Suriyada məhv edilən İraq-Şam İslam Dövləti (İŞİD) terror qruplaşmasının yaraqlıları Britaniya kraliçası II Yelizavetaya sui-qəsd planlaşdırıblar. 

"Dalğa TV"-nin xarici KİV-ə istinadən verdiyi xəbərə görə, terrorçular bu il Böyük Britaniyada 6 terror cihadı həyata keçirməyi planlaşdırıblar.

Məlumatda qeyd edilir ki, İŞİD tərəfində vuruşan Britaniyadan olan Cunayd Hüseyn və Reyyad Xan Britaniyanın pilotsuz təyyarəsi tərəfindən avqustun 21-də Suriyanın Rakka şəhərində məhv ediliblər. İddia edilir ki, məhz onlar kraliça  II Yelizavetanı öldürməyi planlaşdırıblar.

Niyyətlərini həyata keçirmək üçün yaraqlılar İkinci Dünya Müharibəsinin başa çatmasının 70 illiyi ilə bağlı Londonda keçirilən tədbir zamanı güclü təsir imkanına malik bomba partlatmağa hazırlaşıblarmış. Həmin tədbirdə kraliça ilə yanaşı, kral ailəsinin digər yüksək vəzifəliləri də iştirak ediblər.

"Vanadzor Kimya sənaye" zavodunun işçiləri Ermənistanın Lori vilayətinin administrasiyası qarşısında etiraz aksiyası keçirib.

Bu haqda Ermənistan KİV-i məlumat yayıb.

Aksiya bu gün keçirilib. İşçilər 9-10 aydır ödənilməyən əmək haqlarının verilməsini tələb ediblər. Lori vilayətinin qubernatoru Artur Nalbandyan etirazçılarla görüşərək onlara yardım edə bilməyəcəyini söyləyib. Qubernatorun cavabından sonra aksiya iştirakçıları beynəlxalq əhəmiyyətli Vanadzor-Alaverdi avtomobil yolunu kəsiblər. Polis onlara mane olmağa çalışıb. 

Qeyd edək ki, zavod işçiləri bir ay öncə eyni tələblərlə etiraz aksiyası keçirmişdi.