Havaların soyuduğunu nəzərə alaraq orqanizmamımızı belə havalardan müdafiə edən 8 möcüzəvi payız nemətini istidafə etməyi unutmamalıyıq

Dalga tv  milli.az-a istinadən bu yazıda oxucuları  meyvə və tərəvəzlərinin faydalı xassələrilə tanış edir.

Alma

Alma antioksidant və bir çox faydalı maddələrin əsas mənbəyidir. İstər darçınlı alma piroqu, istərsə də, alma salatı payız üçün ən faydalı yeməklərdən biridir. Onu da yadda saxlayın ki, piroqun üzərinə və salata darçın səpmək şirniyyat istəyini azaltmağa kömək edir.

Alma mövsüm yorğunluğu, zəiflik, qanazlığı, ürək-damar xəstəlikləri ilə mübarizə aparmağa kömək edir. Alma qabığı dərini nəmləndirir və həzmə kömək edir, həmçinin görmə qabiliyyətini yaxşılaşdırır.

Brüssel kələmi

Brüssel kələmi çoxlarının sevmədiyi tərəvəz olsa da, faydalarını saymaqla bitmir. İlk növbədə qeyd etmək lazımdır ki, brüssel kələmi dəmir baxımından çox zəngindir. Zövqə görə kələm salatı və ya başqa bir xörək hazırlaya bilərsiniz.

Armud

C vitamini ilə bol olan armudu salatlara çir halda əlavə edə, yaxud tart hazırlaya bilərsiniz. Armud - əsl təmiz enerji mənbəyidir. Onda olan vitaminlər yorğunluq və depressiya ilə mübarizə aparmağa kömək edir. Armudun tərkibinə böyük miqdarda bioaktiv maddələr daxildir.

Gül kələmi

Bütün payızı sağlam və gümrah olmaq istəyirsinizsə, gül kələmini qida rasionunuza əlavə etməyə dəyər. Çünki gül kələmi dəyişkən havalarda qripdən qorunmaq üçün ən çox ehtiyacımız olan C vitamini ilə zəngindir.

Balqabaq

Balqabaq da payızın əvəzolunmaz bitkisidir. Balqabağın təkcə plovu deyil, şorbası və piroqu da çox dadlı olur. Balqabaq mürəbbəsi isə beyin fəaliyyətini qüvvətləndirir. Bişmiş balqabaq qızdırma və öskürəkdə effektli təsirə malikdir.
Balqabaqda B qrupu, C, E, D, РР vitaminləri, həmçinin orqanizmdə mübadilə proseslərinə təsir edən nadir T vitamini saxlanılır. Balqabaq orqanizmi pis xolesterin, toksin və şlaklardan təmizləyir.

Nar

Nar bir neçə müalicəvi xassələr malik olan möcüzəvi meyvədir. Nar şirəsi iştahanı qaldırır, mədənin fəaliyyətini tənzimləyir və ağrını azaldır. Çiçəklərindən soyuqdəyməyə qarşı, toxumlarından isə sarılıq xəstəliyində, ürək döyünməsində, sinə ağrılarında və iştahanı qaldırmaq üçün istifadə edilir.

Fırnıx

Şirniyyatı əvəz edən faydalı və nadir meyvələrdən biri fırnıxdır. Xurmanın insan orqanizminə böyük xeyri var. Xurmada olan fosfor, beynin ehtiyaclarını qarşılayır. Yorğunluğu aradan qaldırır. Onda eyni zamanda B1 və B2 vitaminləri var. Bu vitaminlər zehini və sinir sistemini sakitləşdirir.

Göbələk

Göbələk zülal tərkibinə görə liderdir. Aterosklerozun qarşısını almağa kömək edir və pis xolesterin yaranmasına mane olur. Göbələk piyləri də parçalamağa kömək edir.

Pis hava şəraiti yenə kədərlənmək üçün bəhanə deyil. Payız meyvə və tərəvəzləri mövsüm yorğunluğundan və pis əhval-ruhiyyə ilə mübarizədə ən yaxşı vasitədir. Odur ki, qida rasionunuza mövsümi məhsulları daxil edin və öz orqanizminizi gələn mövsümədək lazımi miqdarda vitamin, mikro və makrolementlərlə təmin edin.

Gürcüstan paytaxtında şagirdləri təhqir etməkdə suçlanan 67 saylı ictimai məktəbin kimya müəllimi Dodo Kezua işdən azad olunub.
 

APA-nın yerli bürosunun xəbərinə görə, azərbaycanlı qız şagirdi də təhqir etdiyi bildirilən D. Kezuanın vəkili qərarın qanunsuz olduğunu deyib. O bildirib ki, qərarla bağlı məhkəməyə müraciət olunacaq.
 

