Türkiyənin Kızılay məhəlləsində iki övladı ilə bərabər yaşayan 79 yaşlı Fatma Yüksəl ölümündən 15 gün sonra dəfn edilib.

Dalga tv Oxu.Az-a istinadən verdiyi məlumata görə, qadını uzun müddət görməyən qonşular ona baş çəkmək qərarına gəliblər.

Onların üzünə qapını Fatma Yüksəlin 42 yaşlı övladı Serpil Yüksel açıb və anasının xəstə olduğunu bildirərək içəri buraxmayıb. Evdən pis qoxu gəldiyini hiss edən qonşular vəziyyətdən şübhələnərək polisə xəbər veriblər.

Sərpil Yüksəl “Anam evdə xəstə yatır, sabah xəstəxanaya aparacağam. Siz niyə gəldiniz?” deyərək polisi də evə buraxmaq istəməyib. Onun etirazına baxmayaraq, evə daxil olan polis 79 yaşlı qadının ölmüş vəziyyətdə divana uzadıldığını görüb. 

Qadının cəsədi morqda müayinə edilib. Bir tərəfi çürümüş ananın ən az 15 gün əvvəl vəfat etdiyi məlum olub. Ölüm səbəbi isə hələlik məlum deyil.

Anası və bacısı ilə eyni evdə yaşayan Ercan Yüksel bacısının təzyiqi altında qaldığı üçün analarının öldüyünü heç kimə söyləmədiyini bildirib. Serpil qardaşını intihar edəcəyi ilə qorxudub.

79 yaşlı Fatma Yüksəlin çürümüş cəsədi morqdan gətirildikdən sonra məhəllə məzarlığında dəfn edilib.

bilisidə küçəyə zibil atılması nəticəsində yazılan cərimələrin miqdarı 42 710 lari təşkil edib. 

"Tbilservice Group"un nəzarət xidmətinin inspektorları tərəfindən 411 cərimə protokolu tərtib olunub və bunlardan 378-i 2 kiloqramadək küçəyə atılmış zibilə görə tərtib edilib. 
Cərimələrin 151-i isə xarici ölkə vətəndaşlarına yazılıb.

Nəzərinizə çatdıraq ki:

- İki kiloqramadək atılmış zibilin cəriməsi - 80 lari

- İki kiloqramdan artıq atılmış zibilin cəriməsi - 150 lari

Zibil binadan atıldığı təqdirdə cərimənin miqdarı artır.

 Bu halda:

- İki kiloqramadək atılmış zibilin cəriməsi - 150 lari

- İki kiloqramdan artıq atılmış zibilin cəriməsi - 500 lari

Qeyd olunan cərimələmə sistemi 3 apreldən qüvvəyə minib. 20 aprelədək əhali məlumatlandırılıb. 

Bu tarixdən etibarən isə cərimələrin yazılması davam edir. 

Hal-hazırda Tbilisidə 10 inspektor çalışır.

Lənkəranda 7 nəfərin xəsarət alması ilə nəticələnən ağır yol-nəqliyyat hadisəsi baş verib.

Dalga tv Oxu.Az-a istinadən xəbər verir ki, hadisə Lənkəranın Liman şəhərində qeydə alınıb.

Belə ki, “42-ZA-220” dövlət seriya nişanlı, “VAZ-2106” markalı avtomobil “99-DK-328” dövlət nömrə nişanlı “Opel” markalı avtomobillə toqquşub. Nəticədə “VAZ 2106”da olan üç azyaşlı, iki qadın və sürücü ağır xəsarət alıb. Qeyd edək ki, hadisə zamanı xəsarət almış qadınlardan biri hamilədir.

Hadisə zamanı həmçinin “Opel” markalı avtomobilin sürücüsü də yaralanıb.

Yaralılar yerli sakinlərin köməyi ilə deformasiyaya uğramış avtomobildən çıxarılıb. Hadisə yerinə təcili yardım və polis əməkdaşları cəlb edilib.

Mübarək Ramazan ayının ilin ən isti günlərinə düşməsi ilə gün ərzində 17-18 saat oruc olaraq ac və susuz qalan insanların iftar vaxtı səhv qidalanma vərdişləri mədənin sağlamlığını təhlükə qarşısında qoya bilər.

Dalga tv Oxu.Az-a istinadən bildirir ki, məsələn: orucu buzlu su ilə açmaq, şorbanı qaynar halda içmək, loxmaları kifayət qədər çeynəməmiş udmaq, yemək zamanı həddindən çox su içmək kimi sadə davranışlar mədənin sağlamlığına mənfi təsir edir. Həmçinin iftardan sonrakı hərəkətsizlik və imsak etmədən oruc tutmaq da səhv davranışlar sırasındadır. 
Qidalanma və Pəhriz Mütəxəssisi Melis Torluoğlu, Ramazan ayında mədə sağlamlığını təsir edən yeddi səhv addımla bağlı xəbərdarlıqlar edib.

