Çay içmək azərbaycanlıların gündəlik həyatının ayrılmaz bir hissəsinə çevrilib.

Bəs görəsən çay sağlamlığa necə təsir edir? Dalga tv bu gün oxucularına içilən çayın faydalarından bəhs edəcək.

Səhərlər yuxudan oyananda bir çoxumuzun əsas işi mətbəxə gedib çay dəmləməkdir. Evimizə qonaq gələndə də ilk işimiz çay dəmləməkdir. Günün müxtəlif saatlarında da çay içirik.

Çayın faydaları bunlardır:
1.Daha yaxşı çalışan ürək: 2009-cu ildə aparılan tədqiqatlara əsasən, gün ərzində 3-4 fincan çay içən şəxslərdə ürək fəaliyyəti daha az çay içənlərə  nisbətən 21% daha yaxşıdır. Harvard univestitetində aparılan araşdırma isə çay içməyin infarktı 44% azaltdığını məlum edib. Xolesterolu isə 11% azalır.

2.Xərçəngə qarşı qoruyucu: Çay içəndə qəbul edilən polifenol və kateşinlər bəzi xərçəng növlərinin yaranmasının qarşısını alır. Məsələn, gündə 2-3 fincan çay içən qadınlarda döş və yumurtalıq xərçəngi riski daha azdır. Bundan başqa ağciyər xərçənginə qarşı da effektivdir.

3.Sağlam sümüklər: Çayın tərkibindəki fitokimyəvi maddələr müntəzəm olaraq güclü sümükləri dəstəkləyir, sümüyün qalınlığına təsir edir, osteoporoz və artrit riskini azaldır.

4.Diabet riskini azaldır: Müntəzəm olaraq çay içən insanlarda diabet riski azalır.

5.Ağız sağlamlığı: Çay dişlərin çürüməsinə səbəb olan bakteriyaların inkişafını əngəlləyir. Çayın tərkibində olan polifenollar ağız boşluğunda olan və yapışqanlıq dadına səbəb olan maddələrin inkişafının da qarşısını alır.

6.Piyləri əridir: Əsasən də qarın nahiyəsindəki yağlanmanı azaldır, piyin yandırılmasını dəstəkləyir.

7.Antioksidantlar:Tərkibində polifenol miqdarı yüksək olan çay DNK zədələnməsinin qarşısını alır. Limon əlavə edilərək içilən çay antioksidant miqdarını artırır.

8.Stresi azaldır: Çayın tərkibində olan "L-theanine" rahatlayıcı və uzun müddət yaxşı müvazinəti dəstəklədiyi tədqiqat nəticəsində məlum olub. Gün ərzində 2-3 fincan çay içən insanlarda stres hormonu və kortizolun səviyyəsi azalır.

9.Güclü immunitet sistemi:  Çayın tərkibində olan alkylamine maddəsi immunitet sistemini gücləndirir. Çay viruslara qarşı mübarizə aparır. Bu isə immunitet sistemi üçün qoruyucu qalxan rolunu oynayır.

10.Həzm sisteminə müsbət təsir edir: Çay mədə və bağırsaq xəstəliklərinə müsbət təsir edir və həzm sisteminin aktivliyinin azalmasına səbəb olur.

11.Enerji artırır: Çayın tərkibində kafeinin miqdarı az olduğu üçün qan dövranına müsbət təsir edir, beyin funksiyalarını gücləndirir. Bundan başqa metabolizm və nəfəsalma sistemi, qəlb və böyrəklərə də təsir edir.

12.Xoşbəxtlik faktoru: Qaydalara uyğun yığılan və qurudulan çayı dəmləyəndə insana xoşbəxtlik hissi bəxş edir. Belə çay orqanizmin bütün funksiyalarını qoruyur.

Abşeronda xəstəxanada doğuş zamanı əkizlər ölüb, ana komaya düşüb

Dalga tv Sonxeber.az-a istinadən xəbər verir ki, hadisə Xırdalan şəhərində yerləşən Abşeron Rayon Mərkəzi Xəstəxanasında qeydə alınıb.
Belə ki, xəstəxananın doğum şöbəsində Aytac adlı qadın qeysəriyyə yolu ilə doğuş edən zaman əkizlər dünyasını dəyişib. Nəticədə qadın komaya düşüb.

"Report"un çəkiliş qrupu hadisənin baş verdiyi xəstəxanada olub. Lakin xəstəxananın növbətçi həkimi sullara cavab vermək əvəzinə, qapını bağlayaraq, çəkiliş qrupunu uzaqlaşdırmağa çalışıb.

Dünyasını dəyişən əkizlər Məhkəmə Tibbi Ekspertiza və Patoloji Anatomiya Birliyinə təhvil verilib. Faktla bağlı araşdırma aparılır.