Məktəb direktorunun qərarını qanunsuz hesab edən bəzi müəllimlər də D. Kezuanın müdafiəsinə qalxıblar. Onlar D. Kezuanın işə bərpa olunmasını tələb ediblər.

Gürcüstanın Təhsil və Elm Nazirliyinin bu gün dərs prosesinin sonunda məktəb direktoru Mariam Tavartkiladze ilə bağlı qərarı açıqlayacağı gözlənilir. Nazirliyin Audit idarəsi M. Tavartkiladzenin fəaliyyətini araşdırıb. Yayılmış məlumata əsasən məktəb direktoru vəzifədən getmək barədə qərar qəbul edib.

Gürcüstan Daxili İşlər Nazirliyi paytaxt Tbilisinin Didube rayonunda xüsusi əməliyyat keçirib. 

APA-nın Gürcüstan bürosunun məlumatına əsasən, əməliyyat nəticəsində bir azərbaycanlı saxlanılıb.

O, narkotik vasitələrin qanunsuz dövriyyəsində ittiham olunur. 
 

Saxlanılan şəxsin Didube rayonunda yerləşən şirkətlərdən birində çalışdığı bildirilir. O, müvəqqəti saxlanma təcridxanasına yerləşdirilib.

Nizami rayonundakı Namiq Həmzəyev adına 238 nömrəli tam orta məktəbdə tükürpədici hadisə yaşanıb. Məktəbin müəllimi Nəzakət Qurbanovanın 4-cü sinif şagirdi Kamran Soltanovun qulağına ağır xəsarət yetirdiyi bildirilir. Nəticədə uşağın qulaq divarı zədələnib.

Kamranın anası Vəfa Soltanova iddia edib ki, artıq 4 ildir övladı həmin məktəbdə işgəncələrə məruz qalır. Amma bu illər ərzində məktəbin adı çıxmasın deyə şikayətçi olmayıblar.

"4 ildir ki, dözürəm. Amma artıq dözə bilmirəm. Ürəyim parçalanır. İki il əvvəl oğlumun sinif rəhbəri Məryəm müəllim idi. O da şagirdləri döyürdü. Sonra eşitdim ki, uşaqları döydüyünə görə valideynlər tərəfindən məktəbdən kənarlaşdırılıb. Ondan sonra uşağın sinif rəhbəri Nəzakət Qurbanova oldu. Həmin vaxtdan da indiyədək bu müəllim övladıma işgəncələr verir. Səbəb də odur ki, oğlumu Nəzakət müəllimin əlavə hazırlığına yollamıram. O, hər bir uşaqdan yarım saata görə aylıq 50 manat hazırlıq pulu alır. Mən müəllimə dedim ki, həyat yoldaşım rəhmətə gedib, aylıq 161 manat müavinət alıram. Gücüm çatmır ki, 50 manatı verim. Öz problemlərim var. Ondan sonra bizimlə prinsipə düşdü. Yoldaşım iki il əvvəl dünyasını dəyişib. Kamran tək övladımdır. Yeganə övladımı əzab-əziyyətlə böyüdürəm. Keçən il də uşağın cinsiyyət orqanını vurub yaralamışdılar. Ekspertizaya və polisə şikayət edəcəyimi deyəndə Nəzakət müəllim qarşımda diz çökdü, yalvardı ki, məni işdən çıxaracaqlar, getmə...Yenə keçdim".

Valideyn bildirib ki, bununla bağlı məktəbin direktoru İlqar Talıbova da müraciət edib: "Mənə dedi ki, bir gün sən mənim başımı ağrıdacaqsan, ömrünün axırına kimi isə mən sənin başını ağrıdaram. Dedi ki, məktəbin adı çıxmasın. Amma indi dözə bilmirəm. Uşağın başına o qədər vurub ki, artıq gözləri də çəpləşib. Üç gün əvvəl də qulağına necə vurubsa, divarı zədələnib, qan açılıb. Əlimdə uşağın döyülməsi ilə bağlı sübutum var. Müəllimin dırnaq izləri uşağımın boynunda, boğazında, sinəsində, qolunda qalıb. Hətta barmağında dəmir xətkeş izləri var. Qaydalarımız, qanunlarımız var ki, valideyn öz övladına əl qaldıranda məsuliyyətə cəlb olunur. Nəinki müəllim ola..."

Valideynin sözlərinə görə, müəllim tək onun övladına deyil, digər şagirdlərə də fiziki zorakılıq göstərir: "Qulaq çəkmək, başa sillə vurmaq, dəmir xətkeşdən istifadə etmək onun adətidir. Bu insan müəllim adına layiq xanım deyil. İşgəncə ilə bağlı Nizami rayon Polis İdarəsinin 25-ci bölməsinə şikayət etmişəm. Bu məsələnin arxasınca gedəcəyəm. Şikayətimə baxılmasını istəyirəm. Mən həyatımı tək övladım üçün yaşayıram. Ya o müəllimə işindən azad olunmalıdır, ya da məktəbin həyətində özümə xəsarət yetirəcəyəm".

