Çərşənbə axşamı Kiyev və Tbilisiyə vizanın ləğv edilməsini elan edəcəklər.

Avropa Komissiyası çərşənbə axşamı Ukrayna və Gürcüstan üçün viza rejiminin ləğv olunmasına dair müsbət cavab verəcək.

Bu barədə Avropanın qonşuluq siyasəti və genişləndirməyə dair danışıqlar üzrə Avropa komissarı Yohannes Han Avropa İttifaqı Şurasının bazar ertəsi Brüsseldə xarici işlər üzrə iclasından öncə bildirib, Oxu.Az Ukrinform-a istinadən xəbər verir.

"Bu həftə biz viza liberallaşdırılmasına dair pozitiv hesabatlar və tövsiyələr almışıq", - siyasətçi Avropa Komissiyasının Ukrayna və Gürcüstan tərəfindən viza liberallaşmasına dair planının yerinə yetirilməsində inkişafa dair hesabatlar haqqında deyib.

Öz növbəsində, Litvanın xarici işlər naziri Linas Liyaviçus ukraynalılar və gürcülər üçün vizanın ləğv edilməsinə dair pozitiv perspektivlərə dair öz fikrini bildirib.

O qeyd edib ki, ölkələr vizasız dialoq məsələsində inkişafa nail olublar.

Litva naziri daha öncə də qeyd edib ki, Aİ-nın Rusiyaya qarşı sanksiyaların müddətinin uzadılması barədə qərar konsensus tərəfindən qəbul ediləcək.