Kiyevdə antikorrupsiya mübarizəsiylə bağlı keçirilən beynəlxalq konfransda çıxış etmiş Odessa bölgəsinin qubernatoru, Gürcüstanın sabiq prezidenti Mixeil Saakaşvili Ukrayna islahatçalarının korrupsiyayla mübarizədə tətbiq etdikləri olduqca dəqiq formulaları açıqlayıb. Həmin nitqdən olan 15 tezisi təqdim edirik.

1. Yeni insanlar yığmaq lazımdır. Duzlu xiyar çəlləyinə təzə xiyar atıb, gözləmək olmaz ki, bütün çəlləkdəki xiyarlar təzə olacaq.

2. Bizim çox sayda vicdanlı nazirimiz var. Amma hökümətimiz yoxdur. Ayrı-ayrılıqda nazirlərimizin iradəsi var, lakin hökümətin iradəsi yoxdur. Daha doğrusu, var, amma tamamilə korrupsiyaya bulaşıb və bu da Ukraynanı məhv edir.

3. Əgər Ukraynada hökümətin özü oğurluq etməmək iradəsinə sahib olsaydı və nazirin ilk iş ilində onun dostları milyarder olmasaydılar, hər şey çox asan olardı.

4. Mən müntəzəm olaraq Milli Məclisin islahatlarında iştirak edirəm, orada tez-tez hökümətin qanunlarının dəyişdirilməsi haqqında müzakirələr gedir. Mən səkkiz görüşdə bunu beş dəfə eşitmişəm! Bəli, onları oraya kilidləmək olar və onlar qanunları dəyişdirə bilərlər, hətta bunu parlamentsiz də eləmək olar! Sadəcə axmaq-axmaq danışırlar.

5. Tamamilə korrupsiyaya bulaşmış məhkəmə sistemi şəraitində prokurorluqsuz heç nə etmək olmaz. 90-cı illərdə mən Gürcüstanın məhkəmə-hüquq sisteminin islahatlarıyla məşğul olmuşam. Eduard Şeverdnadze dedi: görünür bunlar islahat-islahat oynamaq istəyirlər, gəl bu balaca uşaqlara sümük ataq. (müxalifətə) Onlara məhkəmə sistemini verək, onsuz da o heç kimə lazım deyil, çünki hər şey polis və prokurorluq səviyyəsində həll olunur. Biz qlobal müsabiqə keçirdik, Ümumdünya bank dünyanın ən yaxşı islahatları kimi bizim islahatları qəbul etdi. Mənim 26 yaşım var idi, məni bütün dünyaya gürcü təcrübəsi haqqında danışmağa aparırdılar. Lakin islahatlar tamamilə xilafa uğradı.

Biz bütün hakimləri dəyişdik, yaxşı maaşla təmin etdik, yeni binalar tikdik, lakin nə oldu? Prokurorluq dəyişmədi, polislər dəyişmədi və bir neçə aylıq maaşları dayandırmaq bəs idi ki, 6 aydan sonra islahat xilafa uğrasın, çünki hakimlər ya satqın çıxır, ya da qaçırdılar.

Qızılgül inqilabından sonra məhkəmə sistemi dəyişə bilmədiyimiz yeganə sistem idi, çünki o tamamilə etibarsız hala gəlmişdi. Birinci dəfə xilafa uğrayandan sonra, ikinci şans verilmədi. Ukrayna cəmiyyətini də bu gözləyir – qlobal dəyişikliklər. Əgər 4-5 ay ərzində hər şey dəyişməsə, ikinci şansı heç kim verməyəcək.

6. Mən dörd gecə yeni polislərlə xidmət etmişəm. Çox maraqlı şeylər öyrəndim. Məsələn, polis xidmətində (Odessada) çox sayda kiyevli xidmət edir və bu kiyevlilərin öz evi yoxdur – onlar 6-7 insanla bir otaqda yaşayırlar. Bu polis nə qədər dözə bilər? Onların arxa ofisləri faciəvi vəziyyətdədir.

