Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2718
	Dünən	3868
	Bu həftə	2718
	Bu ay	44162
	Bu günə qədər	9705527

Bizi Paylaşın

Video Xəbərlər

Təqvim

Dalga TeleviziyasA�

Gürcüstan baş nazirinin xüsusi nümayəndəsi: “Rusiya ilə mehriban qonşuluq münasibətlərinin bərpa olunmasına hələ çox var”

04.11.13 20:30 |

“Gürcüstan və Rusiya arasında mehriban qonşuluq münasibətlərinin bərpa olunmasına hələ çox var”. Bunu Gürcüstan baş nazirinin Rusiya ilə qarşılıqlı əlaqələr üzrə xüsusi nümayəndəsi Zurab Abaşidze deyib.

Onun sözlərinə görə, iki ölkə arasındakı münasibətləri ilk növbədə dirəndiyi dalandan çıxarmaq, sonra mehriban qonşuluq münasibətləri qurmaq lazımdır: “İlk növbədə münasibətlərdəki kəskin problemləri, o cümlədən 2008-ci ilin avqust hadisələrindən sonra yaranmış problemləri aradan qaldırmaq lazımdır”.

Z.Abaşidze qeyd edib ki, bu kəskin problemlərin müzakirəsindən sonra onların həlli perspektivi yaranacaq: “Gürcüstanın yeni hökuməti bir il ərzində Rusiya ilə ticarət-iqtisadi, mədəni və humanitar əlaqələrin bərpası və inkişafı yolunda ilk uğurlu addımlarını atıb”.

Türkiyədə suriyalı qaçqınların sayı təqribən yarım milyona çatıb

23.06.13 23:49 |

alt Türkiyə ərazisində olan suriyalı qaçqınların sayı təqribən 500 min nəfərə çatıb.

Məlumata görə, 200 mindən artıq qaçqın rəsmi olaraq Türkiyədə qeydiyyatdan keçdiyi halda, 250 mindən çox adam ölkədə qeydiyyatdan keçməyib.

Proqnozlara əsasən, Suriyada toqquşmaların davam edəcəyi təqdirdə ilin sonunadək Türkiyədə suriyalı qaçqınların sayı 1 milyona çatacaq.

ABŞ-da 250 aviareys ləğv olundu

22.06.13 18:59 |

alt ABŞ-ın «Southwest Airlines» aviaşirkəti ötən gün ən azı 250 təyyarə reysini ləğv edib.

Bu gün ləğv edilmiş reyslər yenidən bərpa edilib. «Southwest Airlines» şirkətinin nümayəndəsi Bred Houkinsin (Brad Hawkins) sözlərinə görə, reyslərin ləğvi şirkətin kompüter sistemində yaranmış nasazlıqla bağlı olub. Kompüterlərdə yaranmış problemlərə görə şirkət sərnişinləri qeyd edə, enmə talonlarını çap edə və hava gəmilərinin çəkisini yoxlaya bilməyib. Nasazlığa görə ABŞ-ın Qərb sahilində uçuşa bütün reyslər ləğv edilib.

Agentliyin məlumatına görə, problemin aradan qaldırmasına baxmayaraq, yeni reyslərin də ləğvi mümkündür.

Aviaşirkətin təyyarələri gündə təxminən 3,4 min reys yerinə yetirir.

Gürcüstan prezidentinin iqamətgahı universitetə veriləcək - FOTO - DalgaTV VIDEO

04.11.13 20:29 |

Gürcüstan prezidentinin paytaxt Tiflisin Avlabar rayonunda yerləşən iqamətgahı Gürcüstan-Amerika Universitetinə veriləcək. Bunu yeni prezident Georgi Marqvelaşvili açıqlayıb.

G. Marqvelaşvili universitetin gələn il açılacağını deyib: “Bu, çox maraqlı layihədir və Gürcüstana yüksək keyfiyyətli təhsil gətirəcək. Mən çox şadam ki, büdcədən bu cür təmtəraqlı binaya ayrılan vəsait gürcü tələbələrinə və onların təhsilinə xərclənəcək”.

Qeyd edək ki, G. Marqvelaşvili daha öncə verdiyi açıqlamada prezident iqamətgahında oturmayacağını və Dövlət Dəftərxanasının binasında fəaliyyət göstərəcəyini bildirmişdi.

Avlabardakı iqamətgah 2004-2009-cu illərdə Mixail Saakaşvilinin təşəbbüsü ilə inşa edilib.

Mehriban Əliyeva Canfranko Ravazi ilə görüşdü- FOTO

04.11.13 20:21 |

alt

Noyabrın 4-də Heydər Əliyev Fondunun prezidenti Mehriban Əliyeva Vatikan Dövlətinin mədəniyyət üzrə pontifik şurasının prezidenti kardinal Canfranko Ravazi ilə görüşüb.

Kardinal Canfranko Ravazini Heydər Əliyev Fondunda salamlayan Azərbaycanın birinci xanımı onu Azərbaycanın ən yüksək mükafatlarından olan "Dostluq" ordeninə layiq görülməsi münasibəti ilə təbrik edib.

Mehriban Əliyeva son illər Azərbaycan ilə Vatikan arasındakı münasibətlərin, xüsusi ilə də mədəniyyət sahəsindəki əlaqələrin möhkəmləndirilməsində kardinalın rolunu yüksək qiymətləndirib.

Birinci xanım Mehriban Əliyeva Vatikanda keçirilən tədbirlərin, dünyanın ən möhtəşəm mədəniyyət ocaqlarından olan Vatikan muzeyində Azərbaycan ilə bağlı sərgilərin Canfranko Ravazinin təşəbbüs və dəstəyi ilə reallaşdığını bildirib.

Azərbaycan ilə Vatikan arasındakı əməkdaşlığın uzunmüddətli olduğunu vurğulayan birinci xanım həyata keçirilən birgə layihələrin davam etdirilməsində Heydər Əliyev Fondunun maraqlı olduğunu demişdir. Mehriban Əliyeva Heydər Əliyev Fondunun həm müxtəlif bərpa işlərində iştirak etməyə, həm də sərgilər keçirməyə hazır olduğunu diqqətə çatdırıb.

İkinci dəfədir Heydər Əliyev Fondunda olmaqdan məmnunluq ifadə edən Vatikan Dövlətinin mədəniyyət üzrə pontifik şurasının prezidenti kardinal Canfranko Ravazi Azərbaycanın birinci xanımına təşəkkürünü bildirib.

Kardinal Canfranko Ravazi Mehriban Əliyevanın Romaya səfərlərinin ölkələrimiz arasındakı möhkəm əlaqələrin sübutu olduğunu bildirib.

Canfranko Ravazi ikitərəfli münasibətlərin əhəmiyyətini yüksək qiymətləndirib.

Başqa məqalələr...