Türkiyə Cümhuriyyətinin 63-cü hökumətinin tərkibi elan edilib.

APA-nın məlumatına görə, Axşam saatlarında prezident Ərdoğana hökumətin siyahısını təqdim edən baş nazir Əhməd Davudoğlu, siyahının prezident tərəfindən təsdiq edilməsindən sonra Çankaya iqamətgahında yeni nazirlər şurasının tərkibini açıqlayıb.

63-cü hökumətdə aşağıdakı şəxslərə nazir kreslosu verilib:
Baş nazir- Əhməd Davudoğlu
Baş nazirin müavini- Numan Kurtulmuş
Baş nazirin müavini- Tuğrul Türkeş
Baş nazirin müavini- Cevdet Yılmaz
Baş nazirin müavini- Yalçın Akdoğan
Daxili işlər naziri – Səlami Altınok
Xarici işlər naziri- Firidun Sinirlioğlu
Elm və sənaye naziri- Fikri Işık
İnkişaf naziri –Müslim Doğan
İqtisadiyyat naziri- Nihat Zeybəkçi
Ətraf mühit və şəhərçilik naziri- İdris Güllücə
Gənclik və idman naziri- Akif Çağatay Kılıç
Meşəçilik və su işləri naziri- Veysəl Əroğlu
Milli təhsil naziri- Nabi Avcı
AB naziri- Ali Haydar Konca
Nəqliyyat, dənizçilik, kommunikasiya naziri - Firidun Bilgin
Ədliyyə naziri-Kənan İpək
Maliyyə naziri-Məhmət Şimşək
Səhiyyə naziri- Məhmət Müəzzinoğlu
Gömrük və ticarət naziri- Cənab Aşçı
Mədəniyyət və turizm naziri- Yalçın Topçu
Enerji naziri- Əli Rza Alaboyun
Milli müdafiə naziri- Vəcdi Könül
Ailə və sosial siyasətlər naziri- Ayşən Gürcan
Əmək və sosial təminat naziri- Əhməd Ərdəm
Ərzaq, kənd təsəsrrüfatı və heyvandarlıq naziri- Kutbəddin Arzu

Qeyd edək ki, Türkitə Cümhuriyyəti tarixində ilk dəfə seçki hökuməti qurulub. Hökumətin əsas vəzifəsi ölkəni 1 noyabrda keçiriləcək erkən seçkiyə qədər idarə etməkdir. Yeni hökumətdə uzun müddətdən bəri XİN icra aparatının rəhbəri vəzifəsində olan Firidun Sinirlioğlunun xarici işlər naziri vəzifəsinə təyin edilməsi diqqəti cəlb edib. İstanbul baş polis idarəsinin rəisi Səlami Altınokun daxili işlər naziri vəzifəsinə gətirilməsi də hökumətin məqsədlərinə uyğun bir təyinat kimi qiymətləndirilib. Yaxın günlərə qədər Milliyyətçi Hərəkat Partiyasının sədr müavini olan Tuğrul Türkeş baş nazirin müavini vəzifəsinə, Böyük Birlik Partiyasının sədri Möhsün Yazıçıoğlunun 27 mart 2009-cu ildə helikopter qəzasında həlak olmasından sonra bir müddət partiyaya rəhbərlik edərək daha sonra AKP-yə keçən və 7 iyundakı seçkidə millət vəkili seçilən Yalçın Topçu mədəniyyət və turizm naziri vəzifəsinə gətirilib. Konstitusiyanın tələbinə görə, seçki hökumətinə məclisdə təmsil edilmiş bütün partiyalardan nazir təyin edilməlidir.

