Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2836
	Dünən	3424
	Bu həftə	12764
	Bu ay	79169
	Bu günə qədər	9740534

Bizi Paylaşın

Video Xəbərlər

Təqvim

Dalga TeleviziyasA�

Eyfel qülləsi qaranlığa büründü

15.11.15 21:58 |

Fransada baş verən silsilə terror hadisələrindən sonra paytaxt Parisdəki Eyfel qülləsi qaranlığa bürünüb.

ANS PRESS-in məlumatına görə, azı 129 insanın ölümü ilə nəticələnən hadisələrdən sonra şəhər hakimiyyəti qüllənin işıqlandırılmasını dayandırıb.

Şəhər hakimiyyəti 13 noyabr gecəsi silsilə terror aktlarında həlak olanların xatirəsini yad etmək məqsədilə belə bir addım atıb.

Terror aktlarından sonra Eyfel qülləsinin sosial şəbəkədə paylaşılan şəkli

Bundan başqa, internetdə və sosial şəbəkələrdə "#JeSuisParis" ("Mən Parisəm") və "#PrayForParis" ("Paris üçün dua et") həştəqləri ilə yazılar paylaşılır.

Terror hadisələrindən sarsılan insanlar "mən insanları görürəm, insanlığı deyil" ("I see humans, but no humanity") kimi yazılarla etirazlarını bildirirlər. Bəziləri isə terroru lənətləyən insanlarların küçəyə axışan şəkillərini paylaşırlar.

Sonuncu dəfə Eyfel qülləsi bu ilin yanvarında "Charlie Hebdo" hadisələrindən sonra qaranlığa qərq olmuşdu.

Noyabrın 13-ü Fransanın paytaxtı Parisdə azı 129 insanın ölümü ilə nəticələnən terror hadisələri baş verib. Hadisə metroda və stadionun yaxınlığında 2 partlayış, restorana və konsert zalına silahlı hücum şəklində baş verib.

Parisin 10-cu bölgəsindəki “Le Petit Cambodge” adlı restorana küçədən atəş açılıb. Bu hücumla eyni zamanda Parisin şərqindəki 11-ci bölgədə olan “Bataclan” adlı konsert zalına da atəş açılıb. Futbol üzrə Fransa – Almaniya dostluq qarşılaşmasının keçirildiyi “Stade de France”nin yaxınlığında isə iki ayrı partlayış baş verib.

Fransanın prezidenti Fransua Olland terrorçuların ölkədən qaçmaması və başqa terrorçuların ölkəyə daxil olmaması üçün bütün sərhədlərin bağlandığını bildirib. Fransa prezidenti həmçinin ölkədə fövqəladə vəziyyət elan olunduğunu bəyan edib. İkinci Dünya müharibəsindən sonra Fransada ilk dəfədir fövqəladə vəziyyət elan edilir.

Gürcüstanda etnik azlıqlar üçün yeni təhsil siyasəti hazırlanır

04.12.16 18:33 |

Azərbaycanlılar Gürcüstanda təhsil almaq üçün istədikləri sahəni və ali təhsil müəssisəsini seçə bilərlər.

APA-nın xəbərinə görə, Gürcüstanın keçmiş elm və təhsil naziri, Təhsilin keyfiyyətinin yaxşılaşdırılması üzrə Milli Mərkəzin direktoru Tamar Sanikidze bildirib ki, təhsil sahəsində mövcud olan “4+1” adlı xüsusi proqram azərbaycanlılar da daxil olmaqla, etnik azlıqlara yalnız bir imtahan verməklə ali məktəbə daxil olmağa imkan verir. T. Sanikidzenin sözlərinə görə, qəbuldan sonra onlara bir illik intensiv gürcü dili kursu keçilir: “Hökumətin maliyyələşdirməsi ilə kursun müddəti uzadıla bilər. Bizim artıq ilk məzunlarımız var, onlardan yararlanırıq”.

Keçmiş nazir əlavə edib ki, bütün etnik xalqlar kimi, azərbaycanlıların da öz dillərində təhsil almaq hüquqları var. Mərkəz direktorunun sözlərinə görə, onlar öz dilləri ilə yanaşı, gürcü dilində də təhsil alırlar: “Çünki bu, həm ölkənin marağı, həm də cəmiyyətə inteqrasiya baxımından vacibdir. Hazırda etnik azlıqlar üçün yeni təhsil siyasəti üzərində işləyirik. Məktəblərdən gələn nəticələri dəyərləndirdikdə gördük ki, bu sistemi təkmilləşdirməliyik. Hesab edirik ki, gələcəkdə onlara daha yaxşı sistem təklif edə bilərik”.

Azərbaycanda özünü partlatmaq istəyən terrorçu öldürüldü

04.12.16 18:17 |

alt

Dövlət Təhlükəsizliyi Xidmətinin (DTX) həyata keçirdiyi əməliyyat-axtarış tədbirləri nəticəsində daha bir terrorçu məhv edilib.

