Türkiyənin İğdır vilayətində 13 polisin şəhid olması ilə nəticələnən terror aktı ilə bağlı 2 nəfər həbs edilib.

"Dalğa TV"-nin “Anadolu” agentliyinə istinadən verdiyi məlumata görə, həbs olunan şəxslər 39 və 49 yaşlı kişilərdir.

Onlardan birinin kənd muxtarı (icra nümayəndəsi) olduğu bildirilir. Həbs olunanlara qarşı “terror təşkilatına yardım" ittihamı irəli sürülüb.

Xatırladaq ki, sentyabrın 8-də Türkiyənin İğdır vilayətində, Azərbaycanın Naxçıvan Muxtar Respublikası ilə sərhəddə yerləşən Dilucu gömrük-keçid məntəqəsində çalışan polislər PKK terrorçularının hücumuna məruz qalıb.

Macarıstan hökuməti qonşu Serbiyadan sığınacaq almayan miqrantları ölkəyə buraxmayacaq.

"Dalğa TV" Reuters agentliyinə istinadən verdiyi məlumata görə, bu barədə Macarıstan hökumətinin nümayəndəsi Zoltan Kovaç bildirib.

“Bu, beynəlxalq hüquqda təsbit olunan qaydadır və biz birmənalı şəkildə yalnız qaçqın statusuna malik şəxsləri ölkəyə buraxacayıq”, deyə Z.Kovaç bildirib.

Qeyd edək ki, bundan əvvəl Serbiya hökuməti Macarıstanın qəbul etmədiyi qaçqınları öz ərazisinə buraxmayacağını bildirib. “Biz Macarıstana keçən insanların hamısını geri buraxmayacağıq. Lüzum olsa, bu məqsədlə ordudan istifadə edəcəyik. Bu bizim mövqeyimizdir, buna hamı agah olmalıdır”, deyə Serbiyanın əmək və sosial siyasət nazirinin müavini Nenad İvanişeviç bildirib.

Onun sözlərinə görə, Macarıstan qəbul etmədiyi miqrantları Yunanıstana qaytarmalıdır. “Çünki Yünanıstan qaçqınların daxil olduqları ilk Avropa İttifaqı ölkəsidir”, Serbiya rəsmisi əlavə edib.