Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	330
	Dünən	3813
	Bu həftə	14071
	Bu ay	80476
	Bu günə qədər	9741841

Bizi Paylaşın

Video Xəbərlər

Təqvim

Dalga TeleviziyasA�

Gürcüstanın baş prokuroru istefa verib

31.12.13 17:00 |

alt Gürcüstanın baş prokuroru Otar Partsxaladze istefa verib.

APA-nın “Georgiya Online” saytına istinadən verdiyi xəbərə görə, baş nazir İrakli Qaribaşvili bu gün baş prokurorun istefasını qəbul edib.

“Baş prokuror Otar Partsxaladzenin tutduğu vəzifədən istefaya getmək qərarı düzgün və təqdirəlayiq addımdır”, deyə baş nazir qeyd edib.

Otar Partsxaladze bəyanatında Baş prokurorluğun hazırda icraatında olan işlərin legitimliyini şübhə altına qoymaq istəmədiyini bildirib.

“İctimai rəyə hörmətlə yanaşaraq Baş prokuror vəzifəsindən istefaya getməyi özümə borc bilirəm”, deyə Partsxaladze bildirib.

Xatırladaq ki, Tiflis meri Qiqi Uqulava bundan əvvəl yaydığı bəyanatda Baş prokuror Otar Partsxaladzenin Almaniyada qarət ittihamı məhkum olunduğunu bildirib. Baş prokurorun məhkumluğunu baş nazir İrakli Qaribaşvili də təsdiqləyib.

Marneuli şəhərində xeyriyyə konserti təşkil olunub-FOTOLAR

10.02.14 22:52 |

Gürcüstan azərbaycanlılarının yığcam yaşadıqları Kvemo Kartli-Borçalı bölgəsinin Marneuli şəhərindəki mədəniyyət evində “Mənim də köməyim olsun” adı altında xeyriyyə konserti təşkil edilib.

Konserti aparıcı Azər Məmmədov açıb.

“Yeni ulduz” müsabiqəsinin iştirakçısı ,Marneuli sakini olan Anar Əsgərov, Eynar Balakişiyev, Renat İsmayılov və digərləri iştirak edərək müxtəlif janrlarda mahnılar ifa edib, tamaşaçıların rəğbətini qazanıblar. Tamaşaçılar onları alqışlarla qarşılayıblar.

Konsert Marneuli Gənclər Sakreboolosunun, AMM-Gənclər şöbəsinin və run.az saytının dəstəyi ilə keçirilib. Xeyriyyə konsertinin Təşkilatçisi İlkin Hüseynov jurnalistlərə açıqlamasında qeyd edib ki, bu cür xeyriyyə konsertlərin azərbaycanlıların məskunlaşdığı bir çox ərazilərdə,eləcə də Dmanisi,Bolnisi,Rustavi və paytaxt Tbilisidə də keçiriləcəyi gözlənilir.

Konsertdən əldə olunan gəlirin kimsəsiz və aztəminatlı ailələrin uşaqlarına veriləcəyi bildirilib. alt alt alt

Prezident həmsədrlərlə görüşdü

04.02.14 17:43 |

alt

Prezident İlham Əliyev ATƏT-in Minsk qrupu həmsədrləri İqor Popovu (Rusiya), Ceyms Uorliki (ABŞ), Jak Foru (Fransa) və ATƏT-in hazırkı sədrinin xüsusi nümayəndəsi Anjey Kasprşiki qəbul edib. Görüşdə Ermənistan-Azərbaycan, Dağlıq Qarabağ münaqişəsinin nizama salınması ilə bağlı danışıqların hazırkı vəziyyəti və perspektivləri ilə bağlı məsələlər ətrafında fikir mübadiləsi aparılıb.

Dövlət başçısı İlham Əliyev bu gün həmçinin Niderlandın xarici işlər nazirinin başçılıq etdiyi nümayəndə heyətini də qəbul edib.

Türkiyə kürdlərlə 25 illik müqavilə imzaladı

30.12.13 18:26 |

alt

Rusiyadan 450, İrandan 500, Azərbaycandan 400 dollar

Türkiyəyə Şimali İraq Regional Kürd Rəhbərliyinin əlində olan təbii qazla əlaqədar yeni sevindirici xəbər gəlib.

