Kartof yay-qış demədən hər birimizin mətbəxdə istifadə etdiyimiz, fərqli yeməklərin əsas elementi olan, bişirilməsi və yeyilməsi asan bir tərəvəzdir.

Son dövrdə kartof suyunun içilməsi də xalq təbabətində geniş yayılmış üsullardan biridir. Bəs kartof suyunun nələrə faydalı olduğunu bilirsinizmi? Ailem.az həmin faydaları təqdim edir.

Kartof suyu qastrit, mədə və ürək xəstəliyi kimi müxtəlif xəstəliklərə fayda verir.

Kartof suyu orqanizmin hər bölgəsində qan dövranının yaxşılaşmasına yardım edir. Xüsusilə səhər ac qarına içilən kartof suyu həzm sisteminin sağlıqlı işləməsinə, qəbizlik, ishal, şişkinlik, mədə qıcqırması və həzmsizlik kimi problemlərə qarşı müalicəedici təsir göstərir.

Səhərlər ac qarına içilən kartof suyunun bədəndən bütün zərərli toksinləri atdığına dair araşdırma nəticələri var.

Kartof suyu qaraciyərin və öd kisəsinin təmizləməsini təmin edərək daş yaranmasına da əngəl olur.

Kartof suyu bol orqanik turşu, mineral, ferment tərkiblidir. Qəbizlik, ishal, şişkinlik, mədə göynəməsi və həzmsizlik kimi problemlərə qarşı effektlidir. Səhərlər içilən kartof suyunun reflüks xəstəliyinə də faydalı olduğu deyilir.

Kartof suyu tərkibinə görə bağırsaq xərçənginə qarşı qoruyucu və bağırsaq xərçəngi xəstələrində dəstəkləyici bir tərəvəzdir. Fol turşusu və dəmir baxımından zəngindir. Bu qida dəyərləri də qırmızı qan hüceyrələrinin hazırlanmasında böyük rol oynayır. Yəni kartof suyu qansızlıq və anemiya riskini azaldır.

Kartof suyunun içindəki asit mədənin PH səviyyəsini tənzimlədiyindən mədədəki turşuluğun artmasını azaldır. Mədə turşuluğu ilə yanaşı mədə sancısı çəkənlərə də kartof suyu içmək tövsiyə edilir. Bununla mədə xərçəngi, qastrit, kolik kimi mədə problemlərinin riski də azalmış olur.

Bundan başqa, kartof suyunun tərkibindəki zəngin üzvi birləşmələr revmatizm, oynaq problemlərinə də yardım edir. Bel, ürək ağrılarında effektli fayda yaradan kartof suyu gut xəstəliyinə qarşı təsirlidir. Kartof suyu bədənin hər bölgəsində həzmin tənzimlənməsinə yardımçı olur. Buna görə səhərlər ac qarına içilməsi məsləhətdir. Yaxşı bir potasium qaynağı olduğundan yüksək təzyiqli insanlarda pozitiv nəticələrə səbəb olur. Yetərli potasium qəbulu həm də ürək xəstəlikləri riskinin azalmasına da yardım edir.

Kartof suyu təmizləyici keyfiyyətə də malikdir. Bu özəlliyi ilə qaraciyər və öd kisəsində problemi olanlar üçün təbii dərman sayılır. Buna görə səhərlər ac qarına 150 qrama qədər kartof suyu içmək məsləhətdir. Bu yolla sidik yolunda daşı olanlar da təsirini görmüş olurlar. Yaranmış daşların təmizlənməsinə yardımçı olmaqla yanaşı həm də daş yaranması riskini də azaldır.

Kartofun dəri üzərindəki effektini hər kəs bilir. Gözaltı qaralar, yaralar və şişkinliklərə qarşı kartof həmişə bir həll yolu kimi görülüb. Eqzema, dəri ləkələri, quru və qaşıntılı dəri üçün kartof suyunun möcüzəvi təsiri var. Kartof suyu həm də saç köklərini bəsləyir, daha gur və sağlam saçlara qovuşdurur. Bunun üçün kartof suyunu yumurta ağı və balla qarışdırıb saçlara sürtün və yarım saat sonra saçlarınızı şampunla yuyun.

Kartof suyunun dadını xoşlamayanlar kartof suyuna limon, ya bal qarışdırıb içə bilərlər. Balla qarışdırıb içmək qida zəhərlənməsinə qarşı da effektlidir.

Kartof suyunun istifadə qaydaları

Kartofu soyub doğrayın, yuyun və şirə çəkən maşında çəkin. İki həftə səhər və axşam ac qarına yeməkdən yarım saat əvvəl 150 qr kartof suyu için. Sonra iki həftə ara verin və yenə iki həftə eyni şəkildə için.

Çay olduqca faydalı müalicəvi içkidir - ürək-damar xəstəliklərindən, xərçəngdən qoruyur, beyinin fəaliyyətinə müsbət təsir göstərir, insanı daha gümrah edir, əmək qabiliyyətini artırır. Lakin bu faydalardan yararlanmaq üçün çayı düzgün dəmləmək və içmək lazımdır.

Çayı şüşə, saxsı və ya çini çaydanda dəmləmək lazımdır. Dəmir çaydanlardan istifadə etməyin.

Suyu üzərinə çoxlu ağ qovuqcuqlar çıxana kimi dəmir çaydanda qaynadırlar. Su çox qaynadıqda çayın dadı olmur. Çayı dəmləyərkən bir neçə dəfə qaynadılmış sudan istifadə etmək tövsiyə edilmir.