DTX-nin İctimai əlaqələr şöbəsindən “Qafqazinfo”ya verilən məlumata görə, 1978-cı il təvəllüdlü, Azərbaycan Respublikasının vətəndaşı, 2007-ci ildə zərərsizləşdirilmiş “Əbu Cəfər” ləqəbli Naif əl-Bədəvinin rəhbərlik etdiyi terrorçu təşkilatın tərkibində fəaliyyət göstərdiyinə görə məhkum olunmuş Cami Emin Əzizağa oğlunun cari ilin əvvəlində azadlığa çıxdıqdan sonra yenidən ölkə hüdudlarından kənarda aparılan silahlı münaqişələrdə iştirak edən qanunsuz silahlı birləşmələrin və beynəlxalq terrorçu təşkilatların nümayəndələrinin tabeçiliyini qəbul edərək əlaqəli fəaliyyət göstərməsinə, habelə Azərbaycan Respublikasının ərazisində odlu silahdan və partlayıcı qurğulardan istifadə etməklə terror-təxribat törədilməsini planlaşdırmasına əsaslı şübhələr müəyyən edilib.

Bununla əlaqədar, 2016-cı il dekabrın 3-də Bakıda Emin Caminin saxlanılması üzrə əməliyyat tədbiri həyata keçirilərkən, sonuncu müqavimət göstərərək üzərində olan “şəhid kəməri”ni partlatmağa cəhd edib, cavab tədbiri olaraq xüsusi əməliyyat qrupu tərəfindən məhv edilib.

Hazırda istintaq-əməliyyat tədbirləri davam etdirilir.

Fransada 3 aylıq fövqəladə vəziyyət elan edilə bilər

15.11.15 21:51 |

Fransada ötən cümə günü elan olunmuş fövqəlada vəziyyəti daha 3 ay uzadıla bilər.

APA-nın xəbərinə görə, bununla bağlı Fransa prezidenti Fransua Olland bu gün ölkə parlamentinin hər iki palatasının sədrləri ilə məsləhətləşmələr aparıb.

Belə ki, Fransa qanunveciliyinə görə, ölkə başçısı öz qərarı ilə fövqəladə vəziyyəti yalnız 12 gün uzada bilər. Uzunmüddətli fövqəladə vəziyyət üçün parlamentin qanun qəbul etməsinə ehtiyac var. Bu gün Fransua Olland parlamentin müvafiq komitələrindən belə həssas vəziyyətlərdə ölkə qanunvericiliyinin fövqəlada vəziyyətlərə dair 1955-ci il qanununa yenidən baxmağa çağırıb.

Parisdə ciddi yoxlamalar aparılır, insanların kütləvi toplaşmasına icazə verilmir

14.11.15 18:54 |

Fövqəladə vəziyyət elan olunmuş Paris şəhərinə gələn elektrik qatarları, sərnişin avtobusları vağzallarda, avtomobillər isə şəhərin girişində polis və hərbçilər tərəfindən ciddi yoxlanılır.

APA-nın Parisdəki müxbirinin verdiyi məlumata görə, Parisdə terror aktından sonra bağlanmış metro stansiyaları yerli vaxtla saat 12:00-da (Bakı vaxtı ilə saat 15:00), terror aktları baş vermiş “Bataklan” teatrı, “Stad de France” stadionu yaxınlığındakı metro stansiyaları isə az əvvəl açılıb.

Ən çox insan tələfatının baş verdiyi “Bataklan” teatrının ətrafı polis tərəfindən əhatəyə alınıb, 150 metr radiusda əraziyə heç kim buraxılmır. Teatr Parisin ən böyük bulvarı olan Volter bulvarı yaxınlığında yerləşir və faktiki olaraq bulvarın yarısı giriş üçün bağlıdır. “Eyfel” qülləsi, Luvr muzeyi, konsert salonları və digər turizm məkanları isə ziyarətçilər üçün qapalıdır. Bu məkanların nə zaman ziyarətçilər üçün açılacağı barədə məlumat verilmir.

Polis Parisdə insanların bir yerdə kütləvi toplaşmasına icazə vermir. Bununla belə insanların 50-100 nəfər olmaqla toplaşaraq terror baş verən bir sıra məkanlarda terror qurbanlarını yad etmək üçün gül dəstələri qoymasına mane olmur. Şəhərə çıxmaq qadağan edilməsə də, insanlara daha çox evlərində qalmaq tövsiyə edilir.

Hazırda Parisdə miqrantlara münasibətdə təhlükəli tendensiya müşahidə olunmur. Şəhərdə insanlar bir-birinə təskinlik verməyə, həmrəylik nümayiş etdirməyə çalışırlar.

İnsanlar bu dəfə də “Charlie Hebdo” jurnalının redaksiyasına yanvar ayında edilən terror hücumundan sonra yığışdıqları Parisin Respublika meydanına axışırlar. Polis insanları dağılışmağa çağırsa da, axın davam edir. İnsanlar heykəlin altında şamlar yandırır, gül dəstələri qoyurlar.

Terror aktları ilə bağlı mətbuatda ciddi senzura da müşahidə edilir. KİV-lər yalnız polis orqanları tərəfindən verilən rəsmi məlumatları dərc edir, efirə verir. Məqsəd şayiələrin qarşısını almaqdır.

Kateqoriya: Dünya / Dünya

Başqa məqalələr...