7. Odessada yeganə etdiyimiz şey hava limanı tikməkdir. Daha doğrusu biz yox, sərmayəçi tikir, çünki dövlətin pulu yoxdur. Sərmayəçinin hansı yollarla ora daxil olması isə başqa sualdır, yəqin ki, həmişə kimi orada çoxlu hiyləgərliklər olub.

Dövlət Hava nəqliyyatı Nazirliyindən İqor Kolomoyskiy "Borispol" hava limanına nəzarət edirdi və o, Odessada Kiyevdəkindən daha böyük olan mərkəzin tikilməsini istəmirdi. Asiya və Amerikaya uçuş üçün bizim çox böyük imkanlarımız var, nəhayət tikintiyə başladılar – və nə baş verdi? Prokurorluq hava limanının tikintisinin dayandırılması üçün göstəriş verdi. Yeganə tikintini! Sanki bütün suallara cavab tapmışdılar, yalnız hava limanının tikintisini dayandırmaq lazım idi.

8. Odessa gömrüyündə biz hər hansı bir yükü dayandırmaq barədə Kiyevdən gələn sənədləri qəbul etmirik. Mən açıq şəkildə bu sənədləri havaya atmışam: hamınız cəhənnəm olun, biz heç nəyi dayandırmaq fikrində deyilik!
İndi böyük kampaniya hazırlanır – Odessa gömrüyündə cinayətlərin sayı azalıb. Əlbəttə, azalmalıdır! Mən 5 gömrük işçisindən maaşları barədə soruşduqda, onlardan 4-ü bir-birindən radikal fərqlənən rəqəmlər səsləndirdilər. Beşincisi isə dedi ki, o məzuniyyətdə olub, ona görə də yadında deyil.

9. Mənə Odessa- Reni avtomobil yolu üçün o qədər pul verdilər ki, biz bu pulu Gürcüstanda bir kəndə sərf edirdik – 4,5 milyon Avro 9 milyon Avroya qarşı. Odessa-Reni isə Ukraynanın iki strateji yolundan biridir.

10. Belə hesab edilir ki, Dövlət Memar-Tikinti Müfəttişliyinin (DMTM) səlahiyyətlərinin yerli orqanlara verilməsi rüşvətxorluqla mübarizə yolunda atılmış böyük addımdır. Nə gözəl! Odessa Meriyasında oturan səlahiyyətli şəxs də əllərini bir-birinə sürtərək, ona tikinti üçün nə vaxt icazə almağa gələcəyinizi gözləyir. Onlarmı korrupsiyayla mübarizə aparacaqlar? DMTM-in səlahiyyətli bunların əlinə keçdiyi halda, rüşvətxorluğun səviyyəsi 10 dəfə artacaq!

11. Hər şeyi radikal olaraq dəyişməliyik. Bizdə inqilab baş verib. Ondan sonra ölkənin idarəetməsində inqilabi dəyişikliklər baş verməlidir. Ya bunu hökümət edəcək, ya da Ukrayna xalqı. Bunu təsir dairələrini bölüşdürənlər nə qədər istəsələr də, üçüncü variant mövcud deyil. Xalq neçə dəfə gəlməli və öz mövcudluğunu xatırlatmalıdır? Hər dəfə bu xatırlaşma daha da sərtləşəcək. Üçüncü dəfə artıq bu çox sərt olacaq.

12. Nahaq yerə hamı düşünür ki, hər şey yerli seçkilərin keçirilməsiylə sovuşub – heç nə sovuşmayıb. İnsanlar hər gün daha qəzəblidirlər və bu qəzəblərində də haqlıdırlar. Axı onlar görürlər ki, əslində heç nə dəyişməyib. Satınalma sistemi dəyişib, bir neçə ləyaqətli nazir var, sonra..? İnsanlar üçün nə dəyişib? Məsələn, qaraj tikmək çətin məsələydi. Məgər indi asandır ki? Mən hər hansı böyük sirrin üstünü açmıram. Bunları hər kəs bilir.