Cümhuriyyət Xalq Partiyası (CHP) və Milliyyətçi Hərəkat Partiyası (MHP) seçki hökumətinə nazir vermədiyinə görə, o partiyalara hökumətdə kreslo verilməyib. Kürd təmayüllü Halkların Demokrasi Partiyasını (HDP) isə hökumətdə 2 nazir təmsil edəcək: Avropa Birliyi naziri Əli Heydər Qönçə və İnkişaf naziri Müslüm Doğan. 60 və 61-ci hökumətlərdə milli müdafiə naziri vəzifəsi tutmuş, ancaq 7 iyunda millət vəkilliyinə namizəd olmamış Vəcdi Könül 63-cü hökumətdə yenidən milli müdafiə naziri vəzifəsinə təyin edilib.
Türkiyədə son hökumət 28 avqust 2014-cü ildə Əhməd Davudoğlu tərəfindən qurulmuşdu.

Türkiyədə 62-ci hökumətin tərkibi məlum olub.

APA-nın məlumatına görə, avqustun 28-də gecə prezident Rəcəb Tayyip Ərdoğan tərəfindən Türkiyə Cümhuriyyətinin 62-ci hökumətini formalaşdırmaq səlahiyyəti verilən baş nazir əvəzi Əhməd Davudoğlu özünün qurduğu yeni hökumətin tərkibini açıqlayıb.

Prezident Ərdoğanla qısa görüşdən sonra Ə.Davudoğlu baş nazirin icra aparatının binasına gedərək, yeni hökuməti elan edib.

Yeni hökumətdə bu şəxslər təmsil edilir:

Baş nazir - Əhməd Davudoğlu

Baş nazirin müavini - Əli Babacan

Baş nazirin müavini - Numan Kurtulmuş

Baş nazirin müavini - Bülənt Arınç

Baş nazirin müavini - Yalçın Akdoğan

Xarici işlər naziri - Mevlut Çavuşoğlu

Ədliyyə naziri - Bəkir Bozdağ

Daxili işlər naziri - Əfkan Ala

Ailə və sosial siyasətlər naziri - Ayşənur İslam

Avropa Birliyi naziri - Volkan Bozkır

Elm, sənaye və texnologiya naziri - Fikri Işık

Əmək və sosial təminat naziri - Faruk Çəlik

Ətraf mühit və şəhərsalma naziri - İdris Güllücə

İqtisadiyyat naziri - Nihat Zeybəkçi

Enerji və təbii ehtiyatlar naziri - Taner Yıldız

Kənd təsərrüfatı, ərzaq və heyvandarlıq naziri - Mehdi Əkər

Gənclik və idman naziri - Akif Kılıç

Gömrük və ticarət naziri - Nurəttin Canikli

İnkişaf naziri - Cevdət Yılmaz

Mədəniyyət və turizm naziri - Ömər Çəlik

Maliyyə naziri - Mehmet Şimşək

Milli təhsil naziri – Nəbi Avcı

Milli müdafiə naziri - İsmət Yılmaz

Meşə və su işləri naziri - Veysəl Əroğlu

Səhiyyə naziri - Mehmet Müəzzinoğlu

Nəqliyyat, dənizçilik və kommunikasiya naziri - Lütfi Əlvan.

Türkiyə Cümhuriyyətinin 62-ci Davudoğlu hökumətində 61-ci Ərdoğan hökuməti ilə müqayisədə sadəcə 4 dəyişiklik olub. Belə ki, xarici işlər naziri vəzifəsinə Ərdoğan hökumətində Avropa Birliyi naziri vəzifəsini tutan Mövlud Çavuşoğlu gətirilib. AB naziri vəzifəsinə Türkiyə Böyük Millət Məclisinin Beynəlxalq əlaqələr komissiyasının sədri Volkan Bozkır təyin edilib. Ərdoğanın siyasi işlərə cavabdeh baş müşaviri olan Ankara millət vəkili Yalçın Akdoğan baş nazirin müavini vəzifəsinə təyin edilən başqa bir isimdir. Baş nazirin müavini Əmrullah İşlərin yerinə millət vəkili olmayan Numan Kurtulmuş gətirilib.

Baş nazir Əhməd Davudoğlunun qurduğu 62-ci hökumətin proqramı sentyabrın 1-də Türkiyə Böyük Millət Məclisində oxunacaq. Hökumətə etimad səsverməsinin 6 və ya 8 sentyabrda keçirilməsi gözlənilir.