Bu həftə “Bakı metropoliteni”ndə iki nəfər gənc özünü relslər üstünə ataraq həyatına qəsd etdi: iki nəfər gənc həyatdan köçsə də, ailələrinə illərlə çəkəcək böyük bir ağrı qoyub getdilər.

Dalga tv xəbər verir ki, bunu millət vəkili Aydın Mirzəzadə deyib.

Deputat hesab edir ki, vaxtında onlara psixoloji dəstək olunsa idi, faciələrin qarşısını almaq olardı.

“Ancaq hadisə baş verib və gələcəkdə belə hadisələrin təkrarlanacağı istisna deyil. Xaricdə bu problemin həllini artıq tapıblar və metro stansiyalarında qatar platformalarında qurulan qurğular sui-qəsdlərin qarşısını tam ala bilir. Platformalarda bütün xətt boyu şəffaf divar çəkilir və aralarında olan qapılar ancaq qatar platformada dayandıqdan sonra açılır. Belə sistem Rusiyanın Sankt-Peterburq, Koreyanın Seul və Çinin Tayvan adasının mərkəzi Taybey şəhər metrolarında qurulub. Bu yaxınlarda onlar Belarusun paytaxtı Minsk şəhər metrosunda da qurulacaq...”, – deyə millət vəkili vurğulayıb.

Gürcüstanın Rustavi şəhər Məhkəməsi keçmiş həyat yoldaşına qarşı zorakılığa yol vermiş azərbaycanlının işinə baxıb.
 

APA-nın yerli bürosunun Gürcüstan Baş Prokurorluğuna istinadən verdiyi xəbərə görə, H.M. adlı şəxs 2017-ci ilin oktyabrın 19-da Qardabanidə keçmiş həyat yoldaşına onun yaşadığı evin qarşısında hücum edərək fiziki güc tətbiq edib. Hüquq-mühafizə orqanlarının əməkdaşları həmin şəxsi oktyabrın 20-də Qardabani rayonunun Vaxtanq kəndində Azərbaycana qaçmağa cəhd edərkən saxlayıb. Məhkəmə azərbaycanlını ona qarşı irəli sürülmüş ittihamlar üzrə günahkar hesab edərək 10 ay müddətinə azadlıqdan məhrum edib.

Soyuq üsulla (qaynatmadan) bişirilmiş moruq mürəbbəsi çox faydalı və müalicəvi məhsuldur.

Bu üsulla bişirilmiş mürəbbədə moruğun bütün faydalı xüsusiyyətləri saxlanılır.   

Sağlamolun.az sizə sevimli mürəbbənin şəfaverici xüsusiyyətlərini təqdim edir:

1. Moruq mürəbbəsi fitonsidlərlə zəngindin. Bu maddələr təbii antibotiklər sayılır və məhz fitonsidlər mürəbbəyə heyranedici qoxudan əlavə mikrob və virus əleyhinə təsir bəxş edir. Bu səbəbdən moruq mürəbbəsi soyuqdəymə, qripp, angina zamanı çox faydalıdır.

2. Moruq mürəbbəsində asetilsalisil turşusuna (aspirin tərkibində olan turşu) oxşar maddələr var ki, bu maddələrə görə moruq mürəbbəsi yüksək hərarəti aşağı salmaq xüsusiyyətə malikdir.

3. Moruq mürəbbəsi ellaq turşusu ilə zəngindir. Bu turşu orqanizmə xərçəng əleyhinə təsir edir.

4. Moruq mürəbbəsinin tərkibində olan fitosterinlər aterosklerozun qarşısını alır, kumarinlər isə qanı duruldur, damarlarda trombların əmələ gəlməsinin riskini azaldır.

5. Moruq mürəbbəsi immun sistemini möhkəmləndirir, vitamin çatışmazlığının qarşısını alır.

Kartofun rəng dəyişdirərək, cücərməsini əlbəttə hamımız görmüşük. Bəs bu kartofun qabığındakı cücərmə hansı səbəbə baş verir?

Dalga tv bildirir ki, günəş altında və ya yüksək rütubətə malik şəraitdə uzun müddət saxlanılan kartofların rəngi sarıdan yaşıl rəngə çevrilir. Bu göyərmə kartofda, bütün yaşıl bitkilərdə olan xlorofilin artdığını göstərir.

Kartof qabıqlarının bəzi hissələrində görülən yaşıl rənglər əslində normaldır, bitkilərdə xlorofilə görə bu cür ləkələr yarana bilər. Ancaq məsələ kartof olduğu üçün solanin maddəsi işə başlayır.

