Dekabrın 20-də Bakı Dəmir Yolu Vağzalına verilən elektrik enerjisinin qəfil dayanmasının səbəbləri məlum olub.

Dalga tv Oxu.Az-a istinadən məlumatına görə, "Azərbaycan Dəmir Yolları" Qapalı Səhmdar Cəmiyyətinin mətbuat xidmətinin rəhbəri Sevinc Qədirova Trend-ə açıqlamasında bildirib ki, hadisəyə Bakı Dəmir Yol Vağzalındakı yarıımstansiyadakı transformatorda yaranan problem səbəb olub: "Dünən axşam saatlarında həmin transformatora pişik daxil olub və nəticədə transformatorda qısaqapanmadan partlayış baş verib. Hadisə nəticəsində Dəmir Yolu Vağzalına elektrik enerjisinin verilişi dayandırılıb".

S.Qədirova bildirib ki, hadisə nəticəsində Bakı Dəmir Yolu Vağzalında təxminən 15 dəqiqə elektrik enerjisi olmayıb: "Hazırda vağzal elektrik enerjisi ilə təmin olunub, problem yoxdur".

Məmmədov soyadı Gürcüstanda ən çox yayılmış soyadların ilk onluğunda yer alıb.  
 

APA-nın yerli bürosunun Gürcüstanın Ədliyyə Nazirliyinin Dövlət Xidmətlərinin İnkişafı Agentliyinə istinadən verdiyi xəbərə görə, ölkədə Məmmədov və Məmmədova soyadlı 28 164 nəfər yaşayır.

Gürcüstanda ikinci ən çox yayılmış azərbaycanlı soyadı isə Əliyevdir. Bu soyad ölkədə ən çox yayılmış soyadların iyirmiliyində yer alıb. Gürcüstanda Əliyev və Əliyeva soyadını daşıyan 19 144 nəfər var.

Ölkədə ən geniş yayılmış azərbaycanlı kişi adları Əli (3269 nəfər), Elvin və Samir, qadın adları isə Leyla (18 279 nəfər), Aysel və Elmiradır.

Hipertoniya xəstəliyi bütün dünyada ən yayılmış xəstəliklərdən biridir.

Bu xəstəliyə daha çox yaşlı insanlar arasında rast gəlinir.  Lakin son zamanlar mütəxəssislər qeyd edir ki, hipertoniya xeyli cavanlaşıb.

Təəssüf ki, ilkin mərhələlərdə hipertoniya özünü, demək olar, heç bir simptomla büruzə vermir. Bəzən xəstəlik özünü yalnız son mərhələdə göstərərək insult və ya infarktın inkişafına gətirib çıxardır. Bu səbəbdən hipertoniyanı "səssiz qatil" adlandırırlar.

Hipertoniya orqanizmə dağıdıcı təsir edərək əsasən ürək, beyin, böyrəklər, gözləri zədələyir, infarkt və insult kimi ağır pozulmaların riskini dəfələrlə artırır.

Hipertoniyanı aşkar etmək asandır. Bunun üçün sadəcə vaxtaşırı olaraq təzyiqi ölçmək lazımdır. Bununla siz xəstəliyi ən ilkin mərhələdə "tuta" bilərsiniz.

Təzyiq bir neçə dəfə 120/80 mm c.st-dan yuxarı qalxıbsa, vaxt itirmədən həkimə müraciət edin.

Hipertoniyanın ilk mərhələlərində onu çox asan, dərmansız müalicə etmək mümkündür. Bunun üçün sadəcə bəzi qaydalara riayət etmək lazımdır.

Saglamolun.az sizə bu qaydaları təqdim edir:

1 qayda. Orqanizmə duzun daxil olmasını azaldın.

Duzun tərkibində olan natrium orqanizmdə mayeni saxlayır və bununla da qan təzyiqinin yüksəlməsinə səbəb olur.

Bu səbəbdən duzlu qidalardan, müxtəlif şorabalardan imtina etmək, yeməklərə daha az duz əlavə etmək lazımdır. Lakin duzdan tam imtina etmək də ziyanlıdır.

2. Artıq çəkidən azad olun.

Hipertoniyanın ilk səbəblərindən biri artıq çəkidir. Bir çox hallarda yalnız bədən çəkisini azaltmaqla təzyiqi normallaşdırmaq mümkündür.

3. Daha çox hərəkət edin.

Bu ürək-damar sisteminin vəziyyətinə müsbət təsir edir və həmçinin çəkinin azalmasına yardım edir.

4. Spirtli içkilər, siqaret, qəhvə və tünd çaydan imtina edin.

Çay və qəhvənin əvəzinə itburnu dəmləməsi, ot çayları (qara qarağat, albalı, moruq yarpaqlarından və s.) için.

5. Düzgün və sağlam qidalanın.  

Qidalanmanız əsasən sadə təbii qidadan ibarət olmalıdır - meyvə-tərəvəz, göyərtilər, sıyıqlar, balıq, süd məhsulları, bitki yağları, qoz-fındıq və s.

Gün ərzində az-az və tez-tez (4-5 dəfə) qidalanmaq lazımdır.

