Şəkidə intihar edən polis əməkdaşı ilə bağlı bəzi məqamlar üzə çıxıb.

Dalga tv Oxu.Az-a istinadən xəbər verir ki, dünən axşam saatlarında rayonun Turan qəsəbəsində özünü asaraq, həyatına son qoyan polis serjantı, 1978-ci il təvəllüdlü Əliyev Həsrət Fəxrəddin oğlunun 4 övladından biri ağır xəstədir.

Bildirilir ki, beyin iflicindən əziyyət çəkən uşağın vəziyyəti atasında böyük gərginlik yaradırmış.

Bundan başqa onun banka kredit borcunun olması da üzə çıxıb.

H.Əliyevin konkret hansı səbəbdən intihar etməsi isə hələlik tam aydınlaşmayıb və faktla bağlı Şəki rayon Prokurorluğunda başlanmış cinayət işinin istintaqı davam etdirilir.

Tbilisidə Gürcüstanla Avropa İttifaqı arasında vizasız rejimi təbliğ edəcək “Avropa-ev” məlumat kampaniyasının təqdimatı olub. 

APA-nın yerli bürosunun xəbərinə əsasən, təqdimat mərasimində çıxış edən Gürcüstanın Avropa və Avro-Atlantik strukturlara inteqrasiya məsələləri üzrə dövlət naziri Viktor Dolidze kampaniyanın çox əhəmiyyətli olduğunu deyib. 
 

“Biz Avropa İttifaqı ilə vizasız rejimin qaydaları ilə bağlı təbliğatı davam etdiririk. Vətəndaş cəmiyyətinin dəstəyi olmadan bu cür kampaniyaların həyata keçirilməsi çətin olardı”, - deyə o söyləyib. 
 

Gürcüstanın müxtəlif bölgələrində, o cümlədən milli azlıqların məskunlaşdığı rayon və kəndlərdə aparılacaq məlumat kampaniyası çərçivəsində təlimçilər sakinləri Aİ ilə vizasız rejim prosedurları və şərtləri barədə məlumatlandıracaqlar. Kampaniya çərçivəsində Azərbaycan və erməni dillərində hazırlanmış məlumat broşurlar paylanılacaq. 
 

Qeyd edək ki, ABŞ-ın Milli Demokratiya İnstitutunun (NDI) Gürcüstanda keçirdiyi son ictimai rəy sorğusunun nəticələrinə əsasən, milli azlıq nümayəndələrinin 66 faizi Aİ ölkələrinə vizasız səfərlə bağlı müvafiq prosedur barədə kifayət qədər məlumatlı deyil.

Gürcüstanla Aİ arasında vizasız rejim bu ilin martın 28-də qüvvəyə minib. 

Havaların soyuması ilə birlikdə sağlamlığımızda bəzi problemlər yaranır. Bunlardan ən geniş yayılmışı isə boğaz ağrısıdır.

Ailem.az təbii yolla boğaz ağrısından qurtulacağınız bir neçə faydalı resepti təqdim edir.

1. Gülxətmi 

Gülxətmi bitkisi orta əsrlərdən bəri boğaz ağrısı və digər xəstəlikləri müalicə etmək üçün istifadə edilib. Udduğunuzda boğazı bürüyüb yağlandıran və jelatinə bənzər bir maddəyə malikdir.

Lazım olanlar:

- Soyuq su

- 30 qram qurudulmuş gülxətmi

Hazırlanması:

Soyuq su ilə 1 litrlik bankanı doldurun. Gülxətmini təmiz bir bezin içinə qoyaraq, ağzını büküb bağlayın. Həmin bezi suya salın və bankanın ağzını bağlayın. Gecə boyu və ya ən az 8 saat saxlayın. Daha sonra istəyə görə bal da əlavə edərək, bu sudan gün ərzində içə bilərsiniz.

2. Alma sirkəsi 

Boğaz ağrısını azaltmaq üçün 1 xörək qaşığı alma sirkəsi əlavə edilmiş və istəyə bağlı olaraq bal da qarışdırılmış 1 fincan ilıq su için.

3. Duzlu su qarqarası

Boğaz ağrısından qurtulmaq üçün duzlu su ilə qarqara etmək məsləhətdir. Boğazdaki lazımsız mikrobları öldürməyə kömək edir.

1 stəkan ilıq suyun içinə 1 çay qaşığı duz atın və əriməsi üçün qarışdırın. Hər saat başı 30 saniyə qarqara edin.

4. Bal  

Bal boğaz ağrısını azaltmaq üçün digər təbii maddələrlə birlikdə istifadə edilən ləzzətli bir dadlandırıcıdır. Bal xüsusilə isti su və alma sirkəsi ilə birlikdə daha təsirli olur. Amma 1 yaşdan kiçik uşaqlara verilməsi məsləhət deyil.

