Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2440
	Dünən	3868
	Bu həftə	2440
	Bu ay	43884
	Bu günə qədər	9705249

Bizi Paylaşın

Video Xəbərlər

Təqvim

Dalga TeleviziyasA�

Gürcüstan QMİ-nin səlahiyyət dairəsindən çıxarıldı

08.06.13 20:42 |

Gürcüstan artıq rəsmi olaraq Qafqaz Müsəlmanları İdarəsinin (QMİ) səlahiyyət dairəsindən çıxarılıb.

Məlumatda qeyd olunur ki, QMİ-nin səlahiyyət dairəsi Azərbaycan, Dağıstan, Çeçenistan, İnquşetiya, Qaraçay-Çərkəz, Kabarda-Balkar, Adıgey və Şimali Osetiya-Alaniyanı əhatə edir.

Qeyd edək ki, 2011-ci ildə Gürcüstanda Gürcüstan Müsəlmanları İdarəsi (GMİ) yaradılıb və qeydiyyatdan keçib. GMİ-nin sədri Vaqif Əkbərovdur.

Məlumatlara görə, faktiki olaraq yerli müsəlmanların əksəriyyəti GMİ ətrafında cəmləşib. QMİ-nin nümayəndəliyinin nüfuz dairəsi isə yalnız azərbaycanlıların yaşadığı bölgənin cüzi hissəsini əhatə edir.

“Qafqaz bölgəsi dövləti olan Gürcüstanda QMİ-nin rəsmi nümayəndəliyi fəaliyyət göstərir. QMİ-nin Gürcüstan nümayəndəliyi Gürcüstan Respublikası Ədliyyə Nazirliyində qeydiyyatdan keçib. “Dini etiqad azadlığı” haqqında qanuna son dəyişikliklərə əsasən, ehtiyac olduğu hallarda xaricdə yaşayan soydaşlarımızın dini-mənəvi ehtiyaclarının ödənilməsi məqsədilə QMİ-nin xarici ölkələrdə nümayəndəliklərinin yaradılması nəzərdə tutulub. İdarənin artıq İstanbul, Moskva, Dərbənd və Şimali Qafqazda nümayəndəlikləri yaradılıb və rəsmən fəaliyyət göstərir. Bu yaxınlarda Ukraynanın Xarkov şəhərində də nümayəndəliyin yaradılması üzərində iş gedir”, - deyə mətbuat xidmətindən bildirilib.

Raul Kastro prezidenti təbrik etdi

30.10.13 22:48 |

alt

Kuba Respublikası Dövlət Şurasının və Nazirlər Şurasının sədri Raul Kastro Rus İlham Əliyevi prezident seçilməsi münasibətilə təbrik edib.

Təbrikdə bildirilir: “Yenidən Azərbaycan Respublikasının Prezidenti seçilməyiniz münasibətilə Sizi təbrik edirəm və ölkələrimiz arasında dostluq münasibətlərinin inkişafına hazır olduğumuzu bildirirəm”.

R. Kastro ən yüksək ehtiramımı qəbul edilməsini də xahiş edib.

Moldova ombudsmanı Aureliya Qriqoriu Bakıya gəlib

30.10.13 21:32 |

Moldova ombudsmanı Aureliya Qriqoriu Beynəlxalq Humanitar Forumda iştirak etmək üçün Bakıya gəlib. APA-nın məlumatına görə, moldovalı ombudsmanı Heydər Əliyev adına Hava Limanında Azərbaycan Xarici işlər Nazirliyinin nümayəndələri qarşılayıb.

Xatırladaq ki, Aureliya Qriqoriu İrəvanda keçirilən beynəlxalq tədbirdə Azərbaycan torpaqlarının 20 faizini Ermənistanın işğal etdiyini, erməniləri azərbaycanlılara qarşı soyqırım apardığını bəyan edib. Bu çıxışından sonra o, Ermənistandan çətinliklə salamat çıxa bilib. Qriqoriu hələ də ermənilərin təzyiqinə məruz qalır.

Rus dili yenidən Gürcüstana qayıdır

08.06.13 20:39 |

Gürcüstanın təhsil naziri Georgi Marqvelaşvili rus dilini yenidən məktəb proqramına daxil etmək niyyətindədir.

Nazir dəyişikliyin nə vaxt ediləcəyini və bunun üçün qanunlara dəyişiklik edilməsinə ehtiyac olub-olmadığını açıqlamayıb.

“Rus dili təkcə digər ölkələr - Ermənistan, Azərbaycan, Rusiya, Ukrayna vətəndaşları ilə, eləcə də bütün MDB üçün deyil, ölkə daxilində də ünsiyyət üçün lazımdır. Axı dil – ünsiyyət vasitəsidir, siyasət aləti deyil”, - deyə G. Marqvelaşvili bildirib.

Qeyd edək ki, Gürcüstanda rus uşaq bağçaları və məktəbləri 2008-ci ildə - Rusiya-Gürcüstan müharibəsindən sonra bağlanıb.

Münaqişə ilə bağlı Rusiya gürcü məhsullarına embarqo qoyub, Gürcüstan isə məktəb proqramlarından rus dilini çıxarıb.

Hazırda Gürcüstanda orta məktəblərin birinci sinfində ilk xarici dil kimi ingilis dili tədris olunur. İkinci xarici dil isə proqramda 6-cı sinifdən nəzərdə tutulur. Bu qaydalar 2008-ci ildən tətbiq edilir.

Azərbaycanla Avropa Birliyi arasında viza rejiminin sadələşdirilməsi və readmissiya haqqında sazişlər 2014-cü ildə qüvvəyə minəcək

30.10.13 21:31 |

“Azərbaycanla Avropa Birliyi arasında viza rejiminin sadələşdirilməsi haqqında saziş yəqin ki, Vilnüs sammitində imzalanacaq. Lakin bu sazişin qüvvəyə minməsi üçün readmissiya haqqında sazişin imzalanması da vacibdir”.

APA-nın xəbərinə görə, bunu jurnalistlərə açıqlamasında Avropa Birliyinin Azərbaycandakı müvəqqəti işlər vəkili Toralf Pils deyib. O bildirib ki, readmissiya haqqında sazişin hazırlanması yekunlaşma mərhələsindədir və tam hazır olması üçün bir qədər vaxt tələb olunur: “Bütün paket 2014-cü ildə qüvvəyə minəcək”.

Xatırladaq ki, Azərbaycan və AB viza rejiminin sadələşdirilməsi barədə sazişi paraflayıblar. Sənədin imzalanmasından sonra Azərbaycan vətəndaşlarının Şengen vizası alması qaydaları sadələşəcək, viza üçün ödənən rüsum azalacaq və s..

Başqa məqalələr...