13. Hökümət aparatının artıq korrupsiyadan gələn gəlirləri yoxdur. Bizim avtoparkımız o qədər dağılıb ki, orada hərəkət etmək mümkün deyil. Əməlli başlı benzini bizim üçün tökürlər. Prestij yoxdur, çünki hamı danlayır. Bununla belə Kiyevdə hər şeyi 10, 20 və ya 100 nəfər özünə götürür. Yanukoviçin vaxtında onların maaşı var idi, üstəlik əlavə pul da verilirdi ki, aralarında müəyyən qaydalara uyğun bölüşdürsünlər. İndiysə hər ikisindən olublar.

14. Fiziki zorakılıqla bağlı təhdidlərin hamısı boş söhbətdir. Gürcüstanda qat-qat güclü mafiya var idi. Hökümət iradəsini göstərdiyində, onların hamısı dağılışır. Oliqarxlardan biri mənə sözaltı bildirəndə ki, məni nəsə təhlükə gözləyir, mən onun üzünə güldüm. Dedim ki, qoy başqalarını qorxutsunlar. Mən bu cür şeylərdən qorxmuram. Mən xalqın reaksiyasından qorxuram, çox tez baş verən reaksiyadan. Əsl təhdid öldürülmə, döyülmə və sair deyil, məhz budur.

15. Bizim iki yolumuz var – ya biz tezliklə hər şeyi yaxşılaşdıracağıq, ya da hər şey tezliklə pisləşəcək, sonra yenidən yaxşılaşacaq. Lakin artıq bizim iştirakımız olmadan.

© 2015, pahoo.az

"Onlar ekskovatorun köməyi ilə telefon kabelini yerin altından çıxarıblar".

Moskvada 12 nəfər - Özbəkistan, Moldova və Azərbaycan vətəndaşları 800 metr uzunluğunda bahalı kabeli oğurlayaraq Moskvanın bir mikrorayonunu rabitəsiz qoyublar.

Oxu.Az xəbər verir ki, bu barədə "İnterfaks"a paytaxtn polis idarəsinin mətbuat xidmətinin rəhbəri Andrey Qaliakberov bildirib.

"Paytaxtın Şimali-qərb dairəsi üzrə Daxili işlər idarəsinin əməkdaşları paytaxtda telefon kabellərinin silsilə oğurluğunda şübhəli bilinən 12 nəfərə - Özbəkistan, Moldova və Azərbaycan vətəndaşlarına qarşı Rusiya Federasiyası Cinayət Məcəlləsinin 158-ci maddəsi (böyük həcmdə oğurluq) üzrə cinayət işi açıblar.

Əcnəbilər ekskovatorun köməkliyi ilə yerin altından mis kabeli çıxardarkən, iş başında yaxalanıblar. Onlar çıxardıqları kabelləri doğrayaraq "Qazel" markalı maşına yükləyiblər", - Qaliakberov bildirib.

Onun sözlərinə görə, 800 metr uzunluğunda bahalı kabel demontaj edilib. Hazırda dəyən ziyanın məbləği hesablanır.

"Nəticədə on minlərlə vətəndaşın yaşadığı, müxtəlif təşkilat və müəssisələrin, məktəb, xəstəxana, uşaq bağçalarının yerləşdiyi paytaxt mikrorayonlarından birinin əhalisini telefon rabitəsindən məhrum ediblər.

Əməliyyatçıların versiyasına görə, cinayətkar qrup bir neçə ay müddətində sənaye miqyasında əlvan metal hasilatı ilə məşğul olub", - mətbuat xidmətinin rəhbəri qeyd edib.

Bakıda "general" ləqəbli dələduz axtarışa verilib.

Suraxanı rayon Polis İdarəsindən verilən məlumata görə, 1954-cü il təvəllüdlü Manaf Bala oğlu Nadirov Cinayət Məcəlləsinin 178.2.4-cü (dələduzluq - xeyli miqdarda ziyan vurmaqla törədildikdə) maddəsi ilə təqsirləndirilir. O xeyli sayda vətəndaşın etimadını qazanaraq 100 min manatdan artıq mənimsəməyə yol verib.

Polisdən həmçinin bildirilib ki, M. Nadirov Bakıda "general" ləqəbi ilə tanınır.

Hazırda onn tutulması istiqamətində əməliyyat-axtarış tədbirləri davam etdirilir.

Deputat yol qaydalarını pozub.

