvələrinin birgə təlimlər, eləcə də kadrların hazırlanmasında qarşılıqlı əməkdaşlıq iki ölkə arasında sıx münasibətlərin olduğuna bariz nümunədir.

Azərbaycan da həmişə Türkiyənin maraqlarını qoruyub. Məsələn, bir müddən öncə Praqada dövlət başçılarının iştirakı ilə keçirilən “Şərq tərəfdaşlığı” proqramının sammitində Azərbaycan prezidenti İlham Əliyev Ermənistan prezidenti Serj Sarkisyanın Türkiyəni ittiham etməsinə sərt reaksiya verərək "Türkiyə burda yoxdur, mən varam” deyib, onu susdurmuşdu.

Ukrayna MDB-dən çıxır

13.10.14 17:05 |

alt Oktyabrın 12-də Ukrayna parlamentində Müstəqil Dövlətlər Birliyinin (MDB) yaradılması haqda razılaşmanın dayandırılmasını nəzərdə tutan qanun layihəsi qeydiyyata alınıb. Modern.az saytı bildirir ki, bu haqda Ali Radanın saytında məlumat yerləşdirilib. Parlamentdəki mənbə deyib ki, Ukraynanın MDB-də iştirakını dayandırması son aylar çox müzakirə olunur. Mənbə oktyabrın 10-da Minskdə keçirilən MDB dövlət başçılarının sammitində Ukrayna prezidenti Pyot Poroşenkonun iştirak etmədiyini də xatırladıb. Ukraynanı həmin tədbirdə Belarusdakı səfir Mixail Yejel təmsil edib.

Dini Komitənin sədri: “Bakıda 30 mindən çox erməni yaşayır"

01.09.14 13:53 |

alt

“Biz kifayət qədər yüksək səviyyədə mədəniyyətlərarası dialoq təşkil etmişik. Azərbaycan tolerantlıq məkanıdır. Ermənistanın bizim ölkəmizin 20 faizini işğal etməsinə baxmayaraq, bu gün Bakıda 30 mindən çox erməni yaşayır”.
Modern.az saytının məlumatına görə, bu sözləri Dini Qurumlarla İş üzrə Dövlət Komitəsinin sədfri Mübariz Qurbanlı Bakıda “Mədəniyyətlərarası dialoq: mədəniyyət və din arasında qarşılıqlı əlaqə” mövzusunda keçirilən tədbirdən sonrakı mətbuat konfransında deyib.

Avropa Şurasının Baş katibinin müavini Qabriellla Battaini Dragoni isə bildirib ki, bu tədbirin keçirilməsi ilə əlaqədar Azərbaycan Respublikasına təşəkkür edir.

“Azərbaycan hər iki idən bir belə forumlar keçirtməklə mədəniyyətlərarası problemləri müzakirə etməyə şərait yaradır. Bu gün burada müxtəlif dini qrupların müzakirə etdiyi mövzular sırf dinlərlə bağlıdır. Bəzi insanlar üçün din əhəmiyyətli yer tutut, bəziləri üçün isə din əhəmiyyətli deyil. Onu vurğulamaq istərdim ki, Avropa Şurasında nifrətdən azad bir kampaniya həyata keçiririk. Çox şadam ki, Azərbaycanın da iştirakı ilə bir tədbir təşkil edəcəyik”.

Nyu-Yorkda fövqəladə vəziyyət elan edilib

22.01.14 16:45 |

alt

ABŞ-ın Nyu-York ştatının 5 rayonunda fövqəladə vəziyyət elan edilib.

Dalgatv-nin APA-ya istinadən verdiyi xəbərə görə, buna ölkənin şimal-şərq sahilindəki güclü fırtına səbəb olub.

Hava şəraitinin pisləşməsi üzündən 3 mindən çox aviareys təxirə salınıb.

Hazırda Nyu-York şəhərində 450 qar təmizləyən maşın işləyir. Şəhər rəsmiləri yerli sakinlərə evlərindən çıxmamağı və şəxsi nəqliyyat vasitələrindən istifadə etməməyi məsləhət görür.

Azərbaycanla Türkiyə arasında protokol imzalanıb

13.10.14 16:07 |

alt Naxçıvan-Qars dəmir yolunun xəttinin çəkilməsi ilə bağlı Azərbaycanla Türkiyə arasında müvafiq protokol imzalanıb.

Dalgatv-nin APA-ya istinadən verdiyi xəbərə görə, bunu nəqliyyat nazirinin müavini Musa Pənahov deyib.

Nazir müavini deyib ki, hazırda Türkiyədən olan mütəxəssislər Qars ərazisindən dəmir yollarının Naxçıvan ərazisinə birləşdirilməsi üçün layihələndirmə işlərini aparırlar.

M. Pənahov əlavə edib ki, eyni zamanda yerli mühəndislər də bu layihələndirmə işlərində iştirak edirlər: “Qars-Naxçıvan dəmir yolu xəttinin böyük bir hissəsi Türkiyə ərazisindən keçir. Təxminən 13 km yeni tikinti işləri isə Naxçıvan ərazisində nəzərdə tutulub. Həmçinin Naxçıvan ərazisində 160 kilometr dəmir yollarının yenidən qurulmasına və inkişafına ehtiyac var. Layihə üzərində iş davam edir, kifayət qədər böyük layihədir. Onun detalları ilə bağlı ətraflı layihə hazırlandıqdan sonra hökumətə təklif ediləcək”

Başqa məqalələr...