Azərbaycanın ABŞ-dakı səfiri Elin Süleymanov, Azərbaycan Dövlət Neft Şirkətinin Texas ştatında səfərdə olan nümayəndə heyəti, habelə Hyuston şəhərindəki azərbaycanlı icmasının nümayəndələri Hyuston şəhərinin meri xanım Annis Parkerlə görüşüb.

Azərbaycanın ABŞ-dakı səfirliyinin mətbuat xidmətindən APA-ya verilən məlumata görə, görüşdə E. Süleymanov A. Parkeri yenidən şəhərin meri vəzifəsinə seçilməsi münasibətilə təbrik edib, şəhərin azərbaycanlı icmasına göstərdiyi diqqətə görə təşəkkürünü çatdırıb. Səfir son illərdə Hyustondakı azərbaycanlı icmasının nəzərəçarpacaq dərəcədə fəallaşdığını və bu şəhərin Azərbaycan mədəniyyətinin ABŞ-dakı əsas mərkəzinə çevrildiyini qeyd edib. E. Süleymanov Azərbaycanın Dövlət Bayrağı Gününün ABŞ-da ən təntənəli şəkildə məhz Hyuston şəhərində keçirilməsinin simvolik məna daşıdığını deyib.

Görüşdə iştirak edən ARDNŞ-nin vitse-prezidenti Xaliq Məmmədov xanım A. Parkerə 1976-cı ildən qardaşlaşmış şəhərlər olan Bakı və Hyuston arasında əlaqələrin inkişafına verdiyi töhfəyə görə öz təşəkkürünü ifadə edib.

A. Parker Bakı və Hyuston arasındakı sıx münasibətlərlə bağlı öz məmnuniyyətini çatdırıb və nümayəndə heyətinə Hyustona şəhərinə göstərdikləri davamlı marağa görə minnətdarlığını çatdırıb. Mer şəhərin azərbaycanlı icmasının şəhərin ictimai-mədəni həyatında fəal iştirakını təqdir etdiyini deyib, görüşdə iştirak edən Hyuston-Bakı Qardaşlaşmış Şəhərlər Assosiasiyasının prezidenti İradə Axundovaya təşəkkürünü ifadə edib.

Görüş zamanı Hyuston və Bakı şəhərləri arasında müxtəlif sahələrdə əlaqələrin inkişaf perspektivlərinə dair geniş fikir mübadiləsi aparılıb və qarşılıqlı səfərlərin davam etdirilməsinin əhəmiyyəti vurğulanıb.

Türkiyə baş naziri Rəcəb Tayyib Ərdoğanla baş nazirin müavini, hökumət sözçüsü Bülənd Arınc arasında fikir ayrılığı yaranıb.

APA-nın verdiyi məlumata görə, Bülənd Arınc bu gün “TRT Türk” kanalına müsahibəsində tələbə yataqxanaları ilə bağlı Rəcəb Tayyib Ərdoğanın və onun söylədikləri arasında təzad olduğunu bəyan edib.

Bülənd Arınc deyib ki, baş nazirə bir dost və qardaş kimi səslənir: “12 saat belə keçmədən bizim söylədiklərimiz arasında ziddiyyət üzə çıxdı. Biz mübarizə dostlarıyıq, qədərimiz birdir. Bəzən mübahisə etdiyimiz günlər də olur. Parlamentin sədri olmuş, demokratiya yolunda aləmi, syiasi həyatımı fəda etmiş bir insanam, vəzifə hərisi deyiləm. O gün mənə bir sual verildi, mən də Nazirlər Kabinetinin iclasında nə eşitmişdimsə, onu da söylədim. Ancaq baş nazirin “yataqxanalarda qız və oğlan tələbələrin birgə qalmaması ilə bağlı qanuna düzəliş edərik” deməsi, bir valinin də bunu dəstəklədiyini bəyan etməsi düzgün bir davranış deyil. Baş nazir partiyanın qrup toplantısında dedi ki, gənc qız və oğlanların bir yerdə qalması yanlışdır. Bu sözlər mənim söylədiklərimlə ziddiyyət təşkil etdi. Bir daha deyirəm ki, baş nazirdən bu ziddiyyəti aradan qaldırmağı gözləyirəm”.