"İştirakçılar Odessa Bəyannaməsinin layihələrini təsdiqləyiblər".

GUAM-ın Kiyevdəki Baş Katibliyində Moldovanın sədrliyi ilə nəqliyyat üzrə işçi qrupun 11-ci iclası keçirilib.

"Dalga TV" AzərTAc-a istinadən xəbər verir ki, tərəflər Azərbaycan, Gürcüstan və Qazaxıstan şirkətləri tərəfindən Transxəzər beynəlxalq nəqliyyat marşrutunun və onun koordinasiya komitəsinin yaradılması ilə əlaqədar GUAM nəqliyyat dəhlizinin yeni imkanlarına dair fikir mübadiləsi aparıblar.

İştirakçılar "GUAM-Tranzit-2" xüsusi konfransının nəticələri ilə bağlı məsələləri müzakirə ediblər və onların tezliklə həyata keçirilməsinin vacibliyini diqqətə çatdırıblar.

Tərəflər həmçinin GUAM-a üzv dövlətlərin nəqliyyat nazirlərinin iştirakı ilə işçi qrupunun 31 may 2016-cı ildə keçiriləcək növbəti iclasına hazırlıq məsələlərini də müzakirə ediblər.

İclas iştirakçıları əsasən GUAM üzv ölkələrin nazirlərinin Odessa Bəyannaməsi layihələrini və GUAM nəqiyyat dəhlizi ilə yüklərin artırılması barədə fəaliyyət planını müzakirə edərək qəbul ediblər.