Dalga Televiziyasi
Get Adobe Flash player
GEO

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün715
DünənDünən3424
Bu həftəBu həftə10643
Bu ayBu ay77048
Bu günə qədərBu günə qədər9738413

Bizi Paylaşın

Video Xəbərlər

 

Təqvim


Dalga TeleviziyasA

Rusiya OPEK-dən imtina etdi

07.09.15 12:50 | PDF faylını al | Çap | E-poçt

OPEK Rusiyaya quruma daxil olmağı təklif edib, lakin rəsmi Moskva müşahidəçi kimi qalmağa qərar verib.


Bunu “FT Commodities” konfransının gedişi zamanı “Rosneft” şirkətinin rəhbəri İqor Seçin deyib.
Seçinin sözlərinə görə, belə bir qərarın verilməsinə bir neçə səbəb var. Onlardan biri neft hasilatı metodlarında texnoloji fərqlərdir. Bundan əlavə, Rusiya bazarı bu sahədə demək olar ki, tamamilə özəlləşdirilib və Rusiya hökuməti, OPEK ölkələrində olduğu kimi, bazara birbaşa müdaxilə edə bilməz.
“Rosneft” prezidentinin fikrincə, dünyada neft sahəsinin uzunmüddətli perspektivi Rusiya, Venesuela və İranla bağlı olacaq.
Seçin izah edib ki, məhz bu ölkələrin yeni yataqların kəşf edilməsi və hasilatında daha böyük potensialı var. O vurğulayıb ki, beynəlxalq qiymətləndirilməyə görə, Rusiyanın yanacaq maddələrinin potensial ehtiyatı ABŞ və Yaxın Şərq ehtiyatlarını üstələyir.
OPEK – Neft İxrac Edən Ölkələr Birliyi (ing. The Organization of the Petroleum Exporting Countries- OPEC) neft ixrac edən ölkələr tərəfindən neftin qiymətinin tənzimlənməsi məqsədi ilə yaradılan təşkilatdır. Bu təşkilatın üzvləri iqtisadiyyatı əsasən neftdən asılı olan dövlətlərdir.
OPEK daim fəaliyyətdə olan qeyri-hökumət təşkilatı kimi 1960-cı il sentyabr ayının 10-14-də Bağdadda keçirilən konfransda yaradılıb. Əvvəlcə İran, İraq, Küveyt, Səudiyyə Ərəbistanı və Venesuela (Venesuela təşkilatın yaranması təşəbbüsünə ilk dəfə 1949-cu ildə cəhd göstərib) təşkilata daxil olub.
Bu 5 ölkəyə sonradan Qətər, (1961), İndoneziya (1962), Liviya (1962), Birləşmiş Ərəb Əmirlikləri (1967), Əlcəzair (1969), Nigeriya (1971), Ekvador (1973-1992), Qabon (1975-1994), Anqola (2007) qoşulub.
Ekvador 1993-cü ildə ya təşkilatın üzvlük haqqını ödəyə bilmədiyindən, ya da təşkilatın qərara aldığı miqdardan daha çox neft istehsal etmək istədiyindən təşkilatdan çıxıb. 2007-ci ildə isə İndoneziya təşkilatı tərk edib.
Təşkilatın qərargahı 1965-ci ildən Vyanada yerləşir. Hazırda OPEK-in 12 üzvü var.

Kateqoriya: İqtisadiyyat / İqtisadiyyat

Ötən gün Azərbaycanda baş verən yol qəzalarında 3 nəfər ölüb

15.06.13 23:23 | PDF faylını al | Çap

Ötən gün respublikanın avtomobil yollarında baş verən yol qəzalarında 3 nəfər ölüb.
Daxili İşlər Nazirliyinin saytına istinadən verdiyi məlumata görə, ötən gün respublikada 4 yol qəzası baş verib. Nəticədə 3 nəfər ölüb, 2 nəfər yaralanıb.

Bakıda iki yanğın hadisəsi baş verib

14.06.13 22:49 | PDF faylını al | Çap

Bakıda iki yanğın hadisəsi qeydə alınıb.Paytaxtın Binəqədi rayonunda vətəndaşa məxsus daş bazarının ərazisində 100 kv.m sahəyə yığılmış diametri 1200 mm olan istifadəsiz su borularının izolyasiya qatı yanıb. Yaxınlıqdakı 8 ədəd 20 tonluq propan çənləri və evlər yanğından mühafizə olunub.

