Xarici ölkələrə səfər edən ərəb milyarderləri bu əməli ilə dünyanın diqqətini cəlb ediblər. 
ANS PRESS-in məlumatına görə, ərəb milyarderləri səfər etdikləri ölkələrə lüks avtomobillərini də təyyarələr vasitəsilə aparırlar.
Bunun üçün milyarderlər avtomobillərini daşıyan təyyarənin məxsus olduğu şirkətə 24.959.828 avro (təxminən 26 milyon AZN) ödəyirlər.
Sözugedən ərəblərin özləri xaricə apardığı maşınlar isə Lamborgini, Ferrari, Mercedes və McLaren markalı avtomobillərdir.

Azərbaycanın Argentinadakı səfirinin "Clarin" qəzetinə ünvanladığı məktublar ermənipərəst jurnalistin və erməni icmasının qəzəbinə səbəb olub.

Azərbaycan Xarici İşlər Nazirliyinin mətbuat xidmətindən Modern.az-a verilən məlumata görə, Argentinanın "Clarin" qəzetinin beynəlxalq siyasət bölməsinin redaktoru, Azərbaycanın Ermənistan tərəfindən işğal olunmuş ərazilərinə növbəti dəfə qanunsuz səfər etmiş qatı ermənipərəst mövqeyi ilə tanınan Marselo Kantelminin 25 aprel tarixində həmin qəzetdə "Dağlıq Qarabağa, heç kimin tanımadığı ölkəyə səfər" adlı məqaləsi dərc olunub.
Buna cavab olaraq, Azərbaycanın Argentinadakı səfiri Məmməd Əhmədzadənin "Clarin" qəzetinə ünvanladığı məktubu bəzi hissələr çıxarılaraq qəzetin 8 may tarixli buraxılışında dərc olunub.

Məktubunda azərbaycanlı diplomat bildirib ki, "Clarin" qəzetində Ermənistan-Azərbaycan münaqişəsinin tarixi, siyasi, hüquqi aspektləri barədə, eləcə də Azərbaycan hökumətinin icazəsi olmadan Azərbaycanın işğal olunmuş ərazilərinə səfərin qeyri-qanuni olması barədə dəfələrlə yazılarının dərc olunmasına baxmayaraq, M.Kantelmi həmin ərazilərə növbəti dəfə qanunsuz səfər edərək, Azərbaycan qanunlarını və beynəlxalq hüququ pozub. Diplomat vurğulayıb ki, M.Kantelminin öz məqaləsində Ermənistanın müharibədə geniş şəkildə iştirakı, bölgədə bu gün azərbaycanlıların qalmaması, Şuşada iki minarəsi dağıdılmış məscidin xarabalıqların içində qalması və Dağlıq Qarabağa hər şeyin Ermənistan tərəfindən tədarük olunması kimi faktları etiraf etməsi birmənalı şəkildə sübut edir ki, Ermənistan Azərbaycana qarşı hərbi təcavüz, azərbaycanlılara qarşı etnik təmizləmə, bu ərazilərdə Azərbaycanın mədəni-tarixi irsinin məhv edilməsi siyasətini həyata keçirib və qondarma “Dağlıq Qarabağ respublikası” Ermənistanın öz təcavüzünü ört-basdır etmək üçün yaratdığı oyuncaq rejimdir.

Məmməd Əhmədzadə bildirib ki, müəllif tərəfindən müharibədən əvvəl bölgədə azərbaycanlılarla ermənilərin sülh içində yaşaması faktının da qeyd edilməsi göstərir ki, ermənilərin məlum iddialar irəli sürmələri üçün heç bir tutarlı əsası olmayıb və Dağlıq Qarabağın və Azərbaycanın digər ərazilərinin işğalı Ermənistanın öz qonşularının ərazisi hesabına “böyük Ermənistan” xülyasını həyata keçrimək planının tərkib hissəsidir.

Azərbaycan səfirinin dərc olunmuş məktubunun sonunda M.Kantelminin cavab qeydləri də yer alıb və bununla, jurnalist özünün Azərbaycanın işğal olunmuş ərazilərinə qeyri-qanuni girişi ilə bağlı əməlinə məntiqsiz formada haqq qazandırmağa cəhd göstərib. Buna cavab olaraq Azərbaycan səfiri dərhal "Clarin" qəzetinə növbəti məktub ünvanlayıb və məsələ ilə bağlı səfrilik tərəfindən mətbuata açıqlama verilib.

Bunun ardınca Argentina erməni icmasının radikal mövqeyi ilə seçilən "Prensa Armenia" mətbuat agentliyi də öz tərəfindən açıqlama dərc edərək M.Kantelminin müdafiəsinə qalxıb, Azərbaycan səfirinin məktublarına cavab olaraq Azərbaycan hökumətinin argentinalı jurnalistləri təqib etdiyini bildirib, bu yaxınlarda "Telam", "Tiempo Argentino", "Pefil" kimi Argentina KİV-lərinin nümayəndələrinin Azərbaycanın işğal olunmuş ərazilərinə qanunsuz səfərindən sonra Azərbaycanın Argentinadakı səfirliyinin gördüyü müvafiq tədbirlərə qarşı etirazını bildirib.