Türkiyəli kardioloq, professor Canan Karatay çaya şəkər əvəzinə kərə yağı atmağı məsləhət görüb.

Dalga tv Türkiyə mətbuatına istinadən xəbər verir ki, həkim bunu onun çox faydalı olması ilə izah edib.

Bəs kərə yağlı çayın faydaları nələrdir?

Rahatladıcı və yumşaldıcı təsiri sayəsində çay cəmiyyətimizin ayrılmaz hissəsi olub. Hələ qədim zamanlardan min bir dərdin dərman olan çay şifahi xalq ədəbiyyatımızda da xüsusi yer tutub, ona mahnılar və şeirlər yazılıb.

Müxtəlif ölkələrin mədəniyyətlərindən asılı olaraq çayı hər xalq özünəməxsus şəkildə içir. Məsələn, bizdə çayı milli şirniyyatlar və mürəbbə ilə içməyi daha çox sevirlər, Türkiyədə şəkərlə qarışdıraraq, Tibetdə duzlu, İngiltərədə isə südlü çaydan istifadə edirlər.

Tibetlilər eyni zamanda sadə çayın dəminə kərə yağı, duz, yumurta və qoz kimi yeməklər qatırlar.

Canan Karatayın da yağlı çay resepti tibetlilərdən götürülüb. Kərə yağının antioksidant tərkibi az olsa da, zülal və xolesterinə faydalı təsir göstərir.

Dəridə yaranan çatları yox edərək parlaqlıq qazandırır. İmmunitet sistemini möhkəmləndirir.

Çaya 1 və ya 2 çay qaşığı kərə yağı əlavə etmək damarların tıxanmamasının da qarşısını alır.

Çində unikal, inanılmaz hadisə yaşanıb. Restoranlardan birində müştərinin sifariş verdiyi qızardılmış balıqlar masaya qoyulanda qışqırtı qopub.

Qışqıran müştəri idi.

Çünki masanın üzərindki 4 qızardılmış balıqlardan biri canlanıb və hərəkət etməyə başlayıb.

Mütəxəssislərin dediklərinə görə, səbəb ölü balığın əsəb hüceyrələrinin kənar qıcıqlandırıcıya reaksiya verməsi olub.

Zığ şosesində avtobusun aşması nəticəsində xəsarət alan 12 nəfər xəstəxanaya yerləşdirilib.

BunuAPA-ya Səhiyyə Nazirliyinin mətbuat xidmətinin rəhbəri Liya Bayramova deyib.

L. Bayramova onların 3 saylı şəhər Xəstəxanasına yerləşdirildiyini və müvafiq tibbi yardım göstərildiyini bildirib. 

Respublika Baş Prokurorluğu və Fövqəladə Hallar Nazirliyiitkin düşən alpinistlərlə bağlı birgə məlumat açıqlayıb.

APA-nın xəbərinə görə, Respublika Baş Prokurorluğu və Fövqəladə Hallar Nazirliyinin mətbuat xidmətlərinin birgə məlumatında bildirilir ki, 23 dekabr 2017-ci il tarixdə “Şahdağ” Milli Parkı ərazisində yerləşən “Tufandağ” zirvəsi istiqamətində qalxan “Gilavar” idman klubunun 3 üzvü - 1983-cü il təvəllüdlü Namin Bunyatov, 1990-cı il təvəllüdlü Babur Hüseynov və 1991-ci il təvəllüdlü Fəridə Cəbrayılzadənin itkin düşmələri barədə daxil olmuş məlumat əsasında dekabrın 27-də Fövqəladə Hallar və Ekologiya və Təbii Sərvətlər nazirliklərinin, Dövlət Sərhəd Xidmətinin müvafiq qurumları tərəfindən helikopter cəlb olunmaqla axtarışa başlanılıb.

İlkin araşdırmalarla müəyyən edilib ki, N.Bunyatov, B.Hüseynov və F.Cəbrayılzadə dekabrın 23-də saat 14 radələrində “Tufandağ” zirvəsinə qalxmaq məqsədilə rayonun Quba rayonunun Xınalıq kəndindən “Şahdağ” Milli parkının “Xınalıq” keçid məntəqəsinə gələrək zirvə istiqamətində hərəkət edib və naməlum şəraitdə itkin düşüblər.

Hadisə ilə əlaqədar xüsusi mühafizə olunan təbiət əraziləri və obyektlərindən istifadə sahəsində qanunvericiliyin tələblərinə əməl edilməməsinə, habelə adları qeyd olunan alpinistlərin ixtisası, təcrübəsi, hazırlıqlarının yürüşə imkan verib-verməməsi, meteoşəraitin dağın zirvəsinə qalxmağa əlverişli olub-olmaması, marşrutun seçilməsi və təhlükəsizlik tədbirləri ilə bağlı digər məsələlərə nəzarət edilməsi sahəsində məsul şəxslərin öz xidməti vəzifələrini lazımi qaydada yerinə yetirməməsinə dair şübhələr üçün kifayət qədər əsaslar yarandığından Cinayət Məcəlləsinin 314.2-ci (səhlənkarlıq, ehtiyatsızlıqdan ağır nəticələrə səbəb olduqda) maddəsi ilə cinayət işi başlanıb.