Bakıda yol polisi millət vəkilini maşından salıb.

"Dalğa TV" criminal.az-a istinadən xəbər verir ki, maraqlı olay iki gün əvvəl şəhərin mərkəzində, İstiqlaliyyət küçəsində baş verib.

Yol polisi qaydanı pozduğuna görə millət vəkili Rəfael Hüseynovun olduğu Prado markalı avtomobili saxlayıb, millət vəkilinin xahişinə baxmayaraq onu cərimələyib.

Hadisə yerinə FHN əməkdaşları cəlb olunub.

Rabitə və Yüksək Texnologiyalar Nazirliyinin (RYTN) mətbuat xidməti "Delta-Telekom" MMM Data Mərkəzində baş verən yanğın hadisəsi ilə bağlı rəsmi məlumat yayıb.

"Dalğa TV" ə daxil olan məlumatda bildirilib ki, 16 noyabr 2015-ci il tarixində saat 16.00 radələrində Azərbaycan Respublikasının qlobal internet şəbəkəsinə əlaqəsini təmin edən milli operator - "Delta-Telekom" MMM Data Mərkəzinin əsas kabellərinin birində tüstülənmə baş verib:

"Hadisəyə dərhal reaksiya verilərək qarşısının alınması üçün təxirəsalınmaz tədbirlər görülüb, Fövqəladə Hallar Nazirliyinin yanğınsöndürmə xidməti də cəlb edilib. Hadisə zamanı açıq yanğın halları baş verməyib, kabellərin əriməsi nəticəsində yaranan tüstü avadanlıqlarda qismən nasazlıq yaradıb.

Bununla əlaqədar sistemin ümumi işi dayandırılıb və nəticədə ölkədə internet əlaqəsində kəsinti yaranıb. Hadisə zamanı ölkəmizin tranzit marşrutu üzrə fəaliyyətdə heç bir dayanma baş verməyib və normal xidmət göstərilməsi təmin olunub.

Həmçinin digər operatorların alternativ kanalları üzrə ölkədə internet əlaqəsi mövcud olub və bu imkanlardan rabitənin təşkili üçün istifadə edilib.

Rabitə və Yüksək Texnologiyalar Nazirliyinin, aidiyyəti digər dövlət orqanlarının nümayəndələri hadisə yerində olub.

Hadisə yerində tüstülənmənin baş verməsi və onun təxirəsalınmaz işlərinin dərhal başlamasına maneələrin yaratması səbəbindən internet əlaqəsinin bərpası vaxt tələb edib, gərgin və fədakar əmək nəticəsində saat 21.00 radələrində internet əlaqəsi bərpa olunub.

Hazırda ölkədə internet əlaqəsi bərpa edilib və bank sektorunda, dövlət təşkilatlarında və digər sahələrdə internet vasitəsilə göstərilən xidmətlərin fəaliyyəti, o cümlədən fərdi istifadəçilər tərəfindən istifadə təmin edilib.

Hadisənin fəsadların aradan qaldırılması üzrə tamamlama işləri davam edir", - məlumatda bildirilib.

17 noyabr Gürcüstanın bəzi rayonlarında yağış gözlənilir.

Yüksək dağlıq ərazilərdə isə qar yağacağı proqnozlaşdırılır - bu haqda "Dalğa TV"yə Ətraf Mühit və Təbii Resusrslar Nazirliyindən bildiriblərər. Nazirliyin məlumatına əsasən hava temperaturu +9, +14 dərəcə olacaq. 18-19 noyabr tarixinə gəldikdə isə Gürcüstanda əsasən yağmursuz hava şəraiti gözlənilir. Qərbi gürcüstanda hava şəraiti +12,+17 dərəcə, Şərqi gürcüstanda isə +7,+12 dərəcə olacaq.

"17 noyabr tarixində Gürcüstanın əksər rayonlarında yağmur gözlənilir. Bəzi rayonlarda daha güclü yağıntı olacaq. Qərb küləyi güclənəcək, yüksək dağlıq ərazidə isə çovğun baş verə bilər. hava temperaturu +7,+12 dərəcə olacaq", -deyə nazirlikdən bildririblər.