Kürd Rəhbərliyinə yaxın iş çevrələrinin xəbərinə görə, Şimali İraqdan Türkiyəyə gələcək təbii qazla əlaqədar 20-25 illik dövrü əhatə edəcək “sabit qiymətə” başa gələcək alğı-satqı kontraktı imzalanıb. Bu mərhələdə tərəflər arasındakı təbii qazla bağlı razılaşdırılan qiymət açıqlanmır. Ancaq qiymətin hər min kub metr təbii qaz üçün 250 dollar olacağı gözlənilir.

20 milyard kub metr

Kürd bölgəsində çoxlu təbii qaz ehtiyatı var. Türkiyənin illik təbii qaz istehlakı 45-50 milyard kub metrdir. Şimali İraqda çıxarılacaq təbii qaz 2017-ci ildən etibarən Türkiyəyə ixrac ediləcək. 4 milyard kub metr ilə başlayacaq ixracatın zaman içində 20 milyard kub metrə qədər çatdırılması nəzərdə tutulur.

Sabit qiymətlərlə kontrakt

Əldə edilən məlumatlara görə, Şimali İraqdan Türkiyəyə gələcək təbii qazla əlaqədar 20-25 illik dövrü əhatə edəcək “sabit qiymətə” razılaşdırılacaq təbii qaz alğı-satqı kontraktına görə qiymət kontrakt dövründə dəyişməyəcək. Şimali İraqdan idxal ediləcək qazın qiyməti rəqib ölkələrdən (Rusiya və İran kimi) alınan qazdan daha ucuz olacaq. Təbii qazın min kub metrinin təxminən 250 dollara alınacağı gözlənilir.

Tankerlərlə neft

Şimali İraq Regional Kürd Rəhbərliyi bir il yarımdır ki, tankerlərlə dünyaya neft satır. Gündə 20-30 min barellik neft ixracatı edir. İndiyə qədər 10 milyon barel neft satılıb. Bunun bazar dəyərinin təxminən 1 milyard dollar olduğu bildirilir. Bu daşıma işlərini Sinqapur mərkəzli “PowerTrans” (PauvəTrans) şirkəti həyata keçirir.

İraqda neft çıxarmağın xərci 4.5 dollardır

Məlumatlara görə, dünyada neft çıxarmağın ən ucuz olduğu ölkə İraqdır. İraqda neft çıxarmağın xərci 4.5 dollardır. 4.5 dolları əlaqədar neft şirkətləri alır. Geriyə qalan 90-95 dolların hamısı dövlətlərin hesabına gedir.

Beynəlxalq Enerji Agentliyi (İEA) və Amerika Geologiya Təşkilatının məlumatlarına görə, İraqın sahib olduğu neft və təbii qaz ehtiyatı həddən artıqdır. Ehtiyatların Səudiyyə Ərəbistanındakından belə çox olduğu təxmin edilir. Buna görə də İraqın gələcəyi neft istehsalı tutumu və ixracat gücü həm dünya iqtisadiyyatı, həm də OPEC baxımından böyük əhəmiyyət daşıyır.

İlham Əliyev Putinlə görüşəcək

22.09.14 17:58 |

alt

Sentyabr ayının 29-da Həştərxanda keçiriləcək Xəzəryanı dövlət başçılarının dördüncü sammitində Azərbaycan prezidenti İlham Əliyev də iştirak edəcək. Modern.az Kremlin rəsmi saytına istinadən xəbər verir ki, Rusiyanın dövlət başçısı Vladimir Putinin dəvəti ilə Azərbaycan, İran, Qazaxıstan, Türkmənistan prezidentləri sammitdə iştirak edəcəklər.

Məlumata görə, prezidentlərin görüşündə Xəzəryanı ölkələrin qarşılıqlı təsirləri mövzusu müzakirə ediləcək. Bununla yanaşı, 2010-cu ildə Bakıda keçirilən əvvəlki sammitdə qəbul edilmiş qərarlarının reallaşdırılması istiqamətindəki mövzulara da toxunulacaq.

Tədbirdə çoxtərəfli sənədlərin imzalanması da planlaşdırılır. Verilən məlumata görə, Rusiya prezidenti Vladimir Putinin həmkarları ilə ikitərəfli görüşü də nəzərdə tutulub.

Başqa məqalələr...