Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1769
	Dünən	3424
	Bu həftə	11697
	Bu ay	78102
	Bu günə qədər	9739467

Bizi Paylaşın

Video Xəbərlər

Təqvim

Dalga TeleviziyasA�

Sabah Tiflisdə Çindən gələn ilk tranzit yük qatarının qarşılanması mərasimi keçiriləcək

13.12.15 12:20 |

Sabah Tiflisdə Çindən gələn ilk tranzit yük qatarının qarşılanması mərasimi keçiriləcək. APA-nın Gürcüstan bürosunun gürcü mətbuatına istinadən verdiyi məlumata görə, qatarı Tiflis dəmiryolunda Gürcüstanın baş naziri İrakli Qaribaşvili, Çinin Gürcüstandakı səfiri və "Gürcüstan Dəmir Yolları" idarəsinin baş direktoru qarşılayacaqlar. Sonra "İpək dəmiryolu" layihəsinin açılışı olacaq. Çinin Lyunyunqan limanından gələn qatar Qazaxıstan, Azərbaycan və Gürcüstandan keçməklə Türkiyəyə yola düşəcək.

"Bu qatar "İpək Yolu" çərçivəsində ilk tranzit qatarıdır. Bu qatar qısa vaxt ərzində Asiya ilə Avropanı birləşdirəcək. Çinin şərq tərəfindən göndərilən yük 14-15 günə İstanbula çatacaq, dəniz yolu İstanbula getmək 40-45 gün çəkir. İlin sonunadək Tiflis daha bir tranzit yük qatarını qəbul edəcək və 2016-cı ildə layihə çərçivəsində əlavə olaraq bir neçə min konteyner daşınması planlaşdırılır. Bu layihə Gürcüstanın tranzit potensialını əhəmiyyətli dərəcədə yüksəldəcək", deyə Gürcüstan hökumətinin məlumatında bildirilib.

Məlumata görə, ilk tranzit qatar 21 yük vaqonundan ibarətdir.

Sabirabadda 22 yaşlı qadın bıçaqlanıb

07.03.17 20:47 |

Sabirabadda qadın bıçaqlanıb. APA-nın Mil-Muğan bürosunun məlumatına görə, bıçaqlanma hadisəsi rayonun Ətçələr kəndində qeydə alınıb. Sabirabad rayonunun Yastıqobu kənd sakini, Əhmədov Ramil Namiz oğlu münaqişə zəminində Ətçələr kənd sakini, 22 yaşlı Maral İmamverdi qızı Allahverdiyevanı bıçaqlayıb. Yaralı Sabirabad Rayon Mərkəzi Xəstəxanasına çatdırılaraq əməliyyat olunub.

Faktla bağlı Sabirabad polis şöbəsində cinayət işi başlanıb, araşdırma aparılır.

Gürcüstan və Türkiyə prezidentləri Bakı-Tiflis-Qars dəmiryolu layihəsinin tezləşdirilməsini müzakirə edib

13.12.15 12:17 |

Gürcüstan prezidenti Georgi Marqvelaşvili Türkmənistana səfəri çərçivəsində türkiyəli həmkarı Rəcəb Tayyip Ərdoğanla görüşüb. APA-nın “Georgia Online”-ya istinadən verdiyi xəbərə görə, Gürcüstan prezidenti administrasiyasının məlumatına əsasən, dövlət başçıları görüşdə ikitərəfli və çoxtərəfli əməkdaşlığın aktual məsələlərini - Bakı-Tiflis-Qars dəmiryolu layihəsinin reallaşdırılmasının tezləşdirilməsi, Şərq-Qərb nəqliyyat dəhlizinin buraxılış qabiliyyətinin artırılması, Xəzər enerji resurlarının daşınmasında yeni imkanlara dair mövzuları müzakirə ediblər.

Gürcüstan prezidenti Azərbaycan, Türkmənistan, Gürcüstan və Türkiyə arasında əməkdaşlığın genişləndirilməsinə dair öz fikirlərini bölüşüb.

Tərəflər həmçinin regional təhlükəsizliyə dair məsələləri müzakirə ediblər.

Türkiyə prezidenti Gürcüstanın ərazi bütövlüyünü bir daha dəstəkləyərək, Rusiyanın Abxaziya və Cənubi Osetiyanın separatçı rejimləri ilə sazişlər imzalamasını pisləyib.

“Türkiyə NATO-nun üzvü və Gürcüstanın tərəfdaşı olaraq, Gürcüstanın Alyansa üzv seçilməsinə dəstək verəcək”, deyə Ərdoğan görüşdə vəd edib.

Şirvanda zəncirvarı qəzada xəsarət alanların adı məlum olub

06.03.17 13:33 |

Şirvanda baş verən zəncirvarı qəzada xəsarət alanların adı məlum olub.

APA-nın Mil-Muğan bürosunun verdiyi məlumata görə, “VAZ-2107”, “Hyundai” və iki “Mercedes” markalı avtomobillərin toqquşması nəticəsində “Hyundai”ın sürücüsü, 1989-cu il təvəllüdlü Eyvazov Zahid Mirqalib oğlu və “Mercedes”lərdən birinin sürücüsü, 1971-ci il təvəllüdlü Cəfərov Vidadi Əli oğlu xəsarət alıb.

Z. Eyvazovun vəziyyəti ağır qiymətləndirilir.

Əli Həsənov Türkiyə baş nazirinin müavinləri ilə görüşüb

25.10.16 23:19 |

Azərbaycan Respublikasının Prezidenti İlham Əliyevin tapşırığı ilə Türkiyədə səfərdə olan Prezidentin ictimai-siyasi məsələlər üzrə köməkçisi Əli Həsənov oktyabrın 25-də bir sıra görüşlər keçirib.

"Report" AZƏRTAC-a istinadən xəbər verir ki, Türkiyə prezidentinin sözçüsü İbrahim Kalın, baş nazirin müavinləri Toğrul Türkeş və Numan Kurtulmuş ilə görüşlərdə Azərbaycan-Türkiyə strateji münasibətlərində yüksələn xətlə xarakterizə olunan inkişafın əhəmiyyəti, mətbuat və informasiya sahəsində əlaqələrin perspektivləri, həmçinin qarşılıqlı maraq doğuran digər məsələlər barədə müzakirələr aparılıb.

Azərbaycanın Türkiyədəki səfiri Faiq Bağırov görüşlərdə iştirak edib.

Başqa məqalələr...