Hazırda cinayət işi üzrə Baş Prokurorluğun Ağır cinayətlərə dair işlər üzrə istintaq idarəsində zəruri istintaq-əməliyyat tədbirləri həyata keçirlir.

Dağlıq ərazi və əlverişsiz hava şəraitinin çətinliklər yaratmasına baxmayaraq Fövqəladə Hallar və Ekologiya və Təbii Sərvətlər nazirlikləri, Dövlət Sərhəd Xidməti tərəfindən intensiv axtarış tədbirləri davam etdirilir.

Faydaları saymaqla bitməyən badamın təsirini çoxaltmaq və bir dərman deposu halına gətirmək üçün sadəcə suda gözlətmək lazım olduğunu bilirdiniz?

Dalga tv suya qoyulduqdan sonra daha şəfalı olan badamın faydalarını təqdim edir.

1. İsladılmış badam E vitamini, maqnezium, kalsium, Omeqa 3 kimi vitamin və mineral kompleksi baxımından daha zəngin olur.

2. Alzaymer xəstəliyinə yoluxma riskini azaldır və beyinin funksiyalarına müsbət təsir göstərir.

3. E vitamini sayəsində kalsium və xolestrol səviyyələrini balanslaşdırır.

4. İsladılmış badamda yüksək miqdarda protein olur ki, bu da ürək infarktının riskini azaldır.

5. Sümük əriməsini əngələyir və dişləri möhkəmləndirir.

6. Metabolizmi sürətləndirir və enerji artırır.

7. Vücudda zərərli maddələrin toplanmasına əngəl olur və xərçəngdən qoruyur.

8. Qan təzyiqini normallaşdırır.

Çeçenistan sakini olan 104 yaşlı qarı Yeni il ərəfəsində Azərbaycanın Gədəbəy rayonunda küçədə soyuqdan donarkən tapılıb və Bakıda sığınacağa yerləşdirilib.

Oxu.az xəbər verir ki, bu barədə Virtualaz.org-a qadına sığınacaq verən “Təmiz Dünya” Qadınlara Yardım İctimai Birliyindən məlumat veriblər.

Pasport məlumatlarına görə 104 yaşı olan Mədinə Əliyevanı Gədəbəy rayon Polis İdarəsinin əməkdaşları küçədə soyuqdan donmuş halda tapıblar. Bir əsrdən çox yaşamış qadına Gədəbəydə ilkin tibbi yardım göstərilib, isti paltar, yemək verilib. Yanvarın 1-də isə onu Bakıya - “Təmiz Dünya” Qadınlara Yardım İctimai Birliyinin sığınacağına göndəriblər.

İctimai birliyin rəhbəri Mehriban Zeynalova deyib ki, sənədlərində Mədinə Əliyevanın 1914-cü ildə doğulduğu qeyd edilir. Qadın Rusiya vətəndaşıdır, Çeçenistanda qeydiyyatdadır, lakin Azərbaycan dilində sərbəst danışır. O, Gədəbəyə necə gəldiyini xatırlamır.

Mədinə Əliyeva çətin həyat sürdüyünü deyir, bildirdiyinə görə, sovet dövründə sürgün edilib, övladı olmayıb.

“Anam çeçen, atam ərəbdir. Məkkədə doğulub, böyümüşəm. Sonradan anam məni götürərək Çeçenistana qayıdıb. Oradan isə sürgün edilmişik”, - Mədinə Əliyeva özü barədə bunları deyib.

Danışdıqlarına əsasən, Çeçenistanda Mədinə Əliyevaya atasının dostu sahib çıxıb. 15 yaşında ərə verilib. Lakin övladı olmayıb, həyat yoldaşı dünyasını dəyişəndən sonra alverlə dolanıb. Əliyeva deyir ki, Azərbaycandan mal alaraq Çeçenistanda satırmış. Son 2 ilə qədər Azərbaycana mütəmadi gəlib-gedib, dilimizi də elə alverçilərdən öyrənib.

Mehriban Zeynalova bildirib ki, Mədinə Əliyeva Çeçenistandan Kərbəla ziyarətinə getmək üçün yola çıxdığını, lakin üç qadın tərəfindən aldadılaraq Azərbaycana gətirildiyini deyib. Bildirir ki, 200 dollar pulu, sənədləri və qulağındakı qızıl sırğaları oğurlanıb.

“Mədinə Əliyeva izahatında göstərib ki, qulaqlarındakı sırğa, pul və sənədlərini üç qadın götürüb. Onu Gədəbəyə niyə apardıqları da bəlli deyil. Hazırda araşdırma aparılır”, - M.Zeynalova əlavə edib.

M.Əliyeva yeriməkdə çətinlik çəkir, kömək olmadan yemək yeyə, özünə baxa bilmir. Buna baxmayaraq, Çeçenistanda evi olduğunu, geri qayıtmaq istədiyini deyib. Buna görə də, o, Bakının Xətai rayonu ərazisində yerləşən Tereza Ana sığınacağına köçürülüb. Onun Çeçenistana köçürülüb-köçürülməyəcəyi yaxın günlərdə bəlli olacaq.