Rusiyadan 450, İrandan 500, Azərbaycandan 400 dollar

Türkiyəyə Şimali İraq Regional Kürd Rəhbərliyinin əlində olan təbii qazla əlaqədar yeni sevindirici xəbər gəlib.

Kürd Rəhbərliyinə yaxın iş çevrələrinin xəbərinə görə, Şimali İraqdan Türkiyəyə gələcək təbii qazla əlaqədar 20-25 illik dövrü əhatə edəcək “sabit qiymətə” başa gələcək alğı-satqı kontraktı imzalanıb. Bu mərhələdə tərəflər arasındakı təbii qazla bağlı razılaşdırılan qiymət açıqlanmır. Ancaq qiymətin hər min kub metr təbii qaz üçün 250 dollar olacağı gözlənilir.

20 milyard kub metr

Kürd bölgəsində çoxlu təbii qaz ehtiyatı var. Türkiyənin illik təbii qaz istehlakı 45-50 milyard kub metrdir. Şimali İraqda çıxarılacaq təbii qaz 2017-ci ildən etibarən Türkiyəyə ixrac ediləcək. 4 milyard kub metr ilə başlayacaq ixracatın zaman içində 20 milyard kub metrə qədər çatdırılması nəzərdə tutulur.

Sabit qiymətlərlə kontrakt

Əldə edilən məlumatlara görə, Şimali İraqdan Türkiyəyə gələcək təbii qazla əlaqədar 20-25 illik dövrü əhatə edəcək “sabit qiymətə” razılaşdırılacaq təbii qaz alğı-satqı kontraktına görə qiymət kontrakt dövründə dəyişməyəcək. Şimali İraqdan idxal ediləcək qazın qiyməti rəqib ölkələrdən (Rusiya və İran kimi) alınan qazdan daha ucuz olacaq. Təbii qazın min kub metrinin təxminən 250 dollara alınacağı gözlənilir.

Tankerlərlə neft

Şimali İraq Regional Kürd Rəhbərliyi bir il yarımdır ki, tankerlərlə dünyaya neft satır. Gündə 20-30 min barellik neft ixracatı edir. İndiyə qədər 10 milyon barel neft satılıb. Bunun bazar dəyərinin təxminən 1 milyard dollar olduğu bildirilir. Bu daşıma işlərini Sinqapur mərkəzli “PowerTrans” (PauvəTrans) şirkəti həyata keçirir.

İraqda neft çıxarmağın xərci 4.5 dollardır

Məlumatlara görə, dünyada neft çıxarmağın ən ucuz olduğu ölkə İraqdır. İraqda neft çıxarmağın xərci 4.5 dollardır. 4.5 dolları əlaqədar neft şirkətləri alır. Geriyə qalan 90-95 dolların hamısı dövlətlərin hesabına gedir.

Beynəlxalq Enerji Agentliyi (İEA) və Amerika Geologiya Təşkilatının məlumatlarına görə, İraqın sahib olduğu neft və təbii qaz ehtiyatı həddən artıqdır. Ehtiyatların Səudiyyə Ərəbistanındakından belə çox olduğu təxmin edilir. Buna görə də İraqın gələcəyi neft istehsalı tutumu və ixracat gücü həm dünya iqtisadiyyatı, həm də OPEC baxımından böyük əhəmiyyət daşıyır.

Səudiyyə Ərəbistanında cinayətlə günahlandırılan bir krallığın ailə üzvü edam ediləcək.

Səudiyyə Ərəbistanı vəliəhd şahzadəsi, Baş nazir Köməkçisi və Müdafiə Naziri Şahzadə Salman adı açıqlanmayan Səudiyyə şahzadəsinin edamının təsdiqləndiyini açıqlayıb. Şahzadə Salmanın mövzuya bağlı Daxili İşlər Nazirinə göndərdiyi məktub Ərəb mediasında nəşr olunub. Məktubda, şəriətin ayrı-seçkilik güdmədən hər kəsə tətbiq edildiyi bildirilib.