Artıq çəkiniz varsa, həftədə 1 dəfə ac qalın və ya qidalanmanı minimuma azaldın (məsələn, gün ərzində 1 kq alma və ya 300-400 qr kəsmik, qatıq və s.).

Qidalanmanızda daim kalium, kalsium və maqneziumla zəngin olan məhsullar olmalıdır. Bu mineralla təzyiqi tənzimləməyə kömək edir.

Kaliumla zəngin olan məhsullar: ərik və ərik qurusu, kartof, gül kələmi, balqabaq, banan və s.

Kalsium: süd və süd məhsulları.

Maqnezium: qoz, buğda kəpəyi, yarmalar (qarabaşaq, yulaf , arpa), kartof və s.

6. Stress vəziyyətlərdən qaçın, kifayət qədər yatın və dincəlin.

Azərbaycanda 15 günlük körpə kimsəsiz qalıb.

Dalga tv  Oxu.Az-a istinadən xəbər verir ki, uşaq dekabrın 6-da Sumqayıtda dünyaya gəlib. Ancaq ana uşağı nikahdankənar dünyaya gətirdiyi üçün ondan imtina edib. Körpənin anası əvvəl evli olub, boşandıqdan sonra başqası ilə münasibət qurub. Məlumata görə, uşaq atıldıqdan sonra onu tapan şəxs bir müddət kafedə saxlayıb. Hazırda oğlan uşağı olan körpənin qanun çərçivəsində körpələr evinə verilməsi üçün iş aparılır.

Artıq məsələ ilə bağlı Azərbaycan Uşaqlar Birliyinin rəhbəri Kəmalə Ağazadə də münasibət bildirib. O qeyd edib ki, məlumatı paylaşan şəxsə bildirdim ki, uşağın şəklini açıq qoymaq olmaz: “Buna insan alveri demək olar. Bununla bağlı mütləq rayon icra hakimiyyətinə və polisə məlumat vermək lazımdır. Qanuna uyğun olaraq uşaq körpələr evinə təhvil verilməlidir”.

C vitamini insan sağlamlığı üşün ən vacib vitaminlərdən  biridir.

C vitamininin bir çox faydalı xüsusiyyətləri var:

- immun sistemini möhkəmləndirir,

- soyuqdəymə və virus xəstəlikləri zamanı sağalmanı tezləşdirir,

- damarları elastik və möhkəm edir və bununla da ürək-damar sistemi xəstəliklərinin, o cümlədən infarkt və insultun riskini azaldır,

- sinir sisteminə müsbət təsir edir,

- orqanizmdə dəmirin mənimsənilməsini yaxşılaşdırır,

- "pis" xolesterinin səviyyəsini aşağı salır,

- güclü antioksidantdır - orqanizmi sərbəst radikalların təsirindən qoruyur, qocalmanı ləngidir,

- dəridə yara və xoraların sağalmasını tezləşdirir və s.

C vitamini orqanizmdə toplanmır və bu səbəbdən bu vitaminin orqanizmə müntəzəm daxil olunması  olduqca vacibdir.

Əksəriyyətimizin fikrinə görə, C vitamini ilə ən zəngin olan məhsullar sitrus meyvələridir. Lakin bu belə deyil. Sitrus meyvələri tərkibində olan C vitamininin miqdarına görə hətta ilk onluğa belə daxil deyil.

Saglamolun.az sizə C vitamininin miqdarına görə çempionları təqdim edir:

1. İtburnu

2. Qırmızı bolqar bibəri

3. Qara qarağat

4. Çaytikanı

5. Yaşıl bolqar bibəri, cəfəri

6. Brussel kələmi

7. Şüyüd, ayı sarımsağı

8. Kivi

9. Gül kələmi

10. Papayya

Daha sonra sitrus meyvələri, çiyələk, ağ kələm, ispanaq və s. kimi məhsullar gedir.

Gürcüstanın Daxili İşlər Nazirliyinin (DİN) Kvemo Kartli bölgəsi üzrə departamentinin əməkdaşları əməliyyat-axtarış tədbirləri nəticəsində qanunsuz narkotik vasitələrin dövriyyəsində şübhəli bilinən şəxsi saxlayıblar.

APA-nın yerli bürosunun xəbərinə görə, Gürcüstan DİN-in məlumatında bildirilir ki, istintaq nəticəsində saxlanılan 1962-ci il təvəllüdlü şəxsin mütəmadi olaraq narkotik vasitələrin satışı ilə məşğul olduğu müəyyən olunub. Saxlanılan şəxsdən tərkibində heroin və morfin olmaqla 4 bağlama narkotik vasitə müsadirə olunub.

Həmin şəxs Azərbaycanla sərhəddə yerləşən “Qırmızı körpü” sərhəd-keçid məntəqəsi ərazisində Gürcüstanı tərk etməyə cəhd edərkən saxlanılıb.

Faktla bağlı istintaq aparılır. Saxlanılan şəxsi 6 ildən 11 ilədək azadlıqdan məhrumetmə cəzası gözləyir.