Boş dəm çaydanını 3-4 dəfə qaynar su ilə yaxalayın. Sonra dəm çaydanına hər stəkan üçün bir çay qaşığı quru çay töküb yarıya qədər su tökün, çaydanın ağzını qapaqla bağlayıb üstünü dəsmalla örtün. Çay dəmləyərkən dəm çaydanını qazın üzərinə qoymaq olmaz.

Çay 5-7 dəqiqə ərzində dəmləndikdən sonra, çaydana axıra qədər qaynar su tökün. Əgər çayın üzərində köpüklər əmələ gəlibsə, deməli, çay düzgün dəmlənilib.

Çayı yalnız təzə halda, dəmləndikdən sonra 1 saat ərzində içmək olar. Daha sonra çayın faydalı xüsusiyyətləri kəskin şəkildə azalmağa başlayır.

Gürcüstanın paytaxtı Tbilisidə Şərq Tərəfdaşlığına üzv ölkələrin jurnalistlərinin növbəti toplantısı keçirilib. Toplantıda Şərq Tərəfdaşlığı Ölkələri Jurnalistləri Birliyinin regionda söz və ifadə azadlığı ilə bağlı məsələlərə həssaslığının artırılması yolları ətrafında müzakirələr aparılıb, bununla əlaqədar konkret situasiyalar təhlil olunub. Müzakirələrin gedişində təşkilatın informasiya portalının yaradılması və peşə davranışı qaydalarının hazırlanması barədə qərar qəbul edilib. Bu barədə AZƏRTAC-a Mətbuat Şurasında məlumat verilib.

Avropa Şurasının və Avropa İttifaqının təşkilatçılığı ilə keçirilmiş tədbirdə Mətbuat Şurasının sədri, Milli Məclisin deputatı Əflatun Amaşov, Şuranın İdarə Heyətinin üzvü, Demokratik Jurnalistlər Liqasının sədri Yadigar Məmmədli və “Baku Network”un Ekspertlər Şurasının rəhbəri Elxan Ələsgərli iştirak ediblər.

Ə.Amaşov toplantıda çıxış edərək rəhbərlik etdiyi qurumun fəaliyyət istiqamətlərindən, söz və ifadə azadlığı ilə bağlı xarakterik tendensiyalardan söz açıb. O, internet media orqanlarının fəaliyyətindən narazılıqların, onların peşə prinsiplərinə etinasız yanaşmalarının ənənəvi medianı üstələməsini xarakterik hal kimi vurğulayıb, jurnalistikada peşə etikası ilə əlaqədar standartlara müxtəlif yanaşmaların olduğunu bildirib. Şura sədri mövcud istiqamətdəki yeniliklərin təbliğinə daim ehtiyacın duyulmasının söz və ifadə azadlığının təminatında vacib məqamlardan biri olduğunu söyləyib.

Azərbaycanda çəkisi cəmi 950 qram olan oğlan uşağı doğulub.

Dalga tv-nin xəbərinə görə, Respublika Müalicə Diaqnostika Mərkəzindən (RMDM)  bildiriblər ki, həkimlərə onu xilas etmək və normal vəziyyətə gətirmək müyəssər olub.

Bu, son illər ərzində son dərəcə aşağı çəkisi olan uşağın xilas edilməsi ilə bağlı ilk belə haldır. Bundan əlavə, uşağın özünün doğulması da unikaldır. Çünki adı çəkilməyən ana artıq 8 ildir nikahda olsa da, sistematik uşaq düşməsindən əziyyət çəkirdi.

Artıq 28 yaşı olan qadın bir daha ana ola bilməyəcəyini düşünərək, özünü sonsuz sayırmış. Amma möcüzə baş verib. Hamilə qalan qadın RMDM-ə müraciət edib. Klinikada araşdırma zamanı müəyyən olunub ki, qadın yaxın qohumuna ərə gedib və uşaq düşmələrinin səbəbi də məhz bu faktordur.

Neantoloq Arzu Həsənovanın sözlərinə görə, hamiləliyin 34-cü həftəsində dünyaya gələn körpə dərhal retinopatiya riski ilə bağlı müayinəyə göndərilib, eşitmə qabiliyyəti yoxlanılıb və digər zəruri müayinələr keçirilib. Bütün risklər yoxlanıldıqdan sonra körpə normal çəkiyə çatdırılıb və bir ay sonra RMDM-dən evə buraxılıb.

Xırdalanda 17 mərtəbəli binada başlayan yanğın söndürülüb.

Dalga tv  Qaynarinfo-ya istinadən xəbər verir ki, yanğınsöndürənlərin hadisə yerinə gəlişindən qısa zaman sonra yanğın nəzarət altına alınıb. 25 nəfər təxliyyə olunub.

FHN-nin Abşeron rayon DYMH rəisi, polkovnik-leytenant Səbuhi Hüseynov bildirib ki, hadisə zamanı xəsarət alan olmayıb.

Təxliyyə olunan sakinlərə təcili yardım briqadası ilkin yardım göstərir.

Türkiyədə 52 yaşlı Gürcüstan vətəndaşı qətlə yetirilib.

APA-nın Gürcüstan bürosunun məlumatına əsasən, həmin şəxsə baş nahiyəsindən küt alətlə ölümcül xəsarət yetirilib. 

Gürcüstan Xarici İşlər Nazirliyindən qətlə yetirilmiş vətəndaşın etnik azərbaycanlı olduğu bildirilib. 

Faktla bağlı Türkiyədə istintaq aparılır. Qətli törətmiş şəxsin axtarışı istiqamətində tədbirlər həyata keçirilir.