Üzüm tumları onkoloji xəstəliklərin, əsasən də mədə xərçənginin, profilaktikası üçün çox xeyirlidir.

Dalga tv-nin Oxu.Az-a istinadən məlumatına görə, müvafiq bəyanatla Avstraliyanın Adelaida Universitetinin elmi işçiləri çıxış ediblər.

Üzüm tumları xərçəng xəstəliyinin yaranmasının qarşısının alınmasına əhəmiyyətli dərəcədə kömək edir və insan orqanizminə heç bir ziyanı yoxdur.

Ekspertlərin fikrincə, üzüm tumları kimyaterapiyaya effektli əlavə kimi də istifadə oluna bilər.

Tbilisidə “Ekologiya və nüvə radiasiyası təhlükəsizliyi” mövzusunda beynəlxalq konfrans keçirilib.

“Report”un Gürcüstan bürosu xəbər verir ki, tədbirdə Atom Enerjisi üzrə Beynəlxalq Agentliyə üzv olan ölkələrin və digər beynəlxalq təşkilatların yüzdən çox nümayəndəsi iştirak edib. Konfransda əsasən zənginləşdirilmiş uranın təhlükəsiz şəkildə daşınması, geri qaytarılması və istifadə edilməsi prosedurları müzakirə olunub. Cənubi Qafqaz regionunda radiasiya və nüvə sahəsində bir çox məsələlər də diqqət mərkəzində olub. Konfrans iştirakçıları Ermənistanda fəaliyyət göstərən Metsamor AES-lə bağlı fikirlərini də bölüşüblər.

Ekologiya və Nüvə Radiasiya Təhlükəsizliyi Agentliyinin rəhbəri Vasili Gadenaşivili “Report”un yerli bürosuna deyib ki, konfransda Cənubi Qafqaz regionunda radiasiya və nüvə sahəsində mövcud olan problemlər və bir sıra digər məsələlər diqqət mərkəzində olub: “Qeyd edə bilərəm ki, regionumuz üçün hazırda bir təhlükə mənbəyi mövcuddur. Bu da Ermənistandakı Metsamor Atom Elektrik Stansiyasıdır. Bu stansiya müasir təhlükəsizlik standartlarına cavab vermədiyi halda fəaliyyət göstərir. Metsamor AES-in fəaliyyəti tək Ermənistan üçün deyil, bütün region üçün böyük təhlükə mənbəyidir”.

Onun sözlərinə görə, nüvə enerjisi və atom silahları ilə məşğul olan beynəlxalq təşkilatlar bu məsələni nəzarətə götürməli və lazımı qərarlar verməlidirlər.

2018-ci ildən Gürcüstan ərazisi ilə hərəkət edən, lakin xaricdə qeydiyyata alınmış avtomobillər üçün icbari sığorta qüvvəyə minəcək. Bununla da Gürcüstana avtomobillə daxil olarkən icbari sığortaya görə yeni tariflər tətbiq olunacaq.

Bəs yeni qaydalar Azərbaycandan bu ölkəyə avtomobillə gedənlərə tətbiq olunacaqmı?

Dalga tv Oxu.Az-a istinadən xəbər verir ki,  “XəzərXəbər” məsələyə aydınlıq gətirib.

Ekspert Ərşad Hüseynov bildirir ki, Gürcüstanda əvvəllər belə bir sığorta olub. Ancaq yeni qanunun qəbul edilməsi ilə tariflərdə artımlar olacaq.

Ərşad Hüseynovun sözlərinə görə, indi Gürcüstan, eləcə də, digər ölkələr yaşıl kartın üzvü olduğuna görə həmin ölkələrə onsuz da beynəlxalq səviyyədə icbari sığorta olmadan avtomobillə daxil olmaq mümkün deyil. Buna görə də Gürcüstanın icbari sığortalar haqqında qanununda dəyişiklik Azərbaycanda hər sürücüyə şamil edilməyəcək.

Yaşıl kart sığortasından faydalanmaq üçün isə tariflər beynəlxalq tariflər olduğuna görə onun həcmi Maliyyə Nazirliyi tərəfindən müəyyən olunur. Yaşıl kart sığortası Azərbaycandakı sığorta şirkətləri tərəfindən verilməkdədir. Sığortanın məbləği  gediləcək ölkədən və orada qalmaq müddətindən asılı olaraq dəyişir. 

Zaqatala rayonunda ağır yol-nəqliyyat hadisəsi baş verib, bir ailənin dörd üzvü yaralanıb.

Dalga tv Oxu.Az-a istinadən xəbər verir ki, hadisə Yevlax-Zaqatala-Gürcüstan magistral yolunun Zaqatala rayonu ərazisindən keçən hissəsində qeydə alınıb.

Belə ki, “KamAz” markalı yük maşını ilə “Mercedes” markalı minik avtomobili toqquşub. Nəticədə “Mercedes”in sürücüsü, 1949-cu il təvəllüdlü Adil Hacıməmməd oğlu Vəliyev və onun sərnişinləri - 1953-cü il təvəllüdlü Ramazan Ərəb oğlu Balayev, 1981-ci il təvəllüdlü Gülpəri Ramazan qızı Balayeva və 2016-cı il təvəllüdlü Əsrəd Ramil qızı Vəliyeva müxtəlif dərəcəli bədən xəsarətləri alıb.

Yaralılar Zaqatala Rayon Mərkəzi Xəstəxanasına yerləşdirilib. Onların vəziyyətinin orta-ağır olduğu bildirilir.

Faktla bağlı araşdırmalara başlanılıb.

Bu gün Bakı metrosunda faciəvi hadisə baş verib.

Dalga tv Oxu.Az-a istinadən xəbər verir ki, yaşlı kişi metronun “Elmlər Akademiyası” stansiyasında relslərin üzərinə yıxılıb. Hadisə qatar platformaya daxil olarkən baş verib və həmin şəxs huşsuz vəziyyətdə relslərin üzərindən götürülüb.

Stansiyaya təcili tibbi yardım briqadası gəlib. Həkimlərin səyinə baxmayaraq o ölüb. Üzərindən çıxan sənədlər əsasında məlum olub ki, həmin şəxs 83 yaşlı Səyyad Xəlilovdur.

Onun özünü qəsdən qatarın altına atması və ya bədbəxt hadisə nəticəsində yıxılması kamera görüntüləri araşdırılandan sonra dəqiqləşəcək.

 Gürcüstanın hüquq-mühafizə orqanlarıı gömrük nəzarətindən yayınmaqla 1,3 kq qızıl-zinət əşyalarını ölkəyə keçirmək ittihamı ilə iki Azərbaycan vətəndaşını saxlayıb.

Dalga tv "Report" a istinadən xəbər verir ki, bu barədə Gürcüstanın Maliyyə Nazirliyinin istintaq xidmətindən bildirilib. 

İstintaq təqsirləndirilən şəxslərin "Qırmızı körpü" gömrük məntəqəsindən keçməklə ölkəyə qanunsuz qızıl gətirdiklərini iddia edir. Qaçaq malların gömrük dəyəri 676 min laridən (281 min dollardan) çoxdur. 

Bununla əlaqədr  "Gürcüstan gömrük sərhədindən külli miqdarda malın hərəkəti ilə əlaqədar qaydaların pozulması" maddəsi ilə cinayət işi açılıb. Azərbaycan vətəndaşlarına qarşı irəli sürülmüş ittihamlar təsdiqlənərsə onları 5 ildən 7 ilə qədər azadlıqdan məhrumetmə cəzası gözləyir.