bilisinin sakinləri və qonaqları bu bazar günü Çin, Yaponiya, Hindistan, Böyük Britaniya və Şri Lankanın çay mədəniyyəti ilə tanış ola biləcəklər.

Dalga tv Xeber.ge-yə istinadla xəbər verir ki, bir günlük festivalı Gürcüstanın Çay istehsalçıları Assosiasiyası “Mtatsminda” parkında keçirəcək.

Festival ərazisində müxtəlif ölkələrin guşələri olacaq. Ziyarətçilər həmin guşələrdə ölkələrin çayiçmə mədəniyyəti ilə tanış ola və müxtəlif çay növləri, bal və digər şirniyyatların dadına baxa biləcəklər.

Festival saat 12:00-da başlayacaq və 18:00-a qədər davam edəcək. Giriş sərbəstdir.

Moskvada Şimali Butovo rayonunda başqasının avtomobilinə travmatik tapançadan atəş açmaqda şübhəli bilinən şəxs polislər tərəfindən saxlanılıb. 

Dalga tv Oxu.Az -a istinadən xəbər verir ki, hüquq-mühafizə orqanlarında olan mənbənin sözlərinə görə, hadisəyə şahid olan şəxs polisə müraciət edərək bildirib ki, “Audi A8” avtomobilini idarə edən naməlum şəxs “Toyota Camry” avtomobilinə tapançadan atəş açaraq hadisə yerindən qaçıb. 

Keçirilən əməliyyat nəticəsində 35 yaşlı azərbaycanlı saxlanılıb. Bir müddət sonra polisə 47 yaşlı azərbaycanlı müraciət edərək bu hadisədə zərərçəkən tərəf olduğunu bildirib. 

Fakt üzrə yoxlama aparılır, şübhəli bilinən şəxs saxlanılıb. 

Bioloji aktiv maddələrlə zəngin olan nanə ən faydalı müalicəvi bitkilərdən biri sayılır. Nanə qədim zamanlardan tanınır və təbabətdə istifadə olunur.

Nanə yarpaqları faraon məqbərələrində tapılıb, bu bitkinin adı Tövratda çəkilir. Hələ dahi Hippokrat, İbn Sina, Avisenna bu ətirli otun müalicəvi xüsusiyyətlərini bilir və çox yüksək qiymətləndirirdi.

Müasir tibb də nanənin müalicəvi xüsusiyyətlərini tanıyır. Nanə və nanə efir yağı müxtəlif dərmanların və məlhəmlərin tərkibinə daxil edilir.

Nanənin müalicəvi xüsusiyyətləri bunlardır:

- Nanə sinir sistemi üçün ən faydalı otlardan biri sayılır. Nanə gərginliyi azaldır, sakitləşdirir, baş ağrıları zamanı kömək edir.

- Güclü spazmolitik xüsusiyyətlərinə görə nanə həzm sistemi üçün də çox faydalıdır - köpü və qarın ağrıları azaldır, həzmə kömək edir, qurdqovucu və antiseptik təsir edir.

- Nanə çayı təzyiqi salmaq üçün ən tanınmış vasitələrdən biridir.

- Nanə orqanizmə sidik və ödqovucu təsir edir.

- Nanə ürəyin dostu sayılır. Ürək və damar xəstəliklərinin profilaktikası üçün hər gün nanə çayı için.

- Nanə güclü afrodiziak (cini həvəsi artıran maddə) sayılır.

- Nanə qadınlarda menstruasiya zamanı ağrıları azaldır.

- Nanə iltihabı azaldır, nəfəs yollarını selikdən və mikroblardan təmizləyir.

- Nanə yağı müxtəlif ağrıkəsici və iltihabəleyhinə məlhəmlərin tərkibinə daxil edilir, revmatizm, radikulit, əzələ və sinir ağrıları zamanı istifadə olunur.

Dünən gecə Batumidə əsən güclü külək fəsadlar törədib.
 
 Dalga tv APA-ya istinadən xəbər verir ki, Güclü külək avtobus dayanacağını uçurub, yaxınlıqdakı ağacları kökündən çıxarıb.
 
Bir yaşayış evinin damı yerindən qopub və həyətdə saxlanılan maşınların üstünə düşüb. Nəticədə 5 maşın zədələnib. Xəsarət alanlar barədə məlumat verilmir.
 
Hazırda fəsadlar aradan qaldırılır.

Gələn il yanvarın 1-dən Azərbaycan vətəndaşları bəzi ölkələrə şəxsiyyət vəsiqəsi ilə gedə bilərlər.

 Dalga tv Oxu.Az -a  istinadən xəbər verir ki, “Azərbaycanın Miqrasiya Məcəlləsində dəyişikliklər edilməsi haqqında” qanun layihəsinə əsasən, xarici dövlətlərlə müvafiq beynəlxalq müqavilə bağlanmış olduğu halda, Azərbaycan vətəndaşının şəxsiyyət vəsiqəsindən də vətəndaşın ölkədən getmək və ölkəyə gəlmək hüququnun həyata keçirilməsi üçün nəzərdə tutulan sənəd kimi istifadə oluna bilər. Bu dəyişikliyin 2018-ci il yanvarın 1-dən qüvvəyə minməsi təklif edilir.

Məcəlləyə bu dəyişiklik “Azərbaycan Respublikası vətəndaşının yeni nəsil şəxsiyyət vəsiqəsinin və 15 yaşı tamam olmamış Azərbaycan Respublikası vətəndaşının fərdi identifikasiya kartının tətbiqi müddətləri ilə əlaqədar Azərbaycan Respublikasının bəzi qanunlarında dəyişikliklər edilməsi haqqında” qanunda dəyişiklik edilməsi barədə” qanunun icrası ilə əlaqədar təklif edilir.

Bu qanun layihəsi Milli Məclisin mayın 25-də keçiriləcək plenar iclasında müzakirə ediləcək.

Qeyd edək ki, hazırda vətəndaşın ölkədən getmək və ölkəyə gəlmək hüququ Azərbaycan vətəndaşının pasportu ilə həyata keçirilir.

Gürcüstanın müxtəlif ali məktəblərində 8 min 12 nəfər əcnəbi tələbə təhsil alır.

Məlumata görə, bu barədə Gürcüstan Statistika İdarəsinin məlumatında deyilir.

Tələbələrdən 4 min 599-u özəl ali məktəblərdə oxuyur.

Gürcüstanın müxtəlif özəl və digər ali məktəblərində təhsil alan Azərbaycan vətəndaşlarının sayı 2 min 93 nəfər təşkil edir.

Gürcüstanda təhsil alan əcnəbilər arasında Çin, ABŞ, Kanada, Almaniya, Rusiya, İsrail, Böyük Britaniya, Fransa, İspaniya və digər ölkələrdən gələnlər də var.

Qeyd edək ki, Gürcüstanın müxtəlif ali məktəblərində ölkə vətəndaşı olan 3 minədək azərbaycanlı və digər milli azlıq nümayəndələri də təhsil alır. (apa)