Bazar günü Azərbaycanda baş vermiş yol qəzalarında 8 nəfər ölüb.

Dalga tv  Lent.az-a istinadən xəbər verir ki, dünən ölkədə ümumilikdə 14 ağır yol qəzası baş verib. Bu  qəzalar nəticəsində daha 23 nəfər müxtəlif dərəcəli bədən xəsarəti alıb.

Dünən Siyəzəndə “Mercedes” markalı minik avtomobilinin işıq dirəyinə çırpılması nəticəsində ər və arvadı ölüb. Ağstafada avtomobil 8 yaşlı oğlanı vurub. Göygöl, İmişli, Qazax və Sabirabadda avtomobillərin toqquşması ölümlə nəticələnib. Yevlaxda isə 65 yaşlı piyada “Toyota”nın altında qalaraq ölüb.

Hər bir faktla bağlı araşdırma aparılır.

Bu gün Bakının Qaradağ rayonunda baş vermiş partlayışda ölən şəxsin kimliyi müəyyənləşib.

Dalga tv Lent.az-a istinadən xəbər verir ki, Lökbatan qəsəbəsi yaxınlığında (qəbiristanlığın kənarında) yerləşən alüminium məhsulları müəssisəsindəki partlayışda ölən şəxsin oranın işçisi Məmmədov Bəhmən Heydər oğlu olması dəqiqləşib. Onun meyiti morqa aparılıb və daha sonra ailəsinə təhvil veriləcək.

Qeyd edək ki, hüquq-mühafizə orqanlarının əməkdaşları hadisə yerindədir və araşdırmalar davam etdirilir.

23 sentyabr və 31 oktyabr tarixlərindən sonra bu dəfə də "X Nibiru" planetinin 19 noyabr 2017-ci il tarixdə qiyamətə səbəb olacağı ilə bağlı iddialar irəli sürülüb.

Dalga tv qaynarinfo.az-a istinadən xəbər verir ki, müzakirələri hələ də bitməyən gizli planet "X Nibiru" haqqında yayılan yeni iddialara görə dünyaya yaxınlaşmaqda olan planet yer kürəsində bir sıra zəlzələ ocaqlarını da hərəkətə keçirəcək.

Bildirilir ki, "X Nibiru" planeti Günəşin ətrafında tam dövrəsini 3600 ilə tamamlayır.

Yazıçı Terral Kroftun irəli sürdüyü nəzəriyyəyə görə, noyabrın son 2 həftəsində seysmik fəaliyyətlər pik həddə çatacaq.

Planetxnews üçün xəbər hazırlayan və daha öncə 23 sentyabr 2017-ci il tarixdə qiyamətin olacağı iddiasını irəli sürən Devid Miid isə əslində bunun qiyamət yox, sonun başlanğıcı olduğunu demək istədiyini bildirib.

Qeyd edək ki, NASA "X Nibiru" haqqındakı nəzəriyyələrin yalan olduğunu açıqlasa da, bu haqda fərziyyələr hələ də davam etməkdədir.

Zərbənin təsiri nəticəsində sürücünün gözləri çıxıb.

Şamaxı rayonunda 4 nəfərin ağır xəsarət alması ilə nəticələnən avtomobil qəzası baş verib.

Dalga tv APA-ya istinadən xəbər verir ki, hadisə bu gün saat 17:30 radələrində Şamaxı-Qızmeydan yolunda qeydə alınıb.

Göyçay rayon sakini 1974-cü il təvəllüdlü Ocaqzadə Rəhim Vahid oğlu 10-ZP-606 dövlət nömrə nişanlı “Peugeot” markalı minik avtomobili ilə hərəkətdə olarkən Qızmeydan kəndinin giriş hissəsindəki döngəli yolda idarəetməni itirib və avtomobil yoldan çıxaraq dərəyə aşıb.

Hadisə nəticəsində sürücü Rahim Ocaqzadə və sərnişinləri - Bakı şəhər sakinləri 1988-ci il təvəllüdlü Fərəcov Bayram Zakir oğlu, həyat yoldaşı 1989-cu il təvəllüdlü Fərəcova Fəridə Məhərrəm qızı və onların azyaşlı övladı, 2013-cü il təvəllüdlü Fərəcov Nihat Bayram oğlu ağır bədən xəsarətləri aldıqları üçün Şamaxı rayon Mərkəzi Xəstəxanasının cərrahiyyə və reanimasiya şöbələrinə yerləşdirilib. Zərbənin təsiri nəticəsində sürücünün gözlərinin çıxdığı, nəticədə görmə qabiliyyətini itirdiyi bildirilir. Hazırda onun vəziyyəti ağır olaraq qalır.

Faktla bağlı Şamaxı rayon Polis Şöbəsi tərəfindən araşdırma aparılır.