Bundan başqa Bakının Qaradağ rayonunda dağ ətəyi ərazisində 30 ha quru ot və 50 ədəd şam ağacı yanmışdır. Yaxınlıqdakı yaxınlıqdakı neft boru kəmərləri yanğından mühafizə olunmuşdur.  

Hər iki halda yanğın yanğınsöndürənlər tərəfindən söndürülüb.

 

SOCAR prezidenti Maltanın baş naziri ilə görüşüb

07.09.15 11:50 | PDF faylını al | Çap | E-poçt

SOCAR prezidenti Rövnəq Abdullayev Malta Respublikasının baş naziri Cozef Muskat ilə görüşüb.

"Dalğa TV" SOCAR-ın saytına istinadən məlumat verir ki, Maltanın enerji naziri Konrad Mizzinin də iştirak etdiyi görüşdə SOCAR-ın bu ölkədə həyata keçirdiyi investisiya layihəsi müzakirə edilib, layihənin qrafikə uyğun şəkildə uğurla icra edildiyi qeyd olunub.

Görüşdə tərəflər Azərbaycan və Malta arasında enerji sahəsində əməkdaşlığın inkişaf etdirilməsi üçün mövcud olan imkanlardan danışıb, investisiya layihələrinin genişləndirilməsi perspektivlərini nəzərdən keçiriblər.

Rövnəq Abdullayev Azərbaycan neft-qaz sənayesində əldə olunan nailiyyətlər, ölkə daxilində və xaricdə həyata keçirilən geniş miqyaslı enerji layihələri barədə məlumat verib. Malta hökumətinin başçısı Cozef Muskat ötən il Bakıya səfərini xatırladaraq, neft və qaz sektorunda strateji əməkdaşlıq haqqında imzalanmış Anlaşma Memorandumunun əlaqələrin daha da genişləndirilməsi üçün yaxşı imkan yaratdığını qeyd edib.

Görüşdə tərəfləri maraqlandıran digər məsələlər də müzakirə olunub.

Kateqoriya: İqtisadiyyat / İqtisadiyyat

Bakı-Tbilisi-Ərzurum kəməri ilə qaz nəqli bərpa edildi

03.09.15 09:13 | PDF faylını al | Çap | E-poçt

Bakı-Tbilisi-Ərzurum təbii qaz kəməri vasitəsilə mavi yanacağın nəqli bərpa edilib.

 "DalğaTV" APA-ya istinadən xəbər verir ki, bu barədə kəmərin Azərbaycandan keçən hissəsinin operatoru olan “BP-Azerbaijan” şirkətinin mətbuat xidmətinin rəhbəri Tamam Bayatlı bildirib.

T. Bayatlının sözlərinə görə, hasilat və ixrac əməliyyatları normal qaydada həyata keçirilir.

Xatırladaq ki, avqustun 25-də gecə saatlarında PKK terrorçuları Bakı-Tbilisi-Ərzurum qaz kəmərinin Qars vilayətindən keçən hissəsində partlayış törədiblər.

Partlayış kəmərin Qars vilayətinin Sarıqamış qəsəbəsindən keçən hissəsində törədilib. Qars valisi Günay Özdəmir mətbuata açıqlamasında partlayışın 20-dək PKK terrorçusunun hücumu nəticəsində törədildiyini bildirib.

Onun sözlərinə görə, kəmər vasitəsilə təbii qazın nəqli dayandırılıb. Hadisə yerində müşahidə olunan güclü alov qonşu Ərzurum vilayətinin bəzi yaşayış məntəqələrindən də aydın görünüb.

Qeyd edək ki, bundan əvvəl avqustun 4-də də Bakı-Tblisi-Ərzurum qaz kəmərində partlayış törədilib.

Kateqoriya: İqtisadiyyat / İqtisadiyyat
Başqa məqalələr...

Saytda Axtarış

Son xəbərlər

© DalgaTV 2013. All Rights Reserved.

Designed by Esmira Mamedova.