5. Limon suyu

Limon suyu soyuq və ya qrip zamanı yaranan boğaz ağrısını da azalda bilən rahatladıcı bir içkidir. Limonun tərkibində C vitamini və antioksidantlar var. Limon suyunu ilıq su, bir az da bal və ya duzlu su ilə birləşdirmək ən yaxşı vasitədir.

6. Zəncəfil çayı

Zəncəfil antibakterial və ilnihab əleyhinə təsirə malikdir. Boğaz ağrısını azaltmağa yardımçı olur.

Lazım olanlar:

- Zəncəfil kökü

- 1 litr su

- 1 xörək qaşığı (15 ml) bal

7. Sıxılmış limon suyu 

Hazırlanması: 

Zəncəfil kökünü soyun, rəndələyin və kiçik bir qaba qoyun.  Böyük bir qazanda su qaynadın, ardından ocağın altını söndürün. Qazana 1 xörək qaşığı rəndələnmiş zəncəfil qoyun və qapaqla örtün. 10 dəqiqəyə qədər gözləyin. Bal və limon suyu əlavə edib sonra qarışdırın. Bu çay lazım olduqda qızdırıla bilər, yaxud soyuq halda içilə bilər. Zəncəfil çayı infeksiya ilə mübarizəyə kömək ola bilər. Həmçinin iltihablanmanı və boğaz ağrısını azaldır.

8. Nanə çayı

Nanənin tərkibində anti-inflamatuar birləşmələr var və boğaz üçün son dərəcə rahatladıcıdır. Nanə həmçinin boğazı yüngülcə uyuşdurur və ağrını azaldır. Nanə yarpaqlarını qaynar suyun içində 3-5 dəqiqə dəmləyərək içə bilərsiniz.

Çoxları səhər yeməyini vacib hesab etməyərək, ona bir qədər etinasızlıqla yanaşır.

Digərləri kökəlməkdən, çəki artırmaqdan qorxduqlarına görə ondan imtina edirlər. Bəziləri isə sadəcə vaxtın az olması, səhərlər iştahanın olmaması kimi xeyli “üzrlü səbəb” gətirirlər ki, özlərini günün başlanğıcında tam dəyərli qidadan məhrum etsinlər. Həkimlər və dietoloqlar ortaq bir fikirlə qənaətə gəliblər ki, səhər yeməyindən heç bir halda imtina etmək olmaz, çünki səhər yeməyi orqanizmə çox xeyirlidir.

Dalga tv Modern.az-a istinadən səhər yeməyinin faydalarını təqdim edir.

Qeyd etmək lazımdır ki, səhərlər yemək yeyən insanlar “ac qardaşlarından” daha az risklərə məruz qalır. Bundan əlavə, səhər yeməyi beyinə diqqəti toplamaq və məlumatı yadda saxlamağa görə beyin üçün çox vacibdir. Əbəs yerə deyil ki, özlərini səhər yeməyindən məhrum etməyən insanlar avtomobil qəzalarına daha az uğrayırlar. Tədqiqatlar göstərir ki, yaxşı səhər yeməyi iş qabiliyyətini təxminən 30 faiz artırır və bu səbəbdən də sizi ofisdə ağır gün gözləyirsə, səhər orqanizminizi enerji ehtiyatı ilə təmin etməyi unutmayın.

Kökəlməkdən qorxan insanlar isə bilməlidirlər ki, səhər yeməyindən imtina etmək nəinki bədən quruluşuna xeyirli deyil, həm də bədəndə artıq çəkinin yığılmasına kömək edir. İş ondadır ki, siz yatdığınız müddətdə maddələr mübadiləniz də yatır və səhər yeməyini yeməyənədək oyanmır. Bu səbəbdən də əgər siz səhər yeməyindən imtina edirsinizsə, orqanizminiz naharadək daha az kalori yandırır. Bundan əlavə səhər yeməyi porsiyasından məhrum olmuş orqanizm özünü qoruma instinktini işə salır və nahar zamanı kaloriləri ikiqat enerji ilə toplayır. Üstəlik, naharda yaxşıca acmısınızsa, lazım olan miqdardan iki dəfə artığını yemək təhlükəsinə məruz qalırsınız.

Lakin heç də hamı yuxudan oyanan kimi iştahası qaydasında olmur. Mütəxəssislər hesab edirlər ki, məsələ gec yeyilən və kalorili axşam yeməyindədir. Yatmazdan əvvəl siz soyuducunu “alt-üst” edirsinizsə, təbiidir ki, səhər heç nə yemək istəməyəcəksiniz.
Səhər yeməyinə özünüzü öyrəşdirməyin daha bir üsulu var. Bu, səhər idmanıdır. Əlbəttə, idmanla məşğul olmaq vaxt tələb edir, lakin bunun əvəzində iştahanı artırır, bədən quruluşu və sağlamlıq üçün çox xeyirlidir. Səhərlər heç cür idmana vaxt ayıra bilməyənlər üçün dietoloqlar səhər yeməyini özləri ilə işə götürməklərini məsləhət görürlər. İşə çatana qədər siz tam oyanacaqsınız və qida qəbuluna hazır olacaqsınız. Səhər yeməyini yedikdən sonra isə naharadək qəlyanaltı etmədən dözə biləcəksiniz.