Məsələ ilə bağlı məktəblə əlaqə saxlamaq istəsək də, nəticəsiz qalıb. Cebhe.info əməkdaşı məsələ ilə bağlı məktəb rəhbəliyilə əlaqə yaratmağa cəhd göstərsə də, bu mümkün olmayıb. Qarşı tərəfin mövqeyini işıqlandırmağa hazırıq.

Keçmişdə nənələrimiz təbii vasitələrin köməyi ilə çox uğurla müxtəlif xəstəlikləri müalicə edirdilər.

Kələm yarpağı belə müalicəvi vasitələrdən biridir.

Təzə kələm yarpağının köməyi ilə əsasən müxtəlif ağrı və iltihabları müalicə edirdilər.

Belə ki, baş ağrısı zamanı nənələrimiz kələm yarpağını əzib alın nahiyəsinə qoyurdular və bu "kompres"lə uzanırdılar. Bir müddətdən sonra ağrı azalırdı.

Oynaq ağrıları zamanı da kələm kompresindən istifadə olunurdu. Kələm yarpağı bir qədər əzilirdi, üzərinə bal çəkilirdi və ağrıyan yerə qoyulurdu. Belə kompres həm iltihabı, həm də ağrını azaldır. Kompresi yatmazdan əvvəl qoymaq yaxşıdır.

Bal çəkilmiş kələm yarpağı öskürək və bronxit zamanı yatmazdan əvvəl döş qəfəsinə qoyulur.

Qadınlarda menstruasiyadan əvvəl süd vəzilərində ağrı və bərkimə zamanı da kələm kompresi istifadə olunurdu. Həmçinin belə kompres mastit zamanı süd verən anaların döşlərinə qoyulurdu.

Çiban, podaqra zamanı da kələm yarpağı istifadə olunurdu.

Kələm yarpağı gözəllik üçün də geniş istifadə olunurdu. Müxtəlif vitamin və minerallarla zəngin olan kələm yarpağı üz dərisinə maska şəklində qoyulurdu. (İstifadə etdikdən əvvəl yarpaq əzilir ki, şirəsi çıxsın.)  Belə təbii kosmetik vasitə dərini çox yaxşı nəmləndirir, ağardır, cavanlaşdırır, daha dartılmış və elastik edir.

Bakıda məhbusların qaçması faktı ilə bağlı Penitensiar Xidmətin azı üç əməkdaşı istintaqa cəlb edilib.

Report-un əldə etdiyi məlumata görə, hadisədən sonra həmin şəxslərdən izahatlar alınıb. Hazırda istintaq tədbirləri davam etdirilir.

Xatırladaq ki, Bakı-Astara-Bakı qatarında xüsusi təyinatlı vaqonda paytaxtda gətirilən məhbuslar Əli Ağami və Etibar Məmmədov qaçıblar. Qəsdən adam öldürmədə təqsirləndirilən Ə.Ağami və E.Məmmədovun cinayət işinə Lənkəran Ağır Cinayətlər Məhkəməsində baxılır. Ötən həftə dövlət ittihamçısı onların hər birinin ayrı-ayrılıqda 19 il müddətə azadlıqdan məhrum edilməsini istəyib. Hər iki şəxs oktyabrın 22-də gecə Lənkərandan Bakıya qatarla gətirilib. Oktyabrın 23-də səhər saatlarında Biləcəri stansiyasında E.Məmmədovla Ə.Ağami qatardan düşürülən zaman qaçıblar.

Təqsirləndirilən şəxslər Bakı İstintaq Təcridxanasına aparılırmış.

Kriminal aləmdə tanınan E.Ağaminin hazırda həbsdə olan “Lotu Quli”yə yaxın şəxslərdən olduğu bildirilir. “Qoca” ləqəbli E.Məmmədov isə daha çox Etibar Hacıqabulski kimi tanınır.

Faktla bağlı Baş Prokurorluğunun Ağır Cinayətlərə Dair İşlər üzrə İstintaq İdarəsində Cinayət Məcəlləsinin 304.2-ci (azadlıqdan məhrum etmə yerindən, həbsdən və ya mühafizə altından qaçma) və 308.2-ci (vəzifə səlahiyyətlərindən sui-istifadə) maddələri ilə cinayət işi başlanıb.

Hazırda başlanmış cinayət işi üzrə və qaçan məhbusların tutulması istiqamətində istintaq əməliyyat-axtarış tədbirləri davam etdirilir.