Bir qismi və ya hamısı yaşıl rəngə bürünmüş kartoflar, solanin maddəsi səbəbilə zəhərlənmə təsiri verə bilər. Kartofda yaşıl rəngin sıxlığı artdıqca zəhərlənmə riski də artır. Kartofun yaşıl rəngli hissələrində olan solanin maddəsinin yaranması əvvəlcə qabıqdan başlayır. Müəyyən müddətdən sonra dərinə doğru irəliləyərək, kartofun hamısını əhatə edir.

Gürcüstanın paytaxtı Tbilisi şəhərinin fəxri vətəndaşı adını daşıyan yerli vətəndaşlarla yanaşı, xarici ölkə vətəndaşları da var. Bu fəxri ad müxtəlif sahələrdə fəaliyyət göstərən Gürcüstan vətəndaşlarına ölkə qarşısında xüsusi xidmətlər, ölkənin rifahı naminə davamlı fəaliyyət və yüksək peşəkarlığa görə verilir. Xarici ölkə vətəndaşları isə bu ada Gürcüstan və Tbilisi qarşısında xüsusi xidmətlərə görə layiq görülür. “Tbilisinin fəxri vətəndaşı” adını daşıyan vətəndaşlara diplomla yanaşı, şəhərin simvolik açarı da təqdim olunur. 

“Tbilisinin fəxri vətəndaşı” adının verilməsi ənənəsinin əsası 1979-cu ilin oktyabrında “Tbilisoba” şəhər bayramının ilk dəfə qeyd olunduğu gün qoyulub. 1988-ci ildən 1995-ci ilə qədər bu bayram qeyd olunmadığına görə “Fəxri vətəndaş” adının verilməsi ənənəsi də dayandırılıb. Lakin 1995-ci ildə “Tbilisoba” bayramının təntənəli keçirilməsi bərpa olunur və fəxri adın verilməsi də bayramın tərkib hissəsi kimi davam etdirilir.

APA-nın Gürcüstan bürosunun araşdırmasına görə, Tbilisinin fəxri vətəndaşları arasında 5 azərbaycanlı da var. Onların həyat və fəaliyyətləri barədə məlumatlar Tbilisi meriyasının 2017-ci ilin oktyabrında nəşr etdirdiyi “Tbilisinin fəxri vətəndaşları 1979-2016” adlı kitabda yer alıb.

Tbilisinin ilk azərbaycanlı fəxri vətəndaşı bu şəhərdə anadan olmuş görkəmli dirijor və bəstəkar, SSRİ xalq artisti Niyazi olub. O, bu ada 70 illik yubileyinin tamam olduğu 1982-ci ildə layiq görülüb. Gürcüstan paytaxtının ikinci azərbaycanlı fəxri vətəndaşı məşhur müğənni, SSRİ xalq artisti, Gürcüstan SSR-in də əməkdar incəsənət xadimi olmuş Rəşid Behbudovdur. Görkəmli müğənniyə doğulduğu şəhərin “Fəxri vətəndaşı” adı 1987-ci ildə verilib. Tbilisinin fəxri azərbaycanlı vətəndaşları arasında Azərbaycanın hazırkı vergilər naziri Mikayıl Cabbarov da var. O, “Tbilisinin fəxri vətəndaşı” adını 2009-cu ildə Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsinin rəisi olarkən alıb. Azərbaycanlı iş adamı Şahin Mövsümov da Tbilisinin fəxri vətəndaşıdır. O, Gürcüstanda fəaliyyət göstərən “AS Georgia” şirkətinin təsisçisidir. Bu şirkət Tbilisidə “Dirsi” yaşayış kompleksini inşa etdirib. Ş. Mövsümov 2012-ci ildən Tbilisinin “fəxri vətəndaşı”dır. Gürcüstan paytaxtının 5-ci azərbaycanlı “fəxri vətəndaşı” Azərbaycanın xalq artisti, Azərbaycanın Rusiyadakı səfiri Polad Bülbüloğludur. Fəxri ad ona 2015-ci ildə 70 illik yubileyi münasibətilə verilib.

Gürcüstanın Rustavi şəhər Məhkəməsi keçmiş həyat yoldaşına qarşı zorakılığa yol vermiş azərbaycanlının işinə baxıb.
 

APA-nın yerli bürosunun Gürcüstan Baş Prokurorluğuna istinadən verdiyi xəbərə görə, H.M. adlı şəxs 2017-ci ilin oktyabrın 19-da Qardabanidə keçmiş həyat yoldaşına onun yaşadığı evin qarşısında hücum edərək fiziki güc tətbiq edib. Hüquq-mühafizə orqanlarının əməkdaşları həmin şəxsi oktyabrın 20-də Qardabani rayonunun Vaxtanq kəndində Azərbaycana qaçmağa cəhd edərkən saxlayıb. Məhkəmə azərbaycanlını ona qarşı irəli sürülmüş ittihamlar üzrə günahkar hesab edərək 10 ay müddətinə azadlıqdan məhrum edib.