Səhər yeməyində hansı qidalara daha çox üstünlük vermək məqsədəuyğundur?

Səhəri maye ilə açmaq, bir stəkan adi qazsız su içmək, daha yaxşısı isə bir stəkan ilıq suya yarım limonun şirəsini sıxıb içmək olduqca xeyirlidir. Bu, orqanizmə yuxudan oyanmağa və həzm prosesinə başlamağa kömək edəcək.

Dietoloqlar sıyığı ən yaxşı səhər yeməyi hesab edirlər. Dənli bitkilər faydalı karbohidratlardan və B qrupu vitaminlərdən (sinir sisteminin işini yaxşılaşdırır) və E vitaminindən (qocalma proseslərini ləngidir) ibarətdir. Bundan əlavə istənilən sıyıq sellülozun mənbəyidir və orqanizmdən şlakları çıxarır və gün ərzində yeyilən məhsulların piylərini həzm etməyə kömək edir.

Süd məhsullarına etinasızlıq göstərməyin. Günün əvvəlində orqanizminizin qəbul etdiyi bir stəkan süd və ya qatıq, 200 qram kəsmik onu A və B qrup vitaminlərilə təmin edəcək.

Səhərlər çox yemək tövsiyə olunmur. Çünki doyumlu yemək gümrahlıq əvəzinə yuxu və süstlüyə səbəb olacaq.

Və hər səhər məşhur “səhər yeməyini özün ye, günorta dostuna, axşam isə düşməninə ver” atalar sözünü xatırlayıb çalışın ki, səhər yeməyi yemədən evdən çıxmayasınız.

“Gürcüstanda yaşayan milli azlıqların vətəndaş cəmiyyətinə inteqrasiyası istiqamətində həyata keçirilən proqramların sayını artırmaq lazımdır”.

Bu barədə APA-nın yerli bürosuna açıqlamasında Gürcüstan parlamentinin vitse-spikeri, Təhsil, elm və mədəniyyət komitəsinin üzvü Sergi Kapanadze deyib. 
 

“Son illər ərzində milli azlıqlar üçün nəzərdə tutulan gürcü dilinin tədrisi proqramları öz bəhrəsini verir. Bu proqramın köməyi ilə milli azlıqlardan olan gənclər təhsillərini Gürcüstanın ali məktəblərində davam etdirirlər. Bu cür proqramlar real olaraq milli azlıqların Gürcüstan cəmiyyətinə inteqrasiyasına kömək edir”, - deyə o söyləyib.  
 

Deputatın sözlərinə görə, inteqrasiya üzrə proqramları daha da inkişaf etdirib onlara əlavə resurs və diqqət ayırmaq lazımdır. 
Milli azlıqların kompakt yaşadığı bölgələrdə yerləşən məktəblərdə tədrisin səviyyəsinə toxunan S. Kapanadzenin fikrincə, bölgələrin inkişaf səviyyəsi məktəblərə də təsir edir: “Həmin məktəblərin problemlərini gürcü dilli məktəblərin problemlərindən ayrı nəzərdən keçirilməsinin tərəfdarı deyiləm. Bölgə məktəblərində tədrisin səviyyəsi oradakı iqtisadi inkişaf və həyat səviyyəsindən çox asılıdır. Ötən əsrin 90-cı illərində milli azlıqların yaşadığı bölgələrin iqtisadi inkişaf baxımından böyük problemləri olub və onlar Gürcüstanın digər hissəsindən kənarda qalıb. Hazırda bu problemlərin tam aradan qaldırılması üzrə işlər aparılır və bu, zaman tələb edir”.

Gürcüstanın Dini Məsələlər üzrə Dövlət Agentliyi daha 10 məscidi Gürcüstan Müsəlmanları İdarəsinə (GMİ) təhvil verib.

GMİ şeyxi Hacı Ramin İgidov APA-nın yerli bürosuna açıqlamasında bildirib ki, həmin məscidlər Gürcüstanın qərbində yerləşir.

“Bununla idarənin səlahiyyətində olan məscidlərin sayı 160-a çatıb. Şərqi və qərbi Gürcüstanda 11 məscidin qeydiyyat məsələsi ilə bağlı problem qalmaqdadır. Onların qeydiyyat sənədləri olmadığına görə, kommunal xidmətlərlə təminat məsələsində çətinliklərlə üzləşir. Həmin məscidlərin qeydiyyat məsələsinin də həll olunacağı gözlənilir”, - deyə o söyləyib.

Qeyd edək ki, Gürcüstanda 320 məscid var.