Dünən axşam saatlarında Parisdə 3 terror aktı törədilib. Şəhərin şimal bölgəsində restoranlardan birində atışma olub.

Daha sonra “Stad de France” stadionu yaxınlığında Fransa prezidenti, ölkənin xarici işlər naziri və Almaniya XİN rəhbərinin də izlədikləri Fransa-Almaniya futbol qarşılaşması zamanı bir neçə partlayış törədilib.

Eyni zamanda, Parisin 11-ci dairəsində yerləşən “Bataklan” teatrında ABŞ rok-qrupunun konserti zamanı yüzlərlə insan girov götürülüb.

Törədilən terror aktları nəticəsində 153 nəfər ölüb, azı 200 nəfər yaralanıb.

CNN-nin verdiyi xəbərə görə, onlardan 112-si “Bataklan” teatrının konsert zalında ölüb.

APA.az

***
10:29

Fransada 153-dən çox insanın ölməsi ilə nəticələnən terror aktlarını İŞİD terror qruplaşması törədib.

AzNews.az xarici KİV-lərə istinadən xəbər verir ki, Bu barədə məlumat İŞİD saytında yerləşdirib. Təşkilat Fransa və ətraf ərazilərdə baş verən terror aktlarına görə məsuliyyəti öz üzərinə götürüb. Terrorçular bunu “Fransa üçün 11 sentyabr” adlandırıblar.

Hadisə şahidlərin sözlərinə görə, terrorçular insanlara atəş açarkən “Allahu Əkbər” (“Allah böyükdür”) deyə qışqırıblar.

Kürd peşmərgələri ötən gün İraq-Şam İslam Dövləti (İŞİD) qruplaşmasına qarşı başlatdıqları irimiqyaslı hücum əməliyyatları zamanı önəmli uğurlar qazanıblar.

Modern.az xarici KİV-ə istinadən xəbər verir ki, bu gün səhər saatlarında kürd qoşunları Şimali İraqın Neynava vilayətinin inzibati mərkəzi olan Sincar şəhərini azad ediblər. Bundan başqa, onlar şəhərin iki tərəfindən də keçən starteji yolu bağlayaraq İŞİD-in nəzarət etdiyi 2 böyük şəhər - Rakka və Mosul arasındakı kommunikasiya xətlərini kəsiblər.

Əməliyyatda iştirak edən 7,5 mindən artıq kürd peşmərgə qüvvlərinə ABŞ-ın başçılıq etdiyi beynəlxalq koalisiya havadan dəstək göstərir.

Sincar şəhəri yezdi kürdlərinin müqəddəs şəhəri sayılır. 2014-cü ilin avqusutunda Sincarı və ətraf bölgələri ələ keçirən İŞİD minlərə yezidi kürdünün ölümünə və 400 min nəfərin qaçqın düşməsinə səbəb olmuşdu.