Orucu buz kimi su ilə açmaq

Havanın həddindən artıq isti keçməsi və orucun müddətinin də xeyli uzun olması doğrudur. Amma sərinləmə və susuzluğunuza baxmayaraq gün ərzində boş olan mədənizi iftarda orucunuzu açarkən buz kimi suyla doldurmaq mədəni təsir edir. Mədədə zədə, qaz, qabarıqlıq və turşuma kimi problemlərə səbəb ola bilir. Bütün gün istirahət etməkdə olan mədəni iftar vaxtı otaq hərarətində mayelərlə açmaq lazımdır.

Şorbanı və çayı qaynar içmək

İftar vaxtı şorba içmək mədənin rahat həzm etməsini təmin edir. Amma şorbanı qabağınıza orucunuzu açdığınız an qoymayın. Şorbanı ilıq olmasına fürsət verərək istehlak edin. Əks halda fayda əvəzinə zərər ilə üzləşə bilərsiniz. Həmçinin iftar vaxtı çayı da qaynar içməmək çox əhəmiyyətlidir. Çox isti içilən çay, qırtlaq xərçənginə yol aça bilər.

İftarda çoxlu su içmək

Ən böyük səhvlərdən biri də iftar vaxtı çoxlu su istehlak etməkdir. Yeməklə birlikdə istehlak olunan su, həzmə mane olur. Ona görə də yemək əsnasında orucu açacaq şəkildə suyu istehlak etmək kifayətdir. İftardan obaşdana qədər gündəlik 2,5 litr su ehtiyacınızı bir dəfəlik olmamaq şərtilə istehlak etməyiniz məsləhətdir. Bir dəfəyə həddən çox miqdarda içilən su böyrəklərə əziyyət verdiyi üçün zəhərlənməyə də səbəb ola bilər.

Bu üçlüyə diqqət edin

Çox ədviyyat və duz istifadəsi, tərkibində nəfis şəkər olan həddindən artıq şirin qidaların istehlakı və yağ faizi yüksək  olan qızartmalar həzm sistemində ziyan vura bilər. Susuzluğun qarşısını almaq, uzun müddət tox qalmaq və zəifləyən maddələr mübadiləsinin çatışmamazlığı ilə artıq çəki almamaq üçün bu üçlükdən mümkün qədər uzaq durmaqda fayda var.

Tikəni lazımı qədər çeynəməmək

Həzm əslində ağızda başlayır. Ağızdakı mexaniki həzm və fermentlərlə birlikdə yoğurulan qidalar yemək borusundan mədəyə ötürülür. Sürətli istehlak olunan qidalar ağızın həzm kanalını ötürdüyü üçün mədə bu tip qidaların həzmində çətinlik çəkir. Eyni zamanda sürətli şəkildə yeyilən yeməklə birlikdə udulan hava, qaz və köpmə probleminə yola açır. Mədənin sağlam həzm etməsi üçün yediyiniz tikələri yaxşı çeynəməyiniz şərtdir.

İmsakı ötürmək

Ramazan ayında xüsusən qarşımızda duran əsas məsələ imsakın qətiyyən ötürməmək lazımdır.

17-18 saat ac və susuz qalaraq orucun tutulmasını və yayın istilərini də nəzərə alsaq, obaşdana qalxılmadan tutulan oruc sağlamlığa zərər verə bilər. Həmçinin imsakda həzmi çətinləşdirən ağır qidalardan uzaq durmağı, gün boyu tox qalmağı təmin edən zülal mənbəli bir nahar edilməlidir.

İftardan sonra hərəkətsizlik

Hərəkətsizlik gündəlik həyatda da sağlamlığa təsir edən əhəmiyyətli səhvlərdən sayılır. İftardan sonra hərəkətsizlik xüsusən bədənə zərər verə bilir. Yüngül bir iftar yeməyindən 1-1,5 saat sonra yarım saatlıq bir hərəkət etmək lazımdır. Bu addımla həzm sisteminin daha məhsuldar işini təmin edə bilərsiniz. Bu müddətdə zəifləyən bağırsaq hərəkətlərinin də sürətlənməsinə dəstək olacaqsınız

Bu gün səhər saatlarında Şəmkirdə yaşayış evində partlayış olub.

Dalga tv Oxu.Az-a istinadən xəbər verir ki, hadisə rayonun Şiştəpə kəndində qeydə alınıb.

Kənd sakini 1977-ci il təvəllüdlü Araz Həsənov yaşadığı evdə qaz sızdığını hiss etməyərək siqaret çəkib və bu zaman partlayış baş verib. Hadisə zamanı A. Həsənov yanıq xəsarətləri alaraq xəstəxanaya yerləşdirilib. Onun vəziyyətinin orta ağır olduğu bildirilir.

Faktla bağlı araşdırma aparılır.