Daha əvvəl Kral Abdullah tərəfindən verilən fərmanda, qurbanın ailəsi və şübhəli arasında razılıq təmin edilmədiyi təqdirdə cinayətkara edam cəzası verilməsi istənib. Qurbanın atası, şübhəlinin əfv etmətib və verilən "qan pulu"nun az olduğunu əsas gətirərək rədd edib.

Qeyd edək ki, Beynəlxalq Əfv Təşkilatı məlumatlarına görə, şəriətlə idarə olunan ölkədə 2013-ci ildə 79 adam edam edilib.

Rusiyanın Volqoqrad şəhərində dəmiryolu vağzalında partlayış olub, 4 nəfər ölüb, altı nəfər yaralanıb.

Rusiya DİN Baş İdarəsinin numayəndəsi Svetlana Smolyaninova bildirib: 

"12:45-də "Volqoqrad-1" dəmiryolu vağzalının ikinci mərtəbəsində partlayış səsi eşidilb, tüstü yayılıb. İlkin məlumatda bildirilirdi ki, 3 nəfər ölüb, altı nəfər xəsarət alaraq xəstəxanaya yerləşdirilib".

Hadisə araşdırılır.

Türkiyənin Aralıq dənizi sahilində 5,8 bal gücündə zəlzələ baş verib. APA-nın məlumatına görə, bu barədə ABŞ Geoloji xidmətinin açıqlamasında bildirilir.

Zəlzələnin episentri Alanya şəhərindən 86 km cənub-qərbdə, 50 km dərinlikdə qeydə alınıb. Zəlzələ ilə bağlı sunami xəbərdarlığı verilməyib.

Kaliforniyadan olan doqquz yaşlı Tayler Armstronq Qərb yarımkürəsinin ən yüksək zirvəsini fəth edib.

APA-nın “Associated Press” agentliyinə istinadən verdiyi xəbərə görə, T. Armstronq Akonkaqua dağını fəth edən ən gənc alpinistdir. Onu atası Kevin Armstronq və himalaylı bələdçi Lxavanq Dxondap müşayiət ediblər.

Standart qaydalar 14 yaşdan kiçik uşaqlara Akonkaquaya qalxmağı qadağan edir. Bu səbəbdən Argentina məhkəməsindən xüsusi razılıq orderi əldə alınıb.

Əvvəl Akonkaqua fəth edən ən gənc alpinist Kolorado ştatının sakini, 10 yaşlı Metyu Monits olub. Bu, 2008-ci ildə baş verib.

Akonkaqua dağının zirvəsi dəniz səviyyəsindən 6962 metr hündürlükdə yerləşir, Şimali və Cənubi Amerikaların, habelə qərb və cənub yarımkürələrinin ən hündür nöqtəsi sayılır.

Akonkaqua fəth etməyə başlayan alpinistlərin cəmi 30%-i yekunda onun zirvəsinə çata bilir.

Ali Məhkəmə HDP-nin həmsədri Səbahət Tuncəl PKK terror təşkilatına üzv olduğuna görə verilən 8 il 9 aylıq həbs cəzası qərarını yekdilliklə qəbul edib. İstanbul Ağır Cinayətlər Məhkəməsində mühakimə olunan HDP-nin (Xalqın Demokratik Partiyası) həbs olunan və məhkəməsi davam etdiyi zaman 2007-ci ildə millət vəkili seçilib və təxliyə edilib. Səbahət Tuncəl haqqında məhkəmə tərəfindən verilən 8 il 9 aylıq həbs cəzası qərarı Ali Məhkəmə tərəfindən yekdilliklə qəbul olunub. Qərarın Milli Məclisdə oxunması ilə Tuncəlin millət vəkilliyi ləğv ediləcək və həbsxanaya göndərilməsi gündəmə gələcək. Həmçinin Səbahət Tuncəlin aldığı cəza bir ildən çox olduğu üçün millət